இஞ்சி

Zingiber officinale இஞ்சி
காப்பு நிலை
Secure
உயிரியல் வகைப்பாடு
திணை:	தாவரம்
பிரிவு:	பூக்குந்தாவரம்
வகுப்பு:	Liliopsida
வரிசை:	இஞ்சிவரிசை
குடும்பம்:	இஞ்சிக் குடும்பம்
பேரினம்:	Zingiber
இனம்:	Z. officinale
இருசொற் பெயரீடு
Zingiber officinale ரொசுக்கோ

இஞ்சி (ஒலிப்பு ) (Zingiber officinale) உணவின் ருசி கருதி இந்திய, சீன உணவுகளில் சேர்த்துக் கொள்ளப்படும் ஒரு முக்கிய நறுமண அல்லது பலசரக்குப் பொருள் ஆகும். இது ஒரு மருத்துவ மூலிகையும் ஆகும். இது ஓராண்டுப் பயிராகும்.

பெயர் தோற்றம்

இஞ்சுதல் என்றால் நீரை உள்ளிழுத்தல். நீரை உள்ளிழுப்பதால் இஞ்சி எனும் பெயர் தோன்றிற்று.

பழம்பாடல்

“

காலையில் இஞ்சி,

கடும்பகல் சுக்கு,

மாலையில் கடுக்காய்

மண்டலம் சாப்பிட

கோலூன்றி நடந்தவன் கோலைவீசி

நடப்பான் மிடுக்காய்.

”

உபயோக முறைகள்

இஞ்சியை சாதாரணமாக தமிழ்நாட்டு சமையலில் சேர்த்துக் கொள்வது மிகப் பழங்கால வழக்கத்தில் ஒன்று.

• இஞ்சித்துவையல்
• இஞ்சிக்குழம்பு
• இஞ்சிப்பச்சடி
• இஞ்சிக்கஷாயம்

சுக்கு

சுக்கு (காய்ந்த இஞ்சி)

உலர்ந்த இஞ்சியே 'சுக்கு' (இலங்கையின் சில பகுதிகளில்: வேர்க் கொம்பு) என அழைக்கப்படுகிறது. இது பல மருத்துவப் பயன்களைக் கொண்டிருக்கிறது. இதன் மேன்மையை "சுக்குக்கு மிஞ்சிய வைத்தியமும் இல்லை, சுப்பிரமணியருக்கு மிஞ்சிய தெய்வமும் இல்லை" என்ற பழமொழியின் மூலம் அறியலாம். சுக்குக் கசாயம் மிக நல்ல வலி நீக்கும் மருந்தாகும்.

மேலும் படிக்க

• இந்திய வாசனைத் திரவியங்கள்