ஐன்ஸ்டைன் (அலகு)
ஒரு மோல் (6.022×1023) எண்ணிக்கையிலுள்ள ஒளியணுக்களின் ஆற்றலின் அளவு ஒரு ஐன்ஸ்டைன் (Einstein) அலகு ஆகும்.[1] ஆற்றலானது அலை நீளத்திற்கு எதிர் விகிதத்தில் இருக்குமென்பதால், இவ்வலகு அதிர்வெண்ணைச் சார்ந்திருக்கும். ஆனால் ஆற்றலின் சர்வதேச அலகான ஜூலிற்கும், ஐன்ஸ்டைனுக்கும் தொடர்பில்லை.
ஒளிச்சேர்க்கையின் ஆய்வுகளில் ஒரு மோல் ஒளியணுக்களுக்கு வேறுபட்ட வரையறையைக் கொண்டு ஐன்ஸ்டைன் அலகு பயன்படுத்தப்படுகிறது.[2] ஒளிச்சேர்க்கையின் போதுள்ள கதிர்வீசல் மைக்ரோஐன்ஸ்டைன்/விநாடி/கனமீட்டர் (μE m−2 s−1) என்ற அலகால் அளக்கப்படுகிறது.
இந்த அலகு சர்வதேச அலகாக ஏற்றுக் கொள்ளப்படாததால் இதன் பயன்பாடும் குறைவாகவே உள்ளது. ஜெர்மனி இயற்பியலாளர் ஆல்பர்ட் ஐன்ஸ்டைன் பெயரால் இந்த அலகு அழைக்கப்படுகிறது.