கலாமண்டலம் கிரிஜா
கலாமண்டலம் கிரிஜா (Kalamandalam Girija) ஒரு இந்திய கூடியாட்டம் நடனக் கலைஞர் ஆவார். இவருக்கு, இந்திய சமசுகிருத திரைஅரங்கு மற்றும் நடனத்தின் மறுமலர்ச்சியில் முக்கிய பங்கு வகித்த நாட்டியகலாசர்வபொவ்மன் குரு பெயின்குளம் ராம சக்யார் பயிற்சி அளித்தார். [1] கூடியாட்டத்தை கற்கும் முதல் நாங்கியர் அல்லாத மாணவராக கிரிஜாவை இவரது குரு தேர்வு செய்தார், மேலும் கோவில் வளாகத்திற்கு வெளியே கலை நிகழ்ச்சியை நிகழ்த்திய முதல் கூடியாட்டம் நடிகையாக; வரலாற்றின் ஒரு பகுதியாக விளங்கினார். இவர் ஐ.சி.சி.ஆரின் கலைஞர் ஆவார். [2]
| கலாமண்டலம் கிரிஜா | |
|---|---|
 | |
| பிறப்பு | 1958 கடவல்லூர் |
ஆரம்ப கால வாழ்க்கை
தொகுகலாமண்டலம் கிரிஜா கேரளாவின் திரிசூர் மாவட்டம் கடவல்லூரில் பிறந்தார் (1958) [3] இவரது குடும்பம், அவர்களின் வாழ்வாதாரத்திற்காக கோயில்களை நம்பியிருந்தது. கிரிஜாவின் தந்தை பக்சியில் நாராயணன் மூசாத் பதகத்தில் நிபுணராக இருந்தார். இவரது தாயார் தேவகி மனயம்மா திருவாதிரக்களி நடன கலைஞர் ஆவார். கிரிஜாவுக்கு ராமாயணம் மற்றும் மகாபாரத கதைகள் தெரிந்திருந்ததால் கூடியாட்டம் கற்றுக்கொள்ள உதவியாக இருந்தது. 1971 ஆம் ஆண்டில் கேரள கலாமண்டலத்தில் சேர்ந்தார். [4] கூடியாட்டத்தில் பட்டயப்படிப்பு மற்றும் அதில் மேற்படிப்பை 6 ஆண்டுகளில் வெற்றிகரமாக முடித்தார். இந்திய கலாச்சார அமைச்சகத்தின் உதவித்தொகையுடன் மேலும் பயிற்சி பெற்றார். பெயின்குளம் ராம சக்யாரைத் தவிர, குஞ்சிபிலகுட்டி நங்கியராம்மா, பி.கே.நாராயணன் நம்பியார் மற்றும் சமசுகிருத அறிஞர் உன்னிகிருஷ்ணன் இளையத் ஆகியோரும் பயிற்சியளித்தனர் . டாக்டர் கே.என். பிஷாரோதி விருது, மார்கி விருது போன்ற வெகுமதிகளை இவர் நடனம் கற்கும் காலத்திலேயே பெற்றுள்ளார்.
நடனக்கலைஞர்
தொகு
1984 ஆம் ஆண்டில் கலாமண்டலத்தில் கோயில்களுக்கு வெளியே நங்கியர்கூத்து நிகழ்த்திய முதல் கலைஞர் என்ற பெருமையுடன் கிரிஜா கூடியாட்டம் வரலாற்றில் தனது பெயரை வலுப்படுத்தினார். பின்னர் இவர் சர்வதேச அளவில் நிகழ்ச்சிகளை நிகழ்த்தியுள்ளார். இந்தியாவில் இவரது செயல்திறன் நிலைகளில் சங்கீத நாடக அகாதமி மற்றும் கலாச்சார உறவுகளுக்கான இந்திய கவுன்சில் ஆகியவை அடங்கும். உலகெங்கிலும் உள்ள தனது பல மாணவர்களை கலாமண்டலம் வந்து கூடியாட்டம் மற்றும் நங்கியர்கூத்து ஆகியவற்றைக் கற்றுக் கொள்ள இவர் வழிவகை செய்துள்ளார். கலாமண்டலம் களரியில் தனது பயிற்சி காலங்களில் பெற்ற கூடியாட்டத்தின் உள்ளார்ந்த நடிப்பு நுட்பங்களைப் பற்றிய அவரது அறிவும், கலாமண்டலம் சிவன் நம்பூதிரி மற்றும் கலாமண்டலம் ராம சக்யார் போன்ற சிறந்த கலைஞர்கள் தந்த பயிற்சியாலும், கூடியாட்டம் வரலாற்றில் நன்கு அறிந்த ஒரே பெண் கலைஞராக உள்ளார். இவர், கூடியாட்ட கலையில் பெண் மற்றும் ஆண் கதாபாத்திரங்களை ஏற்று நடிப்பது இவரது தனித்தன்மையாக உள்ளது.
விருதுகள்
தொகு2001 ஆம் ஆண்டில் கேரள அரசு கிரிஜாவுக்கு கேரள சங்கீத நாடக அகாதமி விருதை வழங்கியது. 2008 ஆம் ஆண்டில் இவர் பெயின்குளம் ராம சக்யார் ஸ்மாரகா விருதையும், [5] 2009 இல் கேரள கலாமண்டலம் விருதையும், 2012 இல் கலாசாகர் விருதையும் பெற்றார்.
நடன நிகழ்ச்சிகள்
தொகு
வேணிசம்ஹாரம் சட்டம் I - 2007, பாலசரிதம் சட்டம் II- பகவதி பிரவேசம் 2010, நாகானந்தம் சட்டம் IV- பறக்கும்கூத்து- 2013, வேணிசம்ஹாரம் 2015, தபதீசம்வரனம் -ஓழுக்கம் நங்கியார் -2016, ஸ்வப்பனவாசவதத்தம் - 2017, நைசாதநந்தகம் - 2019 மற்றும் நங்கியர்கூத்துகளான காந்தாரிவிலபம்- 2005, கர்னோல்பதி -2007, மாதவி -2010, கைகசீயம் 2013 போன்றவை இவர் அமைத்து வழங்கிய கூடியாட்டம் நடன நிகழ்ச்சிகளாகும்.
மேற்கொண்ட பணிகள்
தொகுகிரிஜா 1981 முதல் கேரள கலாமண்டலத்தில் கூடியாட்டம் மற்றும் நங்கியர்கூத்து பயிற்றுவிப்பாளராக பணியாற்றி வருகிறார். இப்போது துறைத் தலைவராக 2014 இல் உத்தியோகபூர்வ சேவைகளில் இருந்து ஓய்வு பெற்றார். இவர் தொடர்ந்து "குரு" அல்லது நாடக ஆராய்ச்சிக்கான மிருன்மய மையத்தின் பிரதான பயிற்றுவிப்பாளராக இருந்து வருகிறார். கூடியாட்டத்தின் கலையை பரப்புவதற்கான முன்முயற்சிகளுடன், பல்வேறு இந்திய மற்றும் சர்வதேச நாடகத் துறைகளுக்கான வருகை ஆசிரியராகவும் பணியாற்றுகிறார். 2016 ஆம் ஆண்டில், கேரள கலாமண்டலம் கலை பல்கலைக்கழகத்திற்கு கூடியாட்டம் துறையின் வருகை பேராசிரியத் தலைவராக மீண்டும் அழைக்கப்பட்டார். அங்கு ஆசிரியராகவும் இயக்குநராகவும் பணியாற்றிய இவரது திறன்கள் முதுகலை மற்றும் ஆராய்ச்சி மாணவர்களை வளர்க்க பயன்படும் என்று பல்கலைக்கழகம் கருதுகிறது.
குறிப்புகள்
தொகு- ↑ The Cambridge Encyclopedia of Stage Actors and Acting. Cambridge University Press.
- ↑ Features, Express (2015-01-06). "Tribute to a Master". The New Indian Express. பார்க்கப்பட்ட நாள் 2015-05-26.
- ↑ "Pioneer performer". The Hindu. 2010-11-26. பார்க்கப்பட்ட நாள் 2015-05-26.
- ↑ "Girija Devi Kalamandalam Kutiyattam and Nangiarkoothu artist Profile, Programs, Awards, Photos & Videos". Thiraseela.com. Archived from the original on 2019-01-08. பார்க்கப்பட்ட நாள் 2015-05-26.
{{cite web}}: Unknown parameter|=ignored (help) - ↑ "Painkulam award for Kalamandalam Girija". The Hindu. 2008-04-03. பார்க்கப்பட்ட நாள் 2015-05-26.