கார்கோட்டி அருங்காட்சியகம்

கார்கோட்டி அருங்காட்சியகம் (Gargoti Museum) என்பது இந்திய மாநிலமான மகாராட்டிராவில் உள்ள நாசிக்கிற்கு அருகிலுள்ள சின்னார் நகரில் அமைந்துள்ள ஒரு அருங்காட்சியகமாகும், இது 40 ஆண்டுகளுக்கும் மேலாக கே. சி. பாண்டேவால் சேகரிக்கப்பட்ட இயற்கை கனிமங்கள் மற்றும் ரத்தின மாதிரிகளின் தொகுப்பைக் கொண்டுள்ளது. "கோட்டி" என்ற சொல் கல் அல்லது கூழாங்கல் என்று பொருள்படும் ஒரு மராத்தி வார்த்தையைக் குறிக்கிறது. இது இந்தியாவின் முதல் மற்றும் ஒரே ரத்தினங்கள், கனிமங்கள் மற்றும் புதைபடிவ அருங்காட்சியகம் ஆகும். இது உலகின் மிகப்பெரிய மற்றும் மிகச்சிறந்த இந்திய செயோலைற்று தாதுக்கள் மற்றும் படிகங்களின் தொகுப்பையும் கொண்டுள்ளது.

கார்கோட்டி அருங்காட்சியகம்

गारगोटी संग्रहालय
அமைவிடம்	சின்னார், நாசிக், மகாராட்டிரம், இந்தியா
சேகரிப்பு அளவு	1000-இற்கும் மேற்பட்ட காட்சிப்பொருள்கள
வருனர்களின் எண்ணிக்கை	> 200,000 (ஆண்டொன்றுக்கு)
வலைத்தளம்	www.gargoti.com

அருங்காட்சியம் பற்றிய விவரங்கள்

கார்கோட்டி அருங்காட்சியகத்தில் இந்திய செயோலைற்று தாதுக்கள் மற்றும் படிகங்களின் மிகப்பெரிய மற்றும் மிகச்சிறந்த தொகுப்பு உள்ளது. இது தக்காண பீடபூமி காட்சிக்கூடம், பிரெஸ்டீஜ் காட்சிக்கூடம் என இரண்டு காட்சிக்கூடங்களாக பிரிக்கப்பட்டுள்ளது. அருங்காட்சியகத்தில் 2 தளங்கள் உள்ளன. அருங்காட்சியகமானது கனிமங்கள், படிகங்களின் பரந்த தொகுப்பைக் கொண்டுள்ளது. இது நாசிக்கிலிருந்து 32 கி. மீ தொலைவில் நாஷிக்-ஷீரடி நெடுஞ்சாலையில் சின்னார் என்ற நகரத்தில் அமைந்துள்ளது. 

அருங்காட்சியகத்தின் காட்சிப் பொருட்கள் பின்வருமாறு

• இயற்கை படிகங்கள்
• செயோலைற்றுகள், கனிமங்கள்
• ரத்தினக் கற்கள்
• குறைமணிக் கற்கள் மற்றும் குறைமணி உலோகங்கள்
• விலைமதிப்பற்ற கற்கள் மற்றும் உலோகங்கள்
• புதைபடிவங்கள்
• சிலைகள்
• கைவினைப் பொருட்கள்

தக்காண பீடபூமி காட்சிக்கூடம்

இந்தப் பகுதியில் இந்தியாவின் தக்காண பீடபமிப் பகுதியில், முக்கியமாக மகாராட்டிரா மற்றும் அதைச் சுற்றியுள்ள மாநிலங்களில் இருந்து தோண்டியெடுக்கப்பட்ட செயோலைற்று தாதுக்கள் மற்றும் படிகங்கள் காட்சிக்கு வைக்கப்பட்டுள்ளன.

காட்சிப்படுத்தப்பட்டுள்ள பொருள்களில் கீழ்க்காண்பவை அடங்கும்

1. செயோலைற்று, கனிமம் மற்றும் படிக மாதிரிகள்
2. குண்டுகள், அழிந்துபோன டைனோசர்கள் மற்றும் மம்மத்ஸின் புதைபடிவங்கள்
3. விலைமதிப்பற்ற/அரை விலைமதிப்பற்ற கற்களால் செதுக்கப்பட்ட சிலைகளின் சிறந்த தரம்
4. ஒளிரும் கனிம காட்சி

புனே, கார்கோட்டி அருங்காட்சியகம் விலைமதிப்பற்ற கல்

பிரெஸ்டீஜ் காட்சிக்கூடம்

இந்தப் பிரிவு இந்தியா மற்றும் உலகெங்கிலும் இருந்து அரிய கண்டுபிடிப்புகளைக் காட்டுகிறது.

இதில் கீழ்க்காண்பவை அடங்கும் -

1. ரத்தினங்கள், விலைமதிப்பற்ற/குறைமணிக் கற்கள்
2. விலைமதிப்பற்ற/குறைமணி உலோகங்கள்
3. சந்திரன் மற்றும் செவ்வாய் கிரகத்திலிருந்து பாறைகள்
4. சிறந்த இந்திய செயோலைற்ற தாதுக்கள்

பிரெஸ்டீஜ் காட்சிக்கூடத்தின் வடிவமைப்புகள் இந்திய நாடாளுமன்றத்தின் நினைவுச்சின்னத்தால் ஈர்க்கப்பட்டுள்ளன, மேலும் இயற்கையின் மயக்கும் பொக்கிஷங்களின் ஒரு காட்சியைக் காட்டுகின்றன.

படக்காட்சியகம்

• 
• 
• 
• 
• 
• 
• 
•