கிருத்திகா ரெட்டி
கிருத்திகா ரெட்டி ( Kirthiga Reddy ) (பிறப்பு c.1971) ஒரு இந்திய-அமெரிக்க தொழிலதிபரும் சாஃப்ட் வங்கியின் US$100 பில்லியன் விஷன் ஃபண்டின் துணிகர பங்குதாரர் ஆவார். [1] [2] இவர், சாஃப்ட் வங்கியின் முதல் பெண் முதலீட்டு பங்குதாரரும், முகநூல் இந்தியாவின் முன்னாள் நிர்வாக இயக்குனரும் ஆவார். [3] [4] [5]
| கிருத்திகா ரெட்டி | |
|---|---|
 | |
| பிறப்பு | 1971 (அகவை 52–53) சென்னை, இந்தியா |
| பணி | சாஃப்ட் வங்கியின் துணிகர பங்குதாரர் |
| வாழ்க்கைத் துணை | தேவானந்த் ரெட்டி |
| பிள்ளைகள் | 2 மகள்கள் |
இந்தியாவில் சமூக ஊடக நிறுவனங்களின் முதல் ஊழியர் என்ற பெருமையை இவர் பெற்றுள்ளார். மேலும், நாட்டில் நிறுவனத்தின் விரிவான வளர்ச்சிக்கு பின்னால் முன்னணி சக்திகளில் ஒருவராக இருந்து வருகிறார். [6]
2011 ஆம் ஆண்டில், இவர் பார்ச்சூன் இந்தியாவின் முதல் 50 சக்திவாய்ந்த பெண்களில் ஒருவர் ஆனார். மேலும் இந்தியாவின் 25 செல்வாக்கு மிக்க பெண்களில் இடம்பிடித்துள்ளார். [7] [8]
தொழில்
தொகுகிருத்திகா ரெட்டி இந்தியாவில் வளர்ந்தார். நடுத்தர வர்க்க பெற்றோருக்குப் பிறந்த இவரது தந்தை அரசு ஊழியர் ஆவார். மகாராஷ்டிராவின் டாக்டர் பாபாசாகேப் அம்பேத்கர் மராத்வாடா பல்கலைக்கழகத்தின் கீழ் உள்ள நாந்தேட்டில் உள்ள மகாத்மா காந்தி மிஷனின் பொறியியல் கல்லூரியில் கணினி அறிவியல் மற்றும் பொறியியலில் இளங்கலைப் பட்டத்தை முடித்தார். [9] பட்டம் பெற்ற பிறகு, இவர் தனது பெற்றோருடன் நாக்பூருக்கு குடிபெயர்ந்தார். பின்னர் யஷவந்த் கனேட்கரின் முக்கிய கருத்துக்களை விளக்குவதற்கு அவரது புத்தகங்களில் உள்ள நிரலாக்க எடுத்துக்காட்டுகளுடன் சுருக்கமாக பணியாற்றினார். [10] பின்னர் அவர் அமெரிக்காவிற்குச் சென்று ஸ்டான்போர்ட் பல்கலைக்கழகத்தில் வணிக நிர்வாகத்தில் முதுகலைப் பட்டமும், சைராகஸ் பல்கலைக்கழகத்தில் கணினிப் பொறியியலில் எம்.எஸ். பட்டமும் பெற்றார். [11]
ரெட்டி சிலிக்கான் கிராபிக்ஸ் மற்றும் மோட்டோரோலா போன்ற நிறுவப்பட்ட நிறுவனங்களில் பணியாற்றியுள்ளார். சிலிக்கான் கிராபிக்ஸில் இவர் பணிபுரிந்த காலத்தில், அவர் இளைய பொறியியல் இயக்குநராகவும் இவரது அணியில் அந்த மட்டத்தில் இருந்த ஒரே பெண்மணியாகவும் இருந்தார். 2008 இல், ரெட்டி மீண்டும் இந்தியாவுக்குச் சென்று, அமெரிக்காவைத் தளமாகக் கொண்ட ஃபீனிக்ஸ் டெக்னாலஜிஸ் நிறுவனத்துடன் இணைந்து பணியாற்றத் தொடங்கினார். [12]
ஜூலை 2010 இல், ரெட்டி முகநூல் நிறுவனத்தில் சேர்ந்தார். [13] [14] இந்த நிறுவனத்தின் முதல் பணியாளரான இவர், முகநூல் செயல்பாடுகளை புதிதாக ஆரம்பித்தது மட்டுமல்லாமல், முதல் நாளிலேயே அலுவலக ஷட்டரையும் திறக்க வேண்டியிருந்தது. இவரது தலைமையின் கீழ், பேஸ்புக் இந்தியா தனது பயனர் தளத்தை வளர்த்துக்கொள்வதோடு மட்டுமல்லாமல் , கோக-கோலா இந்தியா மற்றும் யெப்மி போன்ற முக்கிய இணைப்புகளுடன் விளம்பர விற்பனை மூலம் அதன் உலகளாவிய வணிகத்திற்கும் குறிப்பிடத்தக்க பங்களிப்பைச் செய்துள்ளது.
இந்தியாவில் 'இலவச அடிப்படைகள்' திட்டத்தை மூடிய ஒரு நாளுக்குப் பிறகு, கிருத்திகா ரெட்டி தனது பதவியில் இருந்து விலகுவதாகவும், ஆறு முதல் பன்னிரெண்டு மாதங்களில் அமெரிக்காவிற்கு இடம் பெயர்வதாகவும் தனது முடிவை அறிவித்தார். [15] [16]
பிப்ரவரி 12, 2016 அன்று, இவர் தனது முகநூல் பதிவில் எழுதினார்:
“எனது குடும்பம் இந்தியாவுக்கு இடம் பெயர்ந்தபோது, நாங்கள் மீண்டும் அமெரிக்காவுக்குச் செல்வோம் என்று எங்களுக்குத் தெரியும். அடுத்த 6-12 மாதங்களில் திரும்புவதற்கான காலக்கெடு வரப்போகிறது என்பதை பகிர்ந்து கொள்வது கசப்பான தருணம். எங்கள் இரண்டு மகள்களும் இந்த ஆண்டு உயர்நிலைப் பள்ளி மற்றும் நடுநிலைப் பள்ளியைத் தொடங்குகிறார்கள் - இது இந்த நகர்வைத் திரும்பப் பெறுவதற்கான இயற்கையான மாற்றமாக செயல்படுகிறது.
தனிப்பட்ட வாழ்க்கை
தொகுஇவர் தனது கணவர் தேவ்வை மணந்தார். இவர்களுக்கு ஆஷ்னா மற்றும் ஆரியா ஆகிய இரண்டு மகள்கள் உள்ளனர். [17]
சான்றுகள்
தொகு- ↑ "Ex-Facebook exec Kirthiga Reddy becomes first female investing partner at SoftBank's Vision Fund". டெக்கிரஞ்சு. https://techcrunch.com/2018/12/07/softbank-vision-fund-kirthiga-reddy/.
- ↑ "Kirthiga Reddy - Venture Partner, Americas". SoftBank Group. பார்க்கப்பட்ட நாள் 11 July 2019.
- ↑ "SoftBank Partner: Fundraising 'Environment Has Changed'". Fortune. https://fortune.com/2019/06/05/softbank-kirthiga-reddy-mpw/.
- ↑ "Facebook India's managing director Kirthiga Reddy steps down". http://timesofindia.indiatimes.com/tech/tech-news/Facebook-Indias-managing-director-Kirthiga-Reddy-steps-down/articleshow/50965733.cms.
- ↑ "Facebook India head Kirthiga Reddy steps down". http://www.thehindu.com/business/facebook-india-head-kirthiga-reddy-steps-down/article8231825.ece.
- ↑ "Buying likes is not a valid business model: Kirthiga Reddy, FB India head". பார்க்கப்பட்ட நாள் 4 February 2014.
- ↑ "Fortune lists women in power". telegraphindia.com. Archived from the original on 17 December 2014. பார்க்கப்பட்ட நாள் 5 July 2016.
- ↑ "India's 25 most influential women". India Today.
- ↑ "Kirthiga Reddy - LinkedIn". linkedin.com. பார்க்கப்பட்ட நாள் 5 July 2016.
- ↑ "Creating your own choices is the way to excel in personal and professional matters". The Economic Times. http://economictimes.indiatimes.com/creating-your-own-choices-is-the-way-to-excel-in-personal-and-professional-matters/articleshow/48955241.cms. பார்த்த நாள்: 14 September 2015.
- ↑ "Kirthiga Reddy: The face behind Facebook- Business News". intoday.in. 30 April 2011. பார்க்கப்பட்ட நாள் 5 July 2016.
- ↑ Gunjeet Sra. "Face to face with Kirthiga Reddy". India Today. பார்க்கப்பட்ட நாள் 11 November 2011.
- ↑ "Facebook Appoints Kirthiga Reddy As Head Of Indian Operations". Medianama.com. 15 July 2010. பார்க்கப்பட்ட நாள் 16 July 2010.
- ↑ E. Kumar Sharma (30 April 2011). "Digital diva". Business Today. பார்க்கப்பட்ட நாள் 15 May 2011.
- ↑ "Kirthiga Reddy steps down as Facebook India managing director". Firstpost. 12 February 2016. பார்க்கப்பட்ட நாள் 12 February 2016.
- ↑ "Facebook says India MD Kirthiga Reddy's US move not linked with Free Basics". The Indian Express. 14 February 2016. பார்க்கப்பட்ட நாள் 5 July 2016.
- ↑ "Creating your own choices is the way to excel in personal and professional matters". The Economic Times. http://economictimes.indiatimes.com/creating-your-own-choices-is-the-way-to-excel-in-personal-and-professional-matters/articleshow/48955241.cms. பார்த்த நாள்: 14 September 2015."Creating your own choices is the way to excel in personal and professional matters". The Economic Times. 14 September 2015. Retrieved 14 September 2015.