கூகூர் குகேஸ்வரர் கோயில்

கூகூர் குகேஸ்வரர் கோயில் தமிழ்நாட்டில் திருச்சி மாவட்டத்தில் உள்ள சிவன் கோயிலாகும்.

அமைவிடம்

இக்கோயில் திருச்சி மாவட்டத்தில் கூகூர் என்னுமிடத்தில் அமைந்துள்ளது.

இறைவன், இறைவி

இக்கோயிலின் மூலவராக குகேஸ்வரர் உள்ளார். மூலவர் மேற்கு திசை நோக்கிய நிலையில் உள்ளார். இங்குள்ள இறைவி கல்யாணசுந்தரி ஆவார். நவராத்திரி, கார்த்திகை, சிவராத்திரி, ஆண்டுப்பிறப்பு, பொங்கல், பௌர்ணமி நாட்களில் விழாக்கள் இங்கு கொண்டாடப்படுகின்றன.

அமைப்பு

திருச்சுற்றில் விநாயகர், வள்ளி தெய்வானையுடன் முருகன், சண்டிகேஸ்வரர் ஆகியோர் உள்ளனர். அருகே நவக்கிரக சன்னதி உள்ளது. கிழக்கில் பைரவரும், தெற்கில் தட்சிணாமூர்த்தியும் உள்ளனர்.

மற்றொரு கூகூர்

தஞ்சாவூர் மாவட்டததில் கூகூர் என்ற பெயரில் ஒரு ஊர் உள்ளது. அங்குள்ள கோயில் ஆம்பரவனேஸ்வரர் கோயிலாகும்.