கோத்தா கினபாலு மாநகராட்சி

கோத்தா கினபாலு மாநகரத்தை நிர்வகிக்கும் மாநகராட்சி

கோத்தா கினபாலு மாநகராட்சி (மலாய்: Dewan Bandaraya Kota Kinabalu; ஆங்கிலம்: Kota Kinabalu City Hall); (சுருக்கம்: DBKK) என்பது மலேசியா, சபா, மாநிலத்தில் கோத்தா கினபாலு மாநகரத்தையும்; கோத்தா கினபாலு மாவட்டத்தையும் நிர்வகிக்கும் மாநகராட்சி ஆகும். மலேசியாவின் சபா மாநில அரசாங்கத்தின் கீழ் இந்த மாநகராட்சி செயல்படுகிறது.

கோத்தா கினபாலு மாநகராட்சி
Kota Kinabalu City Hall
Dewan Bandaraya Kota Kinabalu
வகை
வகை
வரலாறு
தோற்றுவிப்பு02 பிப்ரவரி 2000
முன்புகோத்தா கினபாலு நகராட்சி
(Miri Municipal Council)
தலைமை
மாநகர முதல்வர்
நூர்லிசா அவாங் அலிப்
(Noorliza Awang Alip)
1 சனவரி 2021
தலைமை இயக்குநர்
(காலியாக உள்ளது)
1 சனவரி 2022
குறிக்கோளுரை
இயற்கை உல்லாச மாநகரம்
(Nature Resort City)
கூடும் இடம்
கோத்தா கினபாலு மாநகராட்சி தலைமையகம்
1, Jalan Bandaran, Pusat Bandar Kota Kinabalu, 88000 Kota Kinabalu, Sabah
கோத்தா கினபாலு, சபா
வலைத்தளம்
www.dbkk.sabah.gov.my

2000 பிப்ரவரி 2-ஆம் தேதி கோத்தா கினபாலு நகரத்திற்கு அதிகாரப்பூர்வமாக மாநகரத் தகுதி வழங்கப்பட்ட பிறகு இந்த மாநகராட்சி நிறுவப்பட்டது. இதன் அதிகார வரம்பு 351 சதுர கி. மீ. பரப்பளவைக் கொண்டது.

பொது தொகு

மாநகராட்சி முதல்வரும்; மற்றும் 24 மாநகராட்சி மன்ற உறுப்பினர்களும் ஓராண்டு காலம் பணியாற்ற சபா மாநில அரசாங்கத்தால் நியமிக்கப்பட்டு உள்ளனர்.

இந்த மாநகராட்சியின் நோக்கம்; கோத்தா கினபாலு மாநகரத்தின் உள்கட்டமைப்பு, பொது வசதிகளைப் பராமரிப்பதாகும். மேலும், கட்டடங்களை ஒழுங்கான முறையில் கட்டமைப்பது; பொது சுகாதாரத்தைப் பாதுகாப்பது; சுற்றுச் சூழலை அழகுபடுத்துவது; போன்றவை மாநகராட்சியின் முக்கியச் செயல்பாடுகள் ஆகும்.[1].

வரலாறு தொகு

1881-ஆம் ஆண்டில் உருவாக்கப்பட்ட பிரித்தானிய வடக்கு போர்னியோ நிறுவனத்தின் (British North Borneo Company (BNBC) தொடக்கக் காலத்தில் இருந்து ஜெசல்டன் (Jesselton) நகரத்தின் வரலாறு தொடங்குகிறது. ஜெசல்டன் என்பது கோத்தா கினபாலு மாநகரத்தின் பழைய காலனித்துவப் பெயராகும்.[2]

1946 சூன் 26-ஆம் தேதி பிரித்தானிய வடக்கு போர்னியோ நிறுவனம் அதிகாரப்பூர்வமாக கலைக்கப்பட்டது. 15 ஜூலை 1946 முதல் 16 செப்டம்பர் 1963 வரையில், மலேசியா உருவாகும் வரையில் சபா மாநிலம், வடக்கு போர்னியோ பிரித்தானிய முடியாட்சியின் நிலப்பகுதியாக இருந்தது.[3]

கோத்தா கினபாலு நகராட்சி தொகு

1963-ஆம் ஆண்டு மலேசியா கூட்டமைப்பில் (Federation of Malaysia) இணையும் வரையில் கோத்தா கினபாலு நகரம் ஜெசல்டன் நகரம் என்றே அழைக்கப்பட்டது. 1963-ஆம் ஆண்டு செப்டம்பர் மாதம் ஜெசல்டன் என்பது கோத்தா கினபாலு என மாறியது.[4]

பின்னர் நகர நிர்வாக அமைப்பு உருவாக்கப்பட்டு கோத்தா கினபாலு நகராட்சி என்று அழைக்கப்பட்டது. 2000 பிப்ரவரி 2-ஆம் தேதி கோத்தா கினபாலு நகரம், மாநகரம் எனும் தகுதியைப் பெற்றது. அதன் பிறகு ஒரு மாநகராட்சி மன்றம் நிறுவப்பட்டது.

தற்சமயம் கோத்தா கினபாலு மாநகரம், கோத்தா கினபாலு மாநகராட்சி (மலாய்: Dewan Bandaraya Kota Kinabalu; ஆங்கிலம்: Kota Kinabalu City Hall); (சுருக்கம்: DBKK) எனும் மாநகராட்சியால் நிர்வகிக்கப் படுகிறது.

நிர்வாகப் பகுதிகள் தொகு

  • தஞ்சோங் அரு - Tanjung Aru
  • கெபாயான் - Kepayan
  • கோத்தா கினபாலு நகரம் - Kota Kinabalu
  • லூயாங் - Luyang
  • இனனாம் - Inanam
  • மெங்காத்தால் - Menggatal
  • தெலிபோக் - Telipok
  • செபாங்கார் - Sepanggar

பிரித்தானிய போர்னியோ தொகு

1941 முதல் 1945 வரை சரவாக்கில் ஜப்பானியர்களின் ஆக்கிரமிப்பு (Japanese occupation of British Borneo); அப்போது கோத்தா கினபாலு நகராட்சிக் கழகத்தின் செயல்பாடுகள் தடைபட்டன.

பிரித்தானிய வடக்கு போர்னியோ நிறுவனம் (ஆங்கிலம்: British North Borneo Company (BNBC) என்பது வடக்கு போர்னியோ எனும் சபா மாநிலத்தின் வளங்களை நிர்வகிப்பதற்கு உருவாக்கப்பட்ட ஒரு பிரித்தானிய நிறுவனம் ஆகும். இந்த நிறுவனம் 1881 நவம்பர் 1-ஆம் தேதி உருவாக்கப்பட்டது.

1882-ஆம் ஆண்டில், பிரித்தானிய வடக்கு போர்னியோ நிறுவனத்திற்கு, சபாவை ஆட்சி செய்வதற்கான உரிமை கிடைத்தது.[5]

மிரி மாநகராட்சி முதல்வர்கள் தொகு

# முதல்வர் தொடக்கம் முடிவு
1 அப்துல் கனி அப்துல் ரசீட் 2 பிப்ரவரி 2000 1 பிப்ரவரி 2005
2 இலியாசு இப்ராகிம் 2 பிப்ரவரி 2005 1 பிப்ரவரி 2011[6]
3 ஆபிதீன் மடிங்கீர் 2 பிப்ரவரி 2011 1 பிப்ரவரி 2016
4 யோ பூன் அய் 2 பிப்ரவரி 2016 30 டிசம்பர் 2018
5 நார்டின் சிமன் 31 டிசம்பர் 2018 1 சனவரி 2021
6 நூர்லிசா அவாங் அலிப் 1 சனவரி 2021 பதவியில்

மேற்கோள்கள் தொகு

  1. Mohd Yahya, N., The local government system in Peninsular Malaysia: with special reference to the structure, management, finance and planning, 1987
  2. "In the late 1800s, the British North Borneo Company (BNBC) began establishing colonies throughout North Borneo (now Sabah). In 1882, the British North Borneo Company founded a small settlement in an area known as Teluk Gaya which had been inhabited by the Bajau people". dbkk.sabah.gov.my. பார்க்கப்பட்ட நாள் 27 August 2022.
  3. Renton, Alexander Wood; Robertson, Maxwell Anderson; Pollock, Frederick; Bowstead, William (1908). Encyclopædia of the laws of England with forms and precedents by the most eminent legal authorities. Sweet & Maxwell. https://archive.org/details/encyclopdialaws03bowsgoog. 
  4. Great Britain. Foreign Office (1888). British and Foreign State Papers. H.M. Stationery Office. 
  5. Rutter, Owen (1922). "British North Borneo - An Account of its History, Resources and Native Tribes". Cornell University Library. Constable & Company Ltd, London. p. 157.
  6. "Former cop Illiyas is new mayor of Kota Kinabalu". The Star. 21 January 2005. பார்க்கப்பட்ட நாள் 1 June 2019.

5°58′54.0″N 116°4′32.0″E / 5.981667°N 116.075556°E / 5.981667; 116.075556

வெளி இணைப்புகள் தொகு