கோரமாரா தீவு

கோரமாரா தீவு (Ghoramara Island) இந்தியாவின் மேற்கு வங்காள மாநிலம் கொல்கத்தாவிற்கு தெற்கில் 92 கிலோமீட்டர் தொலைவில் அமைந்துள்ளது.  வங்காள விரிகுடாவின் சுந்தர்பன் டெல்டா வளாகத்தில் ஒரு சிறிய தீவாக இது காணப்படுகிறது. தோராயமாக ஐந்து சதுர கிலோமீட்டர் பரப்பளவில் கோரமாரா தீவி பரந்து விரிந்துள்ளது. ஆனால் கடல் அரிப்பு மற்றும் கடல் மட்ட உயர்வு காரணமாக கொஞ்சம் கொஞ்சமாக மறைந்து வருகிறது.

கோரமாரா தீவு

புவியியல்
அமைவிடம்	வங்காள விரிகுடா
தீவுக்கூட்டம்	சுந்தரவனக்காடுகள்
நிர்வாகம்
இந்தியா
மக்கள்
மக்கள்தொகை	3000

சுருங்கும் தீவு

புவி வெப்பமடைதல் காரணமாக இமயமலையில் இருந்து புறப்பட்டு வங்காள விரிகுடாவில் கலந்து வரும் வரும் ஆறுகள் சமீப பத்தாண்டுகளில் பெருக்கெடுத்து நகர்ந்து சுந்தரவனக்காடு எனப்படும் இந்த தீவுகளை ஆபத்தில் ஆழ்த்தியுள்ளது. நான்கு தீவுகள் முற்றிலும் நீருக்கடியில் உள்ளன. மேலும் அப்பகுதியில் உள்ள மேலும் 10 தீவுகள் ஆபத்தில் உள்ளன.

இயாதவ்பூர் பல்கலைக்கழகத்தின் 2007 ஆம் ஆண்டு ஆய்வின் முடிவில் சுந்தர்பன் காடுகளின் 31 சதுர மைல்கள் (80 km²) 30 ஆண்டுகளில் காணாமல் போயுள்ளன. மேலும் கோரமாரா பதிமூன்று சதுர கிலோமீட்டர்கள் அல்லது ஐந்து சதுரமைல்கள் அளவுக்கு 1969 ஆம் ஆண்டில் இருந்ததை விட அதன் பாதி அளவில் சுருங்கியுள்ளது. இந்த நில இழப்பு காரணமாக 600 குடும்பங்களுக்கும் மேற்பட்டவர்கள் இடப்பெயர்வு அடைந்துள்ளனர்.

மக்கள் தொகை

கோரமாரா தீவில் ஒரு காலத்தில் 40,000 மக்கள் இருந்துள்ளனர். 2001 ஆம் ஆண்டு மேற்கொள்ளப்பட்ட இந்திய அரசு மக்கள்தொகைக் கணக்கெடுப்பு கோரமாராவில் 5,000 பேர் இருந்ததாக மக்கள் தொகையைக் காட்டியது; தீவு மூழ்கி வருவதால் குடும்பங்கள் இடம்பெயர்ந்துள்ளன. பல குடும்பங்கள் சிறந்த வாழ்வாதாரத்தைத் தேடி சென்றுள்ளனர். இதனால் மக்கள் தொகை சுருங்கிவிட்டதாக நம்பப்படுகிறது. 2016 ஆம் ஆண்டு நிலவரப்படி, தீவில் 3,000 குடியிருப்பாளர்கள் மட்டுமே இருந்தனர்.