சார்க்கண்டு கட்சி
சார்க்கண்டு கட்சி அல்லது ஜார்கண்ட் கட்சி (Jharkhand Party) இந்தியாவிலுள்ள பழமையான கட்சிகளில் ஒன்றாகும். இது மார்ச்சு 5, 1949 அன்று ராஞ்சியில் ஜெய்பால் சிங் முண்டாவால் உருவாக்கப்பட்டது.
| சார்க்கண்டு கட்சி | |
|---|---|
 | |
| சுருக்கக்குறி | சா. க அல்லது ஜா. க (JP) |
| தலைவர் | ஸ்ரீ அசித் குமார் |
| தலைவர் | ஸ்ரீ எனோசு எக்கா |
| நிறுவனர் | ஜெய்பால் சிங் முண்டா |
| பொதுச் செயலாளர் | ஸ்ரீ அசோக் குமார் பகத் |
| தொடக்கம் | 5 மார்ச் 1949 |
| தலைமையகம் | ராஞ்சி, சார்க்கண்டு |
| இ.தே.ஆ நிலை | Registered |
| இந்தியா அரசியல் | |
15 ஆண்டுகளுக்கும் மேலாக, பீகாரில் இந்திய தேசிய காங்கிரசுக்கு எதிராக சார்க்கண்டு கட்சி மட்டுமே பெரிய எதிர்க்கட்சியாக இருந்தது. 1955 ஆம் ஆண்டில், சார்க்கண்டு கட்சி, தனி சார்க்கண்டு மாநிலத்தை உருவாக்குவதற்கு ஒரு குறிப்பாணையை மாநில மறுசீரமைப்பு ஆணையத்திடம் சமர்ப்பித்தது, மொழி பொருளாதார காரணங்களுக்காக தனி மாநிலம் உருவாக்கப்படவில்லை.[1][2]
வரலாறு தொகு
1936-இல், ஜெய்பால் சிங் முண்டாவை சோட்டாநாக்பூர் உன்னதி சமாசு தலைவர்கள் அமைப்பின் தலைவராக இருக்க அணுகினர். ஜெய்பால் சிங் சோட்டாநாக்பூர் உன்னதி சமாசு என்ற பெயரை 1939-இல் அகில் பாரதிய ஆதிவாசி மகாசபை என்று மாற்றினார். ஜெய்பால் சிங் ஆதிவாசி மகாசபையின் தலைவரானார். 1940-இல் ராம்கர் காங்கிரசு மாநாட்டில், சுபாசு சந்திர போசுடன் தனி சார்க்கண்டு மாநிலம் அமைப்பதன் அவசியத்தை விவாதித்தார். அத்தகைய கோரிக்கை சுதந்திரப் போராட்டத்தைப் பாதிக்கும் என்று போசு பதிலளித்தார். இந்திய சுதந்திரத்திற்குப் பிறகு, ஆதிவாசி மகாசபை சார்க்கண்டு கட்சியாக மீண்டும் வெளிப்பட்டது, பழங்குடியினரால்லாத மக்களுக்கு நீண்ட கால இலக்குகளை அடைய இடமளித்தது. ஜெய்பால் சிங் சோட்டாநாக்பூரின் ஆதிவாசிகளால் "மராங் கோம்கே" ('பெரிய தலைவர்' என்று பொருள்படும்) என்ற பெயரால் பிரபலமாக அறியப்படுகிறார்.
1952 தேர்தலில் அக்கட்சி சிறப்பாக செயல்பட்டு, பீகார் சட்டமன்றத்தில் 325 இடங்களில் 34 இடங்களைப் பெற்று, முக்கிய எதிர்க்கட்சியாக மாறியது.[3]
சார்க்கண்டு கட்சி 1952 தேர்தலில் பங்கேற்று பீகார் சட்டப் பேரவையில் 34 இடங்களை வெற்றி பெற்றது. 1962ல் 20 இடங்களில் வெற்றி பெற்றது. 1955ஆம் ஆண்டில், சார்க்கண்டு கட்சி மாநில மறுசீரமைப்பு ஆணையத்திடம் தனி மாநிலம் உருவாக்க ஒரு குறிப்பாணையை சமர்ப்பித்தது, இப்பகுதியில் பல மொழிகள் இருந்ததாலும் மாநிலம் உருவாக்கப்படவில்லை.[4]
ஜெய்பால் சிங் தனது கட்சியின் பிரபலம் குறைந்து, தனி சார்க்கண்டு கோரிக்கையை நிராகரித்ததால் ஏமாற்றம் அடைந்தார்.[5] 1963-இல் சார்க்கண்டு கட்சி இந்திய தேசிய காங்கிரசுடன் இணைந்தது. [6] இந்த இணைப்பு அணிகளுக்குள் மிகவும் விரும்பத்தகாத அமைந்தது, அகில இந்திய சார்க்கண்டு கட்சி, உல் சார்க்கண்டு கட்சி, வீர் பிர்சா தால் உட்பட பல பிளவுகள் உருவாக்கப்பட்டன.
1967ஆம் ஆண்டு நடந்த தேர்தலில், நிரால் எனிம் ஹரோ கோலிபெரா தொகுதியில் நின்று சார்க்கண்டு கட்சியின் சட்டமன்ற உறுப்பினர் ஆனார்.
1971-இல், சார்க்கண்டு கட்சித் தலைவராக தேர்ந்தெடுக்கப்பட்ட பாகன் சும்ராய் என்பவரால் மறுசீரமைக்கப்பட்டது. ஹரோ கட்சியின் பொதுச் செயலாளர் ஆனார். 12 மார்ச் 1971 அன்று, சார்க்கண்டு கட்சி நாடாளுமன்றத்தின் முன் சார்க்கண்டு-மாங் திவாசு போராட்டத்தை ஏற்பாடு செய்தது. 1975-இல், நிரால் எனிம் ஹரோ கட்சியின் தலைவராகவும், நோரன் அன்சுதா பொதுச் செயலாளராகவும் தேர்ந்தெடுக்கப்பட்டார்.
1990-இல், நிரால் எனிம் ஹரோ தலைவராகவும், செயல் தலைவர் லால் ரன்விஜய் நாத் சகுதியோவும், அசோக் பகத் பொதுச் செயலாளராகவும் பைனியல் மாநாட்டில் தேர்ந்தெடுக்கப்பட்டார். 2005 அனோசு ஏக்கா கோலேபிரா சட்டசபைத் தேர்தலில் தேர்ந்தெடுக்கப்பட்டார், சார்க்கண்டு மாநிலத்தின் ஆய அமைச்சராகவும், கிராமப்புற வளர்ச்சி மற்றும் போக்குவரத்து அமைச்சராகவும் ஆனார், அனோசு ஏக்கா பொது மாநாட்டில் தலைவராகவும், அசோக் பகத் முதன்மை பொதுச் செயலாளராகவும் தேர்ந்தெடுக்கப்பட்டார்.
சனவரி 8, 2009 அன்று, சார்க்கண்டு கட்சியின் வேட்பாளர் ராஜா பீட்டர், சார்க்கண்டின் தற்போதைய முதல்வர் சிபு சோரன் 9,000 வாக்குகள் வித்தியாசத்தில் தோற்கடித்தார்.[5]
மேற்கோள்கள் தொகு
- ↑ Bera, Gautam Kumar (2008). The Unrest Axle: Ethno-social Movements in Eastern India edited by Gautam Kumar Bera. பக். 45–50. பன்னாட்டுத் தரப்புத்தக எண்:9788183241458. https://books.google.com/books?id=9qrmTdshzKQC&q=Maharaja+Kameshwar+Singh+darbhanga&pg=PA48.
- ↑ "Reunion bells ring for Jharkhand Party factions". https://www.telegraphindia.com/jharkhand/reunion-bells-ring-for-jharkhand-party-factions/cid/508512.
- ↑ Bera, Gautam Kumar (2008). The Unrest Axle: Ethno-social Movements in Eastern India edited by Gautam Kumar Bera. பக். 45–50. பன்னாட்டுத் தரப்புத்தக எண்:9788183241458. https://books.google.com/books?id=9qrmTdshzKQC&q=Maharaja+Kameshwar+Singh+darbhanga&pg=PA48.
- ↑ Aaku Srivastava (2022). Sensex of Regional Parties. பன்னாட்டுத் தரப்புத்தக எண்:978-9355212368. https://books.google.com/books?id=OEeHEAAAQBAJ&pg=PT251.
- ↑ 5.0 5.1 Kumāra, Braja Bihārī (1998). Small States Syndrome in India. பன்னாட்டுத் தரப்புத்தக எண்:9788170226918. https://books.google.com/books?id=nKqF_AgDd4gC&q=Small+States+Syndrome+in+India+Jharkhand&pg=PA118.
- ↑ Bera, Gautam Kumar (2008). The Unrest Axle: Ethno-social Movements in Eastern India edited by Gautam Kumar Bera. பக். 45–50. பன்னாட்டுத் தரப்புத்தக எண்:9788183241458. https://books.google.com/books?id=9qrmTdshzKQC&q=Maharaja+Kameshwar+Singh+darbhanga&pg=PA48.