சார்லசின் விதி

சார்லசின் விதி (கனவளவு விதி என்றும் அறியப்படுகிறது) ஒரு பரிசோதனை வாயு விதி ஆகும். இது வாயுக்களை வெப்பமாக்கும் போது எவ்வாறு விரிவடைய முனைகின்றன என்பதை விளக்குகிறது.

வெப்பநிலைக்கும் கனவளவிற்கும் இடையிலான தொடர்பினை விளக்கும் இயங்குபடம்.

சார்லசின் விதியினைப் பற்றிய தற்காலத்தைய கூற்று:

நிலையான அமுக்கத்தில் குறித்த திணிவு வாயுவின் கனவளவானது, தனிவெப்பநிலை அளவுகோல் வெப்பநிலையின் அதே காரணியினால் அதிகரிக்கும் அல்லது குறைவடையும் (அதாவது வெப்பநிலை அதிகரிப்பிற்கேற்ப வாயு விரிவடையும்).

இது பின்வருமாறு எழுதப்படலாம்:

$V\propto T\,$

இங்கு V என்பது வாயுவின் கனவளவு; T என்பது தனிவெப்பநிலை. இவ்விதியினை பின்வருமாறும் வெளிப்படுத்தலாம்:

${\frac {V_{1}}{T_{1}}}={\frac {V_{2}}{T_{2}}}\qquad \mathrm {or} \qquad {\frac {V_{2}}{V_{1}}}={\frac {T_{2}}{T_{1}}}\qquad \mathrm {or} \qquad V_{1}T_{2}=V_{2}T_{1}.$

இச்சமன்பாடானது தனிவெப்பநிலை அதிகரிக்கும் போது அதற்கு நேர்விகித சமனாக வாயுவின் கனவளவும் அதிகரிக்கும் என்பதைக் காட்டுகிறது.