சிங்களைட்டு

சிங்களைட்டு (Sinhalite) என்பது MgAl(BO₄) என்ற மூலக்கூற்று வாய்ப்பாட்டால் விவரிக்கப்படும் ஒரு கனிமம் ஆகும். போரேட்டு கனிமமாக இது வகைப்படுத்தப்படுகிறது.

சிங்களைட்டு Sinhalite
வகை	கனிமம்
இனங்காணல்
நிறம்	வெண்மை, சாம்பல், சாம்பல் நீலம், வெளிர் முதல் அடர் பழுப்பு, மஞ்சள், மஞ்சள் பழுப்பு, பச்சை கலந்த பழுப்பு, பச்சை, இளஞ்சிவப்பு, பழுப்பு கலந்த இளஞ்சிவப்பு
படிக இயல்பு	சிறுமணிகள், ஒழுங்கற்ற திரட்சிப் படிகங்கள்.
படிக அமைப்பு	நேர்ச்சாய்சதுரம்
பிளப்பு	இல்லை
முறிவு	சங்குருவம்
மோவின் அளவுகோல் வலிமை	6 1⁄2-7
கீற்றுவண்ணம்	வெண்மை
ஒளிஊடுருவும் தன்மை	ஒளிபுகும், ஒளி கசியும்
ஒப்படர்த்தி	3.46 to 3.50
அடர்த்தி	3.475-3.5
ஒளியியல் பண்புகள்	ஈரச்சு (-)
ஒளிவிலகல் எண்	1.665 to 1.712
இரட்டை ஒளிவிலகல்	0.036 to 0.042
பலதிசை வண்ணப்படிகமை	மூவண்ண ஒளிர்வு: பச்சை, இளம் பழுப்பு, அடர் பழுப்பு
2V கோணம்	56°
நிறப்பிரிகை	0.018
புறவூதா ஒளிர்தல்	இல்லை

முதன்முதலில் இலங்கையில் (சிலோன்) 1952 ஆம் ஆண்டில் இக்கனிமம் கண்டுபிடிக்கப்பட்டது. இலங்கையின் சமசுகிருதப் பெயரான சிங்களம் என்ற பெயரிலிருந்து சிங்களைட்டு என்ற பெயர் இக்கனிமத்தின் பெயராக வைக்கப்பட்டது.

மடகாசுகர், தான்சானியா மற்றும் மியான்மர் (பர்மா) ஆகிய நாடுகளிலும் இரத்தினக் கல் தரமான சிங்களைட்டு கனிமத்தைக் காணலாம். சிங்களைட்டு மிகவும் பொதுவாகக் காணப்படும் நிறம் வெள்ளையும் சாம்பலும் கலந்த நிறமாகும். சாம்பல்-நீலம் அல்லது வெளிறிய முதல் அடர் பழுப்பு வரையிலான நிறத்திலும் இது காணப்படுகிறது. வெளிர் இளஞ்சிவப்பு மற்றும் பழுப்பு இளஞ்சிவப்பு படிகங்கள் தான்சானியாவில் காணப்படுகின்றன.

பன்னாட்டு கனிமவியல் சங்கம் சிங்களைட்டு கனிமத்தை Shl என்ற குறியீட்டால் அடையாளப்படுத்துகிறது.