மறைமலை அடிகள்: திருத்தங்களுக்கு இடையிலான வேறுபாடு

'''மறைமலை அடிகள்''' ([[சூலை 15]], [[1876]] - [[செப்டம்பர் 15|செட்டம்பர் 15]], [[1950]]) புகழ் பெற்ற தமிழறிஞர், தமிழ் ஆய்வாளர். தமிழையும் வடமொழியையும் ஆங்கிலத்தையும் நன்கு கற்றவர். உயர்தனிச் செம்மொழியாம் தமிழை, வடமொழிக்கலப்பின்றித் தூய நடையில் எழுதிப் பிறரையும் ஊக்குவித்தவர். சிறப்பாக [[தனித்தமிழ் இயக்கம்|தனித்தமிழ் இயக்கத்தைத்]] தொடங்கித் தமிழைச் செழுமையாக வளர்த்தவர். [[பரிதிமாற் கலைஞர்|பரிதிமாற் கலைஞரும்]] மறைமலை அடிகளும் தனித்தமிழ் இயக்கத்தின் இரு பெரும் முன்னோடித் தலைவர்கள். குலசமய வேறுபாடின்றிப் பொதுமக்களுக்குக் கடவுட்பற்றும், சமயப் பற்றும் உண்டாக்கும் முறையில் சொற்பொழிவுகள் ஆற்றுவதில் வல்லவர். சைவத் திருப்பணியும், சீர்திருத்தப் பணியும் செவ்வனே செய்து தமிழர்தம் உள்ளங்களில் நீங்காத இடம் பெற்றவர்.

இவர் காலத்தில் பல புகழ் பெற்ற தமிழறிஞர்கள் வாழ்ந்தனர். [[மனோன்மணீயம்]] இயற்றிய [[சுந்தரனார்]], பெரும்புலவர் [[கதிரைவேலர்]], [[திரு. வி. கலியாணசுந்தரனார்]], நாவலர் ச. [[சோமசுந்தர பாரதியார்]], ‘தமிழ் தாத்தா’ [[உ. வே. சாமிநாதையர்]], [[தணிகைமணி வ.சு.செங்கல்வராயர்]], [[ரசிகமணி டி. கே. சிதம்பரநாதர்|இரசிகமணி டி. கே. சிதம்பரநாதர்]], பேராசிரியர் ச. [[வையபுரியார்]], [[கோவை இராமலிங்கம்]], [[சுப்பிரமணிய பாரதியார்]], [[மீனாட்சி சுந்தரனார்]], பொத்தக வணிகரும் மனோன்மணீயம் ஆசிரியர் சுந்தரனாரின் ஆசிரியரும் ஆன [[நாராயணசாமி]], 'சைவசித்தாந்த சண்டமாருதம்' என்று புகழப்பட்ட [[சோமசுந்தர நாயகர்]], என்று பலர் வாழ்ந்த காலம்.