வரிவடிவம்: திருத்தங்களுக்கு இடையிலான வேறுபாடு

 

[[ஒலியன் எழுத்தமைவு]] (phonemic orthography) முறையில் வரிவடிவங்கள் [[ஒலியன்]]களோடு ஒத்து அமைகின்றன. ஒலியன்களோடு முழுமையாக ஒத்துவராத எழுத்துக் கூட்டல் முறைகளைக் கொண்ட [[ஆங்கிலம்|ஆங்கிலத்தைப்]] போன்ற எழுத்து முறைகளில் ஒரு ஒலியனுக்குப் பல வரிவடிவங்கள் இருப்பதுண்டு. இத்தகையவை [[இருகூட்டெழுத்து]] (digraph), [[முக்கூட்டெழுத்து]] (trigraph) என அழைக்கப்படுகின்றன. எடுத்துக்காட்டாக "ship" என்னும் சொல்லில் "s", "h", "i", "p" என்னும் நான்கு வரிவடிவங்கள் உள்ளன எனினும், "s", "h" ஆகிய வரிவடிவங்கள் ஒருமித்து "sh" என்னும் ஒரு ஒலியனையே குறிப்பதனால் மூன்று ஒலியன்களே உள்ளன. "sh" ஒரு "இருகூட்டெழுத்து" ஆகும். சில வேளைகளில் ஒரு வரிவடிவம் இரண்டு ஒலியன்களை ஒருமித்துக் குறிப்பதும் உண்டு. எடுத்துக்காட்டாக, ஆங்கிலச் சொல்லான box (பாக்ஸ்) என்பதில் "x" என்னும் வரிவடிவம் "க்" "ஸ்" என்னும் இரண்டு ஒலியன்களைக் குறிக்கிறது.