ஒளிப்படம்: திருத்தங்களுக்கு இடையிலான வேறுபாடு

[[Image:View from the Window at Le Gras, Joseph Nicéphore Niépce.jpg|thumb|right|200px|சாளரத்தினூடாகத் தெரியும் ஒரு காட்சி 1826 ஆம் ஆண்டில் எடுக்கபட்ட ஒரு ஒளிப்படம். இயற்கைக் காட்சியொன்றைக் காட்டும் முதல் ஒளிப்படம் இதுவே எனக் கருதப்படுகின்றது.]]

'''ஒளிப்படம்''' (Photograph) என்பது, பொருட்கள் வெளிவிடுகின்ற அல்லது அவற்றின் மீது தெறித்து வருகின்ற [[ஒளி]]யினால், ஒரு [[ஒளியுணர் மேற்பரப்பு|ஒளியுணர் மேற்பரப்பில்]] உருவாக்கப்படும் விம்பத்தைக் குறிக்கும். இது '''புகைப்படம்''', '''நிழற்படம்''' போன்ற சொற்களாலும் குறிப்பிடப்படுவது உண்டு. மேற்குறித்த ஒளியுணர் மேற்பரப்பு ஒளிப்படத் தகடாகவோ, [[மின்னணு உணரி]]யாகவோ இருக்கலாம். பெரும்பாலான ஒளிப்படங்கள், [[ஒளிப்படக் கருவி]]கள் மூலம் உருவாக்கப்படுகின்றன. ஒளிப்படக் கருவிகள் [[வில்லை (ஒளியியல்)|வில்லை]]கள் மூலம் ஒரு காட்சியிலிருந்து வரும் ஒளியைக் குவித்து ஒளியுணர் மேற்பரப்பில் விழச் செய்வதன் மூலம் ஒளிப்பட விம்பத்தை உருவாக்குகின்றன. இது பின்னர் பல்வேறு வழிமுறைகள் மூலம் தாள், அட்டை அல்லது வேறு பொருட்களில் பதிக்கப்படுகின்றன.

 

==வரலாறு==

 

''டாகுவேரியோவகை'' ஒளிப்பட முறையில் பல பிரச்சினைகள் இருந்தன. குறிப்பாக, இதன் மூலம் ஒளிப்படத்தின் ஒரு படியை மட்டுமே உருவாக்க முடிந்தது. அதிலிருந்து பல படிகளை உருவாக்கக் கூடியதாக இருக்கவில்லை. வேறு மேம்பட்ட முறைகளை உருவாக்குவதற்குப் பலர் முயன்று வந்தனர். இவர்களால் உருவாக்கப்பட்ட பல வழிமுறைகள் குறுகிய காலங்களுக்குப் பயன்படுத்தபட்டன. 1848 ஆம் ஆண்டில் [[கொலோடியன் முறை]] எனப்படும் முறை அறிமுகமானது. இது கொலோடியன் எனப்படும் கரைசல் பூசிய கண்ணாடித் தகட்டை ஒளியுணர் மேற்பரப்பாகக் கொண்டது. இதில் உருவாக்கப்பட்ட எதிர் விம்பத்திலிருந்து வேறு தாள்களில் பல படிகளை எடுக்க முடிந்தது. 1871ல் இதிலும் மேம்பட்ட [[ஊன்பசை முறை]] (gelatin process) அறிமுகமானது. எனினும், கொலோடியன் முறையும் தொடர்ந்து பயன்பாட்டில் இருந்தது. இன்று வரை பயன்பாட்டில் உள்ள கறுப்பு வெள்ளை ஒளிப்படங்கள் முன் குறிப்பிட்ட ஊன்பசை முறையை அடிப்படையாகக் கொண்டனவே. தகட்டை உருவாக்கப் பயன்படுத்திய பொருட்கள் மாறினவேயன்றி அடிப்படைகளில் அதிக மாற்றம் ஏற்படவில்லை.