இளஞ்சேட்சென்னி: திருத்தங்களுக்கு இடையிலான வேறுபாடு

'''இளஞ்சேட்சென்னி''', பண்டைத் தமிழகத்தில் இருந்த சோழநாட்டின் மன்னர்களுள் ஒருவன். இவன் உருவப் பல்தேர் இளஞ்சேட்சென்னி என்றும் அழைக்கப்படுகிறான். கி.பி 3 ஆம் நூற்றாண்டுக்கு முன் வாழ்ந்தவன் ஆதலால் இவன் முற்காலச் [[சோழர்|சோழ]] அரசர்கள் வரிசையில் உள்ளவன். இம் மன்னனைப் பற்றிக் கிடைக்கப்பெற்ற தகவல்கள் [[சங்க இலக்கியம்|சங்க இலக்கிய]] நூல்களிலிருந்து கிடைக்கப் பெற்றவையே. [[புறநானூறு|புறநானூற்றிலும்]], [[அகநானூறு|அகநானூற்றிலும்]] இவனைப் பற்றிய பாடல்கள் உள்ளன. புறநானூற்றில், கி.பி முதலாம் நூற்றாண்டைச் சேர்ந்தவர்களாகக் கருதப்படும், [[பரணர்]]<ref>புறநானூறு நான்காம் பாடல்</ref> என்னும் புலவரும், கழாத்தலையார் அல்லது [[பெருங்குன்றூர் கிழார்]]<ref>புறநானூறு 266 ஆம் பாடல்</ref> என்பவரும் இவனைப்பற்றிப் பாடியுள்ளனர்.

கொடையிலும், போர்த் திறத்திலும் புகழ் பெற்றிருந்தான். வம்பர், வடுகர் ஆகியோரை முறியடித்தவன் என இவனைப் பற்றி அகநானூற்றில் குறிப்பிடப்பட்டுள்ளது<ref>அகநானூறு 375 ஆவது பாடல்:
:.....எழாஅத் திணிதோள் சோழர் பெருமகன்
:விளங்குபுகழ் நிறுத்த இளம்பெருஞ் சென்னி
:குடிக்கடன் ஆகலின் குறைவினை முடிமார்
:செம்புஉறழ் புரிசைப் பாழி நூறி
:வம்ப வடுகர் பைந்தலை சவட்டிக்.....</ref>. இம் மன்னனுடைய குதிரைப் படை, யானைப் படை என்பன பற்றிய குறிப்புக்களைத் தருகின்ற புறநானூற்றின் நான்காம் பாடல், அவன் குதிரைகள் பூட்டிய தேரில் வரும் காட்சியை சிவந்த சூரியனுக்கு உவமையாகக் கூறுகின்றது.