தேசவழமைச் சட்டம்: திருத்தங்களுக்கு இடையிலான வேறுபாடு

கி.பி. [[1620]] ஆம் ஆண்டுக்கு முன்னர், [[இலங்கை]]யின் வடபகுதியில், தமிழர்களைப்[[தமிழர்]]களைப் பெரும்பான்மையாகக் கொண்ட தனியான நாடு இருந்தது. இதுவே யாழ்ப்பாண அரசு அல்லது [[யாழ்ப்பாண இராச்சியம்]] எனப்படுகின்றது. முடியாட்சி முறையின் கீழ் ஆளப்பட்டுவந்த யாழ்ப்பாண இராச்சியத்தில், சட்டம் ஒழுங்கு முதலியவை எழுத்தில் இல்லாத ஆனால், குறைந்தது மூன்று, நான்கு நூற்றாண்டுகளாகவாவது நடைமுறையில் இருந்து வளர்ந்த ஒரு சட்டமுறை இருந்திருக்கிறது. கி.பி 1620 இல் [[யாழ்ப்பாணத்தில் போத்துக்கீசர் ஆட்சி|போத்துக்கீசர்]] யாழ்ப்பாண இராச்சியத்தைக் கைப்பற்றித் தங்கள் நேரடி ஆட்சியின் கீழ்க் கொண்டுவந்த பின்னரும், அவர்கள், யாழ்ப்பாணத்தின் உள்ளூர் [[முதலி]]மார்கள் ஊடாகவே மக்களைக் கட்டுப்படுத்தி வந்தமையால் பழைய நடைமுறைகளே யாழ்ப்பாணத்தில் தொடர்ந்தும் பின்பற்றப்பட்டன. 1658 இல் யாழ்ப்பாணம் போத்துக்கீசரிடமிருந்து [[யாழ்ப்பாணத்தில் ஒல்லாந்தர் ஆட்சி|ஒல்லாந்தர்]] கைக்கு மாறியது. எனினும், முன்போலவே, மரபு வழியான விடயங்கள் எல்லாவற்றிலும் பழைய நடைமுறைகளே, அதாவது வழமைகளே பின்பற்றப்பட்டதாகத் தெரிகிறது. 18 ஆம் நூற்றாண்டின் தொடக்கத்தில், யாழ்ப்பாண இராச்சியத்தின் குடிகளைக் கட்டுப்படுத்துவதற்கான சட்டங்களை எழுத்து மூலமாகத் தொகுக்கும் பொறுப்பு, அக்காலத்தில் யாழ்ப்பாணத்தில் [[திசாவை]] பதவி வகித்த ''கிளாஸ் ஈசாக்ஸ்'' (Class Issacs) என்பவருக்கு வழங்கப்பட்டது. அவர், யாழ்ப்பாணத்து முதலிமார்களின் உதவியுடன் நாட்டின் வழமைகளைத் தொகுத்தார். இதுவே '''தேசவழமைச் சட்டம்''' எனப்படுகின்றது. கி.பி 1707 ஆம் ஆண்டின் ஒல்லாந்த அரசினால் யாழ்ப்பாணத்துக்கு உரிய சட்டமாக இது ஏற்றுக்கொள்ளப்பட்டது. இச் சட்டம் [[டச்சு மொழி]]யில் எழுதப்பட்டுத் [[தமிழ்|தமிழிலும்]] மொழிபெயர்க்கப்பட்டது.