சிலாபட்டா காடு
சிலாபட்டா காடு (Chilapata Forest) இந்தியாவின் மேற்கு வங்காள மாநிலத்தின் அலிப்பூர்துவார் மாவட்டம் தூவார் மண்டலத்தில் உள்ள ஜல்தாபாரா தேசியப் பூங்காவிற்கு அருகில் அமைந்திருக்கும் ஓர் அடர்ந்த காடாகும். அலிப்பூர்துவாரிலிருந்து சுமார் 20 கி.மீட்டர் தொலைவிலும் அசிமரா நகரத்திலிருந்து சில நிமிடங்கள் தொலைவிலும் சிலாபட்டா காடு அமைந்துள்ளது.
| சிலாபட்டா காடு Chilapata Forest | |
|---|---|
| வனம் | |
  சிலாபட்டா காடு Chilapata Forest  சிலாபட்டா காடு Chilapata Forest | |
| ஆள்கூறுகள்: 26°33′02″N 89°22′47″E / 26.550556°N 89.379722°E | |
| நாடு |  India |
| மாநிலம் | மேற்கு வங்காளம் |
| மாவட்டம் | அலிப்பூர்துவார் |
சூழலியல் தொகு
சிலாபட்டா காடு ஜல்தாபாரா தேசிய பூங்காவிற்கும் பக்சா புலிகள் காப்பகத்திற்கும் இடையில் யானைகளுக்கான நடைபாதையை உருவாக்குகிறது.[1] புதிய இன விலங்குகள்,[2] பெரிய காண்டாமிருகங்கள் உட்பட பல வனவிலங்குகள் இக்காட்டில் வசிக்கின்றன. 1892-1904 ஆம் ஆண்டு காலத்தில் சிலாபட்டா வனப்பகுதியிலும் அதைச் சுற்றியுள்ள பகுதிகளிலும் வேட்டையாடிய கூச் பெகர் மன்னன், காண்டாமிருகம் ஒன்றை கொன்றது, ஒன்றைக் காயப்படுத்தியது மற்றும் 14 காண்டாமிருகங்களைப் பார்த்தது போன்ற செய்திகள் பதிவுசெய்யப்பட்டுள்ளன.[3] தற்பொழுது இக்காட்டில் காண்டாமிருகங்களைப் பார்ப்பது அரிதாகிவிட்டது. பொதுவாக இந்திய சிறுத்தைகளும் இதைப்போலவே அரிதாகி வருகின்றன.[4]
சுற்றுச்சூழல் சுற்றுலா பழங்குடியின ரபா இன மக்களுக்கு ஒரு புதிய வருமான ஆதாரத்தை வழங்கும் என்று நம்பப்படுகிறது. அவர்கள் தற்போது முக்கியமாக விறகுக்காக மட்டுமே காட்டை நம்பியுள்ளனர்.[5]
சுற்றுலா தொகு
மேற்கு வங்க மாநில வன மேம்பாட்டு நிறுவனம் கோடல்பாசுட்டி கிராமத்தில் சுற்றுச்சூழல் பாதிப்பில்லாத அடிப்படை வசதிகள் கொண்ட உல்லாச இருப்பிடங்களை நடத்தி வருகிறது.
ஐந்தாம் நூற்றாண்டில் இந்தியாவின் பொற்காலம் என்று கருதப்பட்ட குப்தர் காலத்தில் கட்டப்பட்ட பாழடைந்த "நல்ராசா கார்" அல்லது நல் மன்னர்களின் கோட்டை இங்குள்ள முக்கியமான இடங்களில் ஒன்றாகும். மோசமாக பராமரிக்கப்பட்டாலும் இந்த சுற்றுலா தளம் கணிசமான தொல்பொருளியல் ஆர்வத்தைக் கொண்டுள்ளது. மதுரா தேயிலைத் தோட்டத்தின் வழியாக பயணிக்கும் டோங்கா குதிரைச் சவாரி செய்தல், பனியா ஆற்றில் படகு சவாரி செய்தல் மற்றும் கல்கினி, பனியா மற்றும் பூரி பாசுராவின் ஆறுகளின் சங்கமத்தில் பயணம் செய்வது ஆகியவை இதர சுற்றுலா அம்சங்களாகும்.[6]
மேற்கோள்கள் தொகு
- ↑ Wildlife Times: Elephants of North Bengal பரணிடப்பட்டது 18 சூலை 2011 at the வந்தவழி இயந்திரம்
- ↑ The Telegraph 7 June 2008: From Paris on frog study tour
- ↑ Rhino Resource Center: Population history of rhinoceros in North Bengal
- ↑ Trek Earth: LEOPARD OF THE DOOARS
- ↑ Contested Belonging: An Indigenous People's Struggle for Forest and Identity in Sub-Himalayan Bengal by B. G. Karlsson, 2000 பன்னாட்டுத் தரப்புத்தக எண் 0-7007-1179-1, பன்னாட்டுத் தரப்புத்தக எண் 978-0-7007-1179-6
- ↑ The Telegraph 16 April 2008: Wild call for Dooars visitors
புற இணைப்புகள் தொகு
விக்கிச்செலவில் செலவு வழிகாட்டி: Chilapata- https://beyotee.com/chilapata பரணிடப்பட்டது 2021-04-10 at the வந்தவழி இயந்திரம்
 வெளி ஒளிதங்கள்
| |
|---|---|
|
Holiday at Chilapata |