சீரியம்(IV) ஆக்சைடு-சீரியம்(III) ஆக்சைடு சுழற்சி

வேதி வினை

சீரியம்(IV) ஆக்சைடு-சீரியம்(III) ஆக்சைடு சுழற்சி (Cerium(IV) oxide–Cerium(III) oxide cycle) என்பது ஐதரசனை உற்பத்தி செய்ய பயன்படும் இருபடிநிலை வெப்பவேதியியல் செயல்முறையாகும். CeO2/Ce2O3 என்ற குறியீட்டுப் பெயராலும் இச்சுழற்சி குறிப்பிடப்படுகிறது. இச்செயல்முறையில் சீரியம்(IV) ஆக்சைடு, சீரியம்(III) ஆக்சைடு ஆகிய சேர்மங்கள் பயன்படுத்தப்படுகின்றன[1]. சீரியம் சார்ந்த இச்சுழற்சி இரண்டு படிகளில் ஐதரசன் மற்றும் ஆக்சிசன் ஆகியவற்றை பிரித்தெடுக்கிறது, இதனால் உயர் வெப்பநிலை வாயு பிரிப்பு தேவைக்கதிகமாக கிடைக்கிறது.

விளக்கம் தொகு

இந்த வெப்ப வேதியியல் இருபடி நீர் பிரிப்புச் செயல்முறை ஒடுக்க ஏற்ற் வேதி வினைகளைப் பயன்படுத்துகிறது :[2].

  • பிரிகை: 2CeO2 → Ce2O3 + 0.5 O2
  • நீராற்பகுப்பு: Ce2O3 + H2O → 2CeO2 + H2

முதலாவது வெப்பங்கொள் வினையில் சீரியம்(IV) ஆக்சைடு 2000 பாகை செல்சியசு வெப்பநிலையில் மந்த வாயுச் சூழல் மற்றும் 100-200 மில்லிபார் அழுத்தத்தில் சீரியம்(III) ஆக்சைடு மற்றும் ஆக்சிசனாகப் பிரிகையடைகிறது. இரண்டாவது வெப்ப உமிழ்வினையில் சீரியம்(III) ஆக்சைடு 400 பாகை செல்சியசு வெப்பநிலையில் ஒரு நிலையான உலையில் நீருடன் வினைபுரிந்து ஐதரசன் மற்றும் சீரியம்(IV) ஆக்சைடு ஆகியவற்றைக் கொடுக்கிறது.

மேற்கோள்கள் தொகு