சுநாதவினோதினி

சுநாதவினோதினி இராகம் கருநாடக இசையில் பயன்படும் இராகங்களில் ஒன்றாகும். இது 65ஆவது மேளகர்த்தா இராகமாகிய, "ருத்ர" என்றழைக்கப்படும் 11ஆவது சக்கரத்தின் 5ஆவது மேளமாகிய மேசகல்யாணி இராகத்தின் ஜன்னிய இராகம் ஆகும்.

இலக்கணம்

சுநாதவினோதினி சுரங்கள் C யிலிருந்து தொடக்கம்

ஆரோகணம்:	ஸ க3 ம2 த2 நி3 ஸ்
அவரோகணம்:	ஸ் நி3 த2 ம2 க3 ஸ

• இது ஒரு ஔடவ இராகம்.
• ரிஷபம், பஞ்சமம் வர்ஜம் என்பதனால் இது ஒரு வர்ஜ இராகம் ஆகும், உபாங்க இராகம் ஆகும்.
• சுநாதவினோதினி இராகத்தில் ஷட்ஜம், அந்தர காந்தாரம்(க₃), பிரதி மத்திமம்(ம₂), சதுஸ்ருதி தைவதம்(த₂), காகலி நிஷாதம்(நி₃) ஆகிய சுரங்கள் வருகின்றன.
• இதன் தைவத, நிஷாத முறையே கிரக பேதத்தின் வழியாக சிவரஞ்சனி, ரேவதி ஜன்னிய இராகங்களை கொடுக்கும்.

உருப்படிகள்

• கிருதி : தேவாதி தேவ ஸ்ரீ வாசுதேவ, மைசூர் வாசுதேவச்சாரியார், ஆதி
• கிருதி : ஸாமகாண சுநாதவினோதினி, குருராகாசார்யா, ஆதி
• கிருதி : முத்தமிழ் மன்னவனே, ராமநாதன் செட்டியார், ஆதி