சுபானி பா யூனுஸ்

சுபானி பா யூனுஸ் (1931-2006) ஒரு திறமையான பாக்கித்தான் நடிகர், தொலைக்காட்சி மற்றும் வானொலி ஆளுமை கொண்டவர். அவரது தனித்துவமான குரல் தரம் அவருக்கு பாக்கித்தான் வானொலியில் ஒரு சிறப்பான இடத்தைப் பெற்று தந்தது. இவர் ஹத்ராமி சவுஷ் வம்சாவளியைச் சேர்ந்த உருது மொழி பேசும் ஹைதராபாத் முஸ்லீம். கவாஜா மொயினுதீனின் மேடை நாடகங்களிலிருந்து, குறிப்பாக தலீம்-இ-பாலிகன் என்ற நாடகத்தில் ஒரு கசாப்புக் கடைக்காரர் கதாபாத்திரத்தில் நடித்தன் மூலம் அவர் புகழ் பெற்றார்.

லால் கிலே சே லாலோ கைத் தக், முகமது பின் காசிம், கிசா சாஹர் தர்வாய்ஷ், மிர்சா காலிப் பந்தர் ரோடு பர், டோ துனி பஞ்ச், குடா கி பஸ்தி மற்றும் தன்ஹயான் ஆகியவை அவரது மறக்கமுடியாத நாடகங்கள். பி.தொலைக்காட்சிக்காக அவரது கடைசி நாடகம் பா அடாப் பா முலாஹிசா என்பதாகும். அதன் பிறகு அவர் தனது நடிப்பு வாழ்க்கையிலிருந்து கிட்டத்தட்ட ஓய்வு பெற்றார்.

கராச்சியில் 2006 மே 30 புதன்கிழமை தனது இல்லமான பிஐபி காலனியில் நீண்ட உடல்நலக்குறைவால் 75 வயதில் இறந்தார்.

தொழில்

ஆரம்பத்தில், சுபானி பா யூனுஸ் பெரும்பாலும் கவாஜா மொயினுதீனின் நாடகங்களில் நடித்தார். மேலும் அவர் பி.தொலைக்காட்சிக்கு செல்வதற்கு கவாஜா மொயினுதீனின் நாடகங்கள் உதவி புரிந்தன. கவாஜா சாஹிப்பின் லால் கிலே சே லாலுகேத் துக் மற்றும் தலீம்-இ-பால்கான் ஆகிய நாடகங்களின் மகத்தான வெற்றிக்கு பின்னர், நாடகங்களை தொலைக்காட்சிக்காக மாற்றியமைக்க எழுத்தாளர் அழைக்கப்பட்டார். வானொலியில் இந்த நாடகங்களில் முக்கிய வேடங்களில் நடித்த சுபானி பா யூனுஸ், பி.தொலைக்காட்சியில் நடிப்புப் பணிகளை சம வசதியுடனும் அடுத்தடுத்த வெற்றிகளுடனும் ஏற்றுக்கொண்டார். லால் கிலே சே லாலுகேத் துக், தலீம்-இ-பால்கான், தன்ஹயான், குடா கி பஸ்தி, மேரா நாம் மங்கு, இன்டிசார் ஃபர்மாயே, ஜானி டோ, இன்சன் அவுர் ஆத்மி, பா அடாப் பா முலாஹிஷா ஹோஷியர், அகாஹ்ரி சடான் மற்றும் லப்பைக் போன்ற நாடகங்களில் அற்புதமாக நடித்ததால் பி.தொலைக்காட்சியில் தனக்கென ஒரு முக்கிய இடத்தை உருவாக்க முடிந்தது.

மர்மம் நிறைந்த வேடங்களில் நடிப்பதில் அவர் திறமையானவர். மேலும் தொலைக்காட்சி மற்றும் வானொலியில் ஒளிபரப்பப்பட்ட ஜாப்ரியின் அலி ஜாபர் மர்மத் தொடரில் துப்பறியும் இன்ஸ்பெக்டர் ஜூபேரியின் முக்கிய கதாபாத்திரத்தில் ஒரு சிறந்த பணியைச் செய்தார். என்.டி.எம் தொலைக்காட்சி நிறுவனத்தின் மிஸ்டரி தியேட்டரின் பல அத்தியாயங்களில் அவர் கதாபாத்திர வேடங்களில் நடித்தார். இது சில ஆண்டுகளுக்கு முன்பு ஒரு தனியார் தொலைக்காட்சி சேனலில் மீண்டும் ஒளிபரப்பப்பட்டது. அவர் இப்னு-இ-சபிக்காகவும் பணியாற்றினார் என்று கூறப்படுகிறது.

சுபானி பா யூனுஸ், இக்பால் அக்தரின் நடான் (1973) படத்தில் வில்லன் வேடத்தில் நடித்ததன் மூலம் திரைப்படங்களில் கால் பதித்தார். அவர் ஏதர் ஷா கான் ஆஸ் பாஸ் (1982) மற்றும் இக்பால் அக்தரின் மறுபிரவேச தோல்வி படமான முஸ்குராஹத் (1995) ஆகியவற்றில் கதாபாத்திர வேடங்களில் நடித்தார். மான் டே மான் என்ற குஜராத்தி திரைப்படம் மற்றும் ஜாவேத் ஜாபரின் ஆங்கில மொழி திரைப்படமான பியண்ட் தி லாஸ்ட் மவுண்டன் (1977) ஆகியவற்றில் நடித்தார்.

1960 களில் சுபானி பா யூனுஸை பிரபலப்படுத்திய மிர்சா காலிப் பாத்திரம் முதலில் முகமது யூசுப்பிற்கு வழங்கப்பட்டதாகக் கூறப்படுகிறது. ஆனால் கடிதங்களின் மனிதர் என புகழப்பெற்ற நாசர் ஹைதராபாத் இந்த பாத்திரத்தை சுபானி பா யூனுஸுக்கு வழங்க வேண்டும் என்று வலியுறுத்தினார், மேலும் அவருடைய உயரமும் தோற்றமும் அவரை காலிப் கதாப்பாத்திரதுடன் ஒரு ஒற்றுமையை ஏற்படுத்தியது. காலிபின் நூற்றாண்டு விழாவின் ஒரு பகுதியாக 1968 ஆம் ஆண்டில் திரைப்படங்கள் மற்றும் வெளியீட்டு இயக்குநரகம் தயாரித்த ஆவணப்படத்தில் சுபானி பா யூனுஸ் காலிபாக நடித்தார். அரசியல் காரணங்களால் இந்த ஆவணப்படம் காட்டப்படவில்லை. இது இஸ்லாமாபாத்தின் ஷாலிமார் ரெக்கார்டிங் நிறுவனத்திடமிருந்து கிடைக்கிறது.