சுரேசு சத்யா
சுரேசு சத்யா (Suresh Sathya) இந்தியாவைச் சேர்ந்த ஒரு தடகள வீரராவார். 1987 ஆம் ஆண்டு செப்டம்பர் மாதம் 7 ஆம் தேதி இவர் பிறந்தார். 4 × 100 மீட்டர் தொடர் ஓட்டப்பந்தயத்தில் இந்தியாவின் சார்பாக பன்னாட்டுப் போட்டிகளில் இவர் பங்கேற்றுள்ளார். சத்யாவை உள்ளடக்கிய அணி 4 × 100 மீட்டர் தொடர் ஓட்டப் பந்தயத்தில் இந்திய தேசிய சாதனையை படைத்துள்ளது என்பது குறிப்பிடத்தக்கதாகும்.
| தனிநபர் தகவல் | |
|---|---|
| பிறந்த பெயர் | சுரேசு சத்யா Suresh Sathya |
| தேசியம் | இந்தியர் |
| பிறப்பு | 7 செப்டம்பர் 1987 |
| விளையாட்டு | |
| நாடு |  இந்தியா |
| விளையாட்டு | தடகளம் |
பதக்கத் தகவல்கள் | |
2010 ஆம் ஆண்டு புது தில்லியில் நடைபெற்ற 19 ஆவது பொதுநலவாய விளையாட்டுப் போட்டிகளில் இந்தியாவின் சார்பாக பங்கேற்ற 4 x 100 மீட்டர் தொடரோட்ட அணி வெண்கலப் பதக்கம் வென்றது. இந்த அணியில் சத்யாவும் உறுப்பினராக இருந்தார். இறுதிப் போட்டியில் வெற்றி பெற்ற இந்திய அணி இப்போட்டியில் தேசிய சாதனையையும் படைத்தது.[1]
2010 ஆம் ஆண்டு நடைபெற்ற ஆசிய விளையாட்டுப் போட்டிகளில் சத்யா 200 மீட்டர் ஓட்டப்போட்டியில் ஆறாவது இடத்தையும், 4 × 100 மீட்டர் தொடரோட்டப் போட்டியில் நான்காவது இடத்தையும் பிடித்தார். ஆனால் ஊக்க மருந்து சோதனையில் சத்யா தோல்வியுற்ற காரணத்தால் இரண்டு முடிவுகளும் இரத்து செய்யப்பட்டன. ஊக்கமருந்து எதிர்ப்பு மீறல் காரணமாக சத்யா இரண்டு ஆண்டுகள் போட்டிகளிலிருந்தும் இடைநீக்கம் செய்யப்பட்டார். [2]
மேற்கோள்கள்
தொகு- ↑ "Surprises at the track". தி நியூ இந்தியன் எக்சுபிரசு. 24 October 2010. http://www.newindianexpress.com/sport/2010/oct/24/surprises-at-the-track-197753.html. பார்த்த நாள்: 6 October 2016.
- ↑ "Suresh Sathya suspended for two years". தி இந்து. 19 March 2011. http://www.thehindu.com/todays-paper/tp-sports/suresh-sathya-suspended-for-two-years/article1552118.ece. பார்த்த நாள்: 6 October 2016.
புற இணைப்புகள்
தொகு- Suresh Sathya at the IAAF