சு. நடராஜா
சுப்பிரமணியம் நடராஜா (Subramaniam Nadarajah, இறப்பு: 12 பெப்ரவரி 1988) இலங்கைத் தமிழ் வழக்கறிஞரும், அரசியல்வாதியும், இலங்கை செனட் சபை உறுப்பினரும் ஆவார்.
எஸ். நடராஜா S. Nadarajah | |
|---|---|
| இலங்கை செனட் சபை உறுப்பினர் | |
| பதவியில் 1965–1971 | |
| தலைவர், யாழ்ப்பாண மாவட்ட அபிவிருத்தி சபை | |
| பதவியில் 1981–1983 | |
| தனிப்பட்ட விவரங்கள் | |
| இறப்பு | 12 பெப்ரவரி 1988 |
| அரசியல் கட்சி | அகில இலங்கைத் தமிழ்க் காங்கிரஸ் |
| பிற அரசியல் தொடர்புகள் | தமிழர் விடுதலைக் கூட்டணி |
| தொழில் | வழக்கறிஞர் |
| இனம் | இலங்கைத் தமிழர் |
"பொட்டர்" நடராஜா என அழைக்கப்படும் சுப்பிரமணியம் நடராஜா அகில இலங்கைத் தமிழ்க் காங்கிரஸ் கட்சியின் ஒரு மூத்த உறுப்பினர் ஆவார்.[1] 1961 ஆம் ஆண்டில் இலங்கைத் தமிழரசுக் கட்சி நடத்திய சத்தியாக்கிரகப் போராட்டத்தின் அமைப்பாளர்களில் ஒருவராக இருந்து பணியாற்றினார்.[2] 1965 முதல் 1971 வரை இலங்கை செனட் சபை உறுப்பினராகப் பணியாற்றினார்.[1]
1981 ஆம் ஆண்டில் மாவட்ட அபிவிருத்தி சபைகள் உருவாக்கப்பட்ட போது யாழ்ப்பாண மாவட்ட அபிவிருத்தி சபைக்குத் தலைவராகத் தேர்ந்தெடுக்கப்பட்டார்.[3][4] மாவட்ட சபைக்கு "கதிரைகளும் மேசைகளும் வாங்குவதற்குக்கூட" தமக்கு அதிகாரம் தரப்படவில்லை எனக் கூறி தனது பதவியை இவர் 1983 ஆம் ஆண்டில் துறந்தார்.[5][6]
படுகொலை
தொகு1988 பெப்ரவரி 12 இல் தனது 72 ஆவது அகவையில் நடராஜா யாழ்ப்பாணத்தில் சுட்டுக் கொல்லப்பட்டார்.[1] இந்திய அமைதி காக்கும் படையினருடன் தொடர்பு பேணியமைக்காக ஈழ இயக்கங்களுள் ஒன்றான தமிழீழ விடுதலைப் புலிகள் இயக்கத்தினர் இப்படுகொலையை நிகழ்த்தியதாகக் குற்றம் சாட்டப்பட்டது.[1]
மேற்கோள்கள்
தொகு- ↑ 1.0 1.1 1.2 1.3 "Ex-Senator Killed". Tamil Times VII (4): 4. மார்ச் 1988. பன்னாட்டுத் தர தொடர் எண்:0266-4488. http://www.noolaham.org/wiki/index.php?title=Tamil_Times_1988.03. பார்த்த நாள்: 2015-04-06.
- ↑ டி. பி. எஸ். ஜெயராஜ் (7 மார்ச் 2011). "Satyagraha receives "Baptism of fire" on first day". டெய்லி மிரர் இம் மூலத்தில் இருந்து 2013-07-13 அன்று. பரணிடப்பட்டது.. https://archive.today/20130713152304/http://print2.dailymirror.lk/opinion1/37453-satyagraha-receives-baptism-of-fire-.html.
- ↑ Vivekananthan, C. V. (25 ஏப்ரல் 2010). "Sir Pon. Ramanathan was the foster parent of the Sinhalese: Will there ever be a Sinhala Leader a foster parent of the Tamils?". தி ஐலண்டு இம் மூலத்தில் இருந்து 2016-03-04 அன்று. பரணிடப்பட்டது.. https://web.archive.org/web/20160304060546/http://www.island.lk/2010/04/25/features8.html.
- ↑ Sivathasan, S. (5 மே 2013). "Jaffna Development Council Election 1981". த சண்டே லீடர். http://www.thesundayleader.lk/2013/05/05/jaffna-development-council-election-1981/.
- ↑ Vivekananthan, C. V. (9 பெப்ரவரி 2003). "Was it the Sinhala leaders who pushed Tamils to call for Eelam". சண்டே டைம்சு. http://www.sundaytimes.lk/030209/columns/cv.html.
- ↑ Nesiah, Devanesan (6 அக்டோபர் 2003). "Towards healing and reconciliation". டெய்லி நியூசு இம் மூலத்தில் இருந்து 2005-04-07 அன்று. பரணிடப்பட்டது.. https://web.archive.org/web/20050407151133/http://www.dailynews.lk/2003/10/06/fea01.html.