சூல்வித்தடி
சூல்வித்தடி (ஆங்கிலம்:Chalaza) பறவை, ஊர்வனவற்றின் முட்டையில் காணப்படுகின்ற ஓர் அமைப்பு. இது கருவுணவு அல்லது மூலவுருபையகத்தை பெரிய அமைப்புகளுடன் இணைக்க அல்லது நிலைநிறுத்த உதவுகிறது.
விலங்குகளில்
தொகு
பெரும்பாலான பறவைகளின் முட்டைகளில் (ஊர்வனவை அல்லாத),[1]) சூல்வித்தடி என்பது வெள்ளை நிறத்தின் மையத்தில் (அல்புமின்) மஞ்சள் கருவை இடைநிறுத்தும் திசுக்களின் இரண்டு சுழல் பட்டைகள் ஆகும். மஞ்சள் கருவை சரியான இடத்தில் வைத்திருப்பதே சூல்வித்தடி செயல்பாடு ஆகும். சமையலில் சில வேலைகளில் உணவில் ஒரு சீரான அமைப்பை உறுதி செய்வதற்காக சூல்வித்தடி அகற்றப்படும்.
தாவரங்களில்
தொகுதாவர சூல்களில், சூல்வித்தடி சூலுறைகளிலுள்ள நுண்டுழை திறப்புக்கு எதிரே அமைந்துள்ளது. இது விதையுறைகளும் மூலவுருப்பையகமும் இணையும் இடத்தில் காணப்படும் திசுவாகும். தாவரத்திலிருந்து ஊட்டசத்துக்கள் சூல்காம்பு, சூல் வெளியுறை மற்றும் சூலடி வழியாக நியூசெல்லஸ்-க்கு செல்கிறது. ஒரு பூக்கும் தாவரத்தில் சூலக வளர்ச்சியின் போது சூல்வித்தடிப்பகுதியிலுள்ள மூன்று செல்கள் ஆன்றிபோடலாக (antipodal) ஆக மாறுகிறது.
சூலடி – கருவூறு
தொகுபெரும்பாலான பூக்கும் தாவரங்களில் கருவுறுதலின் போது மகரந்தகுழல் நுண்டுழை சூலுறையில் உள்ள நுண்டுழைத் திறப்பு வழியாக சூலினுள் நுழைகிறது. (புரைவழி – கருவூறு) சூல்வித்தடி - கருவுறுவில் மகரந்த குழாய் நுண்டுளைக்கு மாறாக சூல்வித்தடி வழியாக ஊடுருவுகிறது.[2] சூல்வித்தடி – கருவூறு முதலில் ஓரில்ல தாவர(ம்) சிற்றினங்களுள்ள கேசியோரைனேசி குடும்பத்திலும்; பின்னர் மற்ற தாவரங்களிலும் கண்டறியப்பட்டது. எடுத்துக்காட்டாக பிஸ்த்தா மற்றும் வாதுமை.
மேற்கோள்கள்
தொகு- ↑ Palmer, Brent David (10 April 1990). Functional morphology and biochemistry of reptilian oviducts and eggs : implications for the evolution of reproductive modes in tetrapod vertebrates.
- ↑ Competition Science Vision. பார்க்கப்பட்ட நாள் 23 April 2011.