செசுபுரோனைட்டு

செசுபுரோனைட்டு (Cesbronite) என்பது Cu₃Te⁶⁺O₄(OH)₄ (IMA 17-C) என்ற மூலக்கூற்று வாய்ப்பாட்டால் விவரிக்கப்படும் ஒரு கனிமமாகும். தாமிர-தெலூரியம் ஆக்சி உப்பு என்று இது வகைப்படுத்தப்படுகிறது. பச்சை நிறத்தில் காணப்படும் செசுபுரோனைட்டு கனிமத்தின் படிகங்கள் செஞ்சாய்சதுர இரட்டைக்கூர்நுனி வடிவத்தில் படிகமாகியுள்ளன. செசுபுரோனைட்டு கனிமத்தின் மோவின் அளவுகோல் கடினத்தன்மை மதிப்பு 3 என மதிப்பிடப்பட்டுள்ளது . 1938 ஆம் ஆண்டில் பிறந்த பிரெஞ்சு கனிமவியலாளரான பேபியன் செசுபுரோன் நினைவாக கனிமத்திற்கு இப் பெயரிடப்பட்டது .

செசுபுரோனைட்டு Cesbronite
பொதுவானாவை
வகை	தாமிர-தெலூரியம் ஆக்சி உப்பு
வேதி வாய்பாடு	Cu3Te6+O4(OH)4
இனங்காணல்
நிறம்	பச்சை
படிக அமைப்பு	செஞ்சாய்சதுரம்
பிளப்பு	{010} இல் குறைவு, {021} இல் நன்று
விகுவுத் தன்மை	நொறுங்கும்
மோவின் அளவுகோல் வலிமை	3
மிளிர்வு	சற்று விடாப்பிடியானது
கீற்றுவண்ணம்	பச்சை
ஒளிஊடுருவும் தன்மை	ஒளிகசியும்
ஒப்படர்த்தி	4.45 (அளக்கப்பட்டது)
ஒளியியல் பண்புகள்	ஈரச்சு (+)
இரட்டை ஒளிவிலகல்	δ = 0.149
பலதிசை வண்ணப்படிகமை	தனித்துவம், பலவிதப் பச்சைகள்
2V கோணம்	72o (கணக்கிடப்பட்டது)
புறவூதா ஒளிர்தல்	இல்லை
கரைதிறன்	HCl மற்றும் HNO3 போன்றவற்றில் கரையும். நீரில் கரையாது.
மேற்கோள்கள்

தோற்றம்

மெக்சிகோ நாட்டின் சொனோரா மாகாணத்திலுள்ள பாம்போலிட்டா சுரங்கத்தில் முதன்முதலில் செசுபுரோனைட்டு கண்டறியப்பட்டது. அமெரிக்காவின் கோச்சைசு மாகாண டாம்சுடோன் மாவட்டம், அரிசோனா, கிழக்கு டிண்டிக் மலைகள், யுவாப் மாகாணம், யூட்டா போன்ற பிற பகுதிகளிலும் செசுபுரோனைட்டு கிடைக்கிறது . பெரும்பாலும் எலக்ட்ரம் எனப்படும் தங்கத்தின் கலப்புலோகம், டெய்னியைட்டு, காரல்பிரைசைட்டு, சோகோம்கேட்லைட்டு, உடாகைட்டு, லெய்சிங்கைட்டு, யென்செனைட்டு, ஏமடைட்டு போன்ற கனிமங்களும் சேர்ந்து இயற்கையில் செசுபுரோனைட்டு காணப்படுகிறது