செயற்கை அறிவுத்திறனின் வரலாறு
20 ஆம் நூற்றாண்டின் மத்தியில், சில அறிவியல் ஆராய்ச்சியாளர்கள், நரம்பியலின் சமீபத்திய கண்டுபிடிப்புகள், தகவலின் ஒரு புதிய கணிதவியல் கொள்கை, தன்னாள்வியல் என்று அழைக்கப்படுகின்ற, கட்டுப்பாடு மற்றும் நிலைப்புத்தன்மையைப் புரிந்துகொள்ளுதல் மற்றும் இவை எல்லாவற்றுக்கும் மேலாக, மனிதனின் கணிதவியல் பகுத்தறிதல் செயலைச் செய்யக்கூடிய வகையில் உருவாக்கப்பட்ட எண்மிய கணினியின் கண்டுபிடிப்பு ஆகியவற்றின் அடிப்படையில் நுண்ணறிவு இயந்திரங்களை உருவாக்குவதற்கான புதிய அணுகுமுறைகளைத் தேடத் தொடங்கினர்.[1]
நவீன செ.அ ஆராய்ச்சித் துறையானது, 1956 ஆம் ஆண்டு, கோடைக் காலத்தில், டார்ட்மவுத் கல்லூரி வளாகத்தில் நடந்த மாநாட்டில் நிறுவப்பட்டது.[2] இதன் பங்கேற்பாளர்கள் பிற்காலத்தில், பல ஆண்டுகள் செ.அ ஆராய்ச்சியின் தலைவர்களாக இருந்தனர், இதில் ஜான் மெக்கர்த்தி, மார்வின் மின்சிகி, ஆலென் நேவெல் மற்றும் ஹெர்பர்ட் சைமன் ஆகியோர் குறிப்பிடத்தக்கவர்கள், இவர்கள் மிட், கார்னகி மெலன் மற்றும் இசுடான்ஃபோர்டு ஆகிய இடங்களில் செ.அ ஆய்வுக்கூடங்களை நிறுவினர். இவர்களும் இவர்களது மாணவர்களும் எழுதிய நிரல்கள், பெரும்பாலான மக்கள் வியக்கத்தக்க வகையில் இருந்தன:[3] கணினிகள், இயற்கணிதத்திலுள்ள வார்த்தைச் சிக்கல்களைத் தீர்த்தல், தர்க்கரீதியான தேற்றங்களை நிரூபித்தல் மற்றும் ஆங்கிலம் பேசுதல் ஆகிய செயல்களைச் செய்தன.[4] 60களின் மத்தியில், இவர்களது ஆராய்ச்சிக்கு, U.S. பாதுகாப்புத் துறை மிக அதிக அளவில் நிதியளித்தது,[5] மேலும் இதில் ஈடுபட்டவர்கள் பின்வரும் யூகங்களைச் செய்தனர்:
- 1965, எச். ஏ. சைமன்: "இருபது ஆண்டுகளுக்குள், மனிதனால் செய்யக்கூடிய எந்த வேலையையும் இயந்திரங்கள் செய்யும்".[6]
- 1967, மார்வின் மின்ஸ்கி: "ஒரு தலைமுறைக்குள் ... 'செயற்கை நுண்ணறிவு' உருவாக்குதலின் சிக்கல்கள் கணிசமாகத் தீர்க்கப்பட்டுவிடும்."[7]
அவர்கள் தாங்கள் எதிர்கொண்ட சில சிக்கல்களின் கடுமையைக் கண்டுணரவில்லை.[8] 1974 இல், இங்கிலாந்தின் சர் ஜேம்ஸ் லைட்ஹில்லின் திறனாய்வுக்கு மறுவினையாகவும் அதிக உற்பத்தித்திறனுடைய திட்டங்களுக்கு நிதியளிக்குமாறு காங்கிரஸ் கொடுத்த நெருக்கடியினாலும் U.S. மற்றும் பிரித்தானிய அரசாங்கங்கள், சிறந்த இலக்கற்ற மற்றும் விளக்கவியல் சார்ந்த AI ஆராய்ச்சிகள் அனைத்தையும் நிறுத்தின, இது முதல் AI முடக்க காலம் உருவாக வழிவகுத்தது.[9]
80களின் தொடக்கத்தில், expert systems,[10] இன் வர்த்தக வெற்றியால், AI ஆராய்ச்சியானது மீண்டும் உயிரூட்டப்பட்டது, இது ஒன்று அல்லது அதற்கு மேற்பட்ட மனித நிபுணர்களின் அறிவு மற்றும் பகுத்துணரும் திறன் ஆகியவற்றை உருவாக்கக்கூடிய AI நிரலின் ஒரு வடிவமாகும். 1985 க்குள், AI சந்தையானது ஒரு பில்லியன் டாலர்களைத் தொட்டது, இதனால் அரசாங்கங்கள் மீண்டும் நிதியளிக்கத் தொடங்கின.[11] சில ஆண்டுகளுக்குப் பின்னர், 1987 இல் Lisp கணினிச் சந்தை வீழ்ச்சியடையத் தொடங்கியதால், AI மீண்டும் மிகத்தாழ்வான நிலைக்குத் தள்ளப்பட்டது, இதனால் இரண்டாம், நீண்டகாலம் நிலைக்கக்கூடிய AI முடக்க காலம் தொடங்கியது.[12]
90களிலும் 21 ஆம் நூற்றாண்டின் தொடக்கத்திலும், AI துறை மிக அபாரமான வெற்றிகளை அடைந்தது, இருப்பினும் இது சிறிது காட்சிக்கு எட்டாவண்ணமே இருந்தது. செயற்கை நுண்ணறிவானது, லாஜிஸ்டிக்ஸ், தரவு செயலாக்கம், மருத்துவ அறுதியிடல் மற்றும் தொழில்நுட்ப தொழிற்சாலைகள் முழுவதும் பிற பல துறைகளிலும் பயன்படுத்தப்படுகிறது. வெற்றிக்கான பல்வேறு காரணிகள்: இன்றைய கணினிகளின் வியக்கத்தகு திறன் (காண்க: மூரின் விதி), குறிப்பிட்ட துணைச்சிக்கல்களைத் தீர்ப்பதற்கான மிகுந்த சிரத்தை, AI மற்றும் இதே போன்ற சிக்கல்களைக் கையாளும் பிற துறைகளுடனான ஒத்துழைப்பு மற்றும் இவை எல்லாவற்றிற்கும் மேலாக, சிறந்த கணிதவியல் வழிமுறைகள் மற்றும் பெரும் அறிவியல் தரத்திட்டங்கள் ஆகியவற்றில் ஆராய்ச்சியாளர்கள் வழங்கிய புதிய பங்களிப்பும் ஒரு முக்கிய காரணமாக இருந்தது.[13]
மேற்கோள்கள் தொகு
- ↑
AI இன் முன்னோடிகள்:
- McCorduck 2004, ப. 51-107
- Crevier 1993, ப. 27-32
- Russell & Norvig 2003, ப. 15,940
- Moravec 1988, ப. 3
- ↑
டார்ட்மவுத் விவாதம்:
- McCorduck, ப. 111-136
- Crevier 1993, ப. 47-49
- Russell & Norvig 2003, ப. 17
- NRC 1999, ப. 200-201
- ↑ "ஒரு கணினியானது எதையும் புத்திசாலித்தனமான வழியில் செய்யும்போதெல்லாம் மிகவும் அற்புதமாக இருந்தது" என்று ருஸ்சல் மற்றும் நார்விக் எழுதுகின்றனர். Russell & Norvig 2003, ப. 18
- ↑
AI இன் "பொற்காலங்கள்" (வெற்றிகரமான குறியீட்டுக் பகுத்தறிதல் நிரல்கள் 1956-1973):
- McCorduck, ப. 243-252
- Crevier 1993, ப. 52-107
- Moravec 1988, ப. 9
- Russell & Norvig 2003, ப. 18-21
- ↑
DARPA, 1960களில் சரியான இலக்கற்ற ஆராய்ச்சிகளுக்காக AI துறையில் பணத்தைக் கொட்டுகிறது:
- McCorduck 2005, ப. 131
- Crevier 1993, ப. 51, 64-65
- NRC 1999, ப. 204-205
- ↑ Simon 1965, ப. 96 Crevier 1993, ப. 109 இல் மேற்கோளிடப்பட்டது
- ↑ Minsky 1967, ப. 2 Crevier 1993, ப. 109 இல் மேற்கோளிடப்பட்டது
- ↑ காண்க, செயற்கை நுண்ணறிவின் வரலாறு — சிக்கல்கள்.
- ↑
முதலாவது AI முடக்க காலம்:
- Crevier 1993, ப. 115-117
- Russell & Norvig 2003, ப. 22
- NRC 1999, ப. 212-213
- Howe 1994
- ↑
Expert systems:
- ACM 1998, I.2.1,
- Russell & Norvig 2003, ப. 22−24
- Luger & Stubblefield 2004, ப. 227-331,
- Nilsson 1998, chpt. 17.4
- McCorduck 2004, ப. 327-335, 434-435
- Crevier 1993, ப. 145-62, 197−203
- ↑
1980களில் வளர்ச்சி: expert systems, ஐந்தாம் தலைமுறைத் திட்டம், Alvey, MCC, SCI ஆகியவற்றின் வளர்ச்சி:
- McCorduck 2004, ப. 426-441
- Crevier 1993, ப. 161-162,197-203, 211, 240
- Russell & Norvig 2003, ப. 24
- NRC 1999, ப. 210-211
- ↑
இரண்டாம் AI முடக்க காலம்:
- McCorduck 2004, ப. 430-435
- Crevier 1993, ப. 209-210
- NRC 1999, ப. 214-216
- ↑
பழைய முறைகளுக்கு இப்போது முன்னுரிமை அளிக்கப்படுகின்றன ("நேர்த்தியானவற்றின் வெற்றி"):
- Russell & Norvig 2003, ப. 25-26
- McCorduck 2004, ப. 486-487