செய்ரோபேஜியா கண்டலபரம்

செய்ரோபேஜியா கேண்டலபரம் (தாவர வகைப்பாட்டியல்: Ceropegia candelabrum) அல்லது பெருங்கொடி என்னும் இத்தாவரம் அஸ்க்லெபியாடோய்டே என்ற துணைக் குடும்பத்தைச் சேர்ந்தது. இத்தாவரத்தின் மஞ்சரிகளின் அடர்பச்சையுடன் மஞ்சள் கலந்த சிவப்பு நிற கோடுகள் போன்ற தோற்றம் மெழுகுவர்த்தி போன்று காணப்படுவதால் லத்தீன் மொழியில் கேண்டலப்ரம் என்று பெயர் பெறப்பட்டது.

செய்ரோபேஜியா கண்டலபரம்
உயிரியல் வகைப்பாடு
திணை:	தாவரம்
உயிரிக்கிளை:	பூக்கும் தாவரம்
உயிரிக்கிளை:	மெய்இருவித்திலி
உயிரிக்கிளை:	தாரகை
வரிசை:	Gentianales
குடும்பம்:	Apocynaceae
பேரினம்:	Ceropegia
இனம்:	C. candelabrum
இருசொற் பெயரீடு
Ceropegia candelabrum L.
வேறு பெயர்கள்
Ceropegia acuminata Dalzell & A.Gibson Ceropegia biflora L. Ceropegia candelabriformis St.-Lag. Ceropegia discreta N.E.Br. Ceropegia elliotii Hook.f. Ceropegia longiflora Poir. in Rom. & Schult. Ceropegia mucronata Roth Ceropegia tuberosa Roxb.

தாவர பண்புகள்

செய்ரோபேஜியா கேண்டலபரம் வற்றாத, சதைப்பற்றுள்ள, உருண்டையான கிழங்கினைக் கொண்ட இரட்டைச் செடியாகும். வலுவான, வெற்றுத் தளிர்கள் 3 முதல் 4 மிமீ விட்டம் கொண்டவையாகவும் இலைகள் சதைப்பற்று கொண்டு தடித்தும் இருக்கும். சற்றே சதைப்பற்று குறைந்த இலைகள் கத்தி போன்று நேரியல் தோற்றத்தில், நீள்வட்டத்தில் இருந்து வட்டமான முனை கொண்டு கூர்மையாக காணப்படும். அவை 2 முதல் 7 செமீ நீளமும் 0.8 முதல் 3.5 செமீ அகலமும் கொண்டவையாகும்.

இவை இந்தியாவிலும், இலங்கையிலும், [[வியட்னாம்|வியட்னாமிலும் காணப்படுகிறது. இச்செடி ஆகஸ்டு முதல் ஜனவரி வரை பூத்து, செப்டம்பர் முதல் ஜனவரி மாதங்களில் காய்க்கும் தன்மையுடையதாகும்.

இத்தாவரம் இதன் தோற்றப்பகுதிகளில் அருகி வருவதால், செயற்கையாக உலகின் பிற பகுதிகளில் பரப்ப பல திட்டங்கள் நடைமுறையில் உள்ளது.