ஜான் தாமசு பியர்சன்
ஜான் தாமசு பியர்சன் (John Thomas Pearson)(22 ஆகத்து 1801 - 5 மார்ச் 1851) இந்தியாவில் கிழக்கிந்திய நிறுவனத்தில் பணிபுரிந்த ஒரு இங்கிலாந்து அறுவை சிகிச்சை நிபுணர் ஆவார். இவர் வங்காள ஆசிய சங்கத்தின் அருங்காட்சியகத்தின் கண்காணிப்பாளராகக் குறுகிய காலப் பணியிலிருந்தார்.
பியர்சன் 1825-ல் தனது இலண்டனில் உள்ள அரச அறுவையிலாளர் கல்லூரியின் உறுப்பினர் தகுதியினைப் பெற்றார். 1826-ல் வங்காளத்தில் உதவி அறுவை சிகிச்சை நிபுணராகப் பணியில் சேர்ந்தார். மேலும் 1841-ல் அறுவை சிகிச்சை நிபுணராக பதவி உயர்வு பெற்றார். டார்ஜிலிங்கில் இவர் பணியிலிருந்தபோது, அங்குள்ள விலங்கியல் துறையில் மிகுந்த ஆர்வம் காட்டினார். இப்பகுதியில் உள்ள விலங்கு மாதிரிகளை அடையாளம் காண இங்கிலாந்துக்கு அனுப்பினார். பெலோமிஸ் பியர்சோனி [1] எனும் பறக்கும் அணில் இவரது மருத்துவ மாணவர் நாட்களில் நண்பரான ஜான் எட்வர்டு கிரே என்பவரால் அடையாளம் காணப்பட்டு 1942-ல் பெயரிடப்பட்டது. ரைனோலோபசு பியர்சோனி என்பது 1851-ல் கோர்சூபீல்டால் பியர்சன் நினைவாகப் பெயரிடப்பட்டது.
பியர்சன் சூலை 1833-ல் ஆசியச் சமூகத்தின் பொறுப்பாளராக நியமிக்கப்பட்டார். ஜேம்ஸ் பிரின்செப்பிற்கு ஆதரவாக 1835 வரை பதவியிலிருந்தார். இந்த காலகட்டத்தில் இவர் ஹிஸ்பிட் முயல் மற்றும் ஒரு புதிய வகை மீன்கொத்தி, பழுப்பு சிறகு மீன்கொத்தியினை விவரித்தார்.[2] பியர்சன், வங்காள ஆசியச் சமூகத்தின் அருங்காட்சியகத்தை ஒழுங்காகப் பராமரிக்கவில்லை என்று வில்லியம் ஜேம்சன் மீது புகார் தெரிவித்தார்.[3]
1827ஆம் ஆண்டு மார்ச் 7 ஆம் தேதி கல்கத்தாவில் பிரான்சிசு பிட்சுபாட்ரிக்கை பியர்சன் மணந்தார்.[4] பியர்சன் பரக்பூரில் இறந்தார்.[5]
மேற்கோள்கள் தொகு
- ↑ Gray, J.E. (1842). "Descriptions of some new genera and fifty unrecorded species of Mammalia". The Annals and Magazine of Natural History; Zoology, Botany, and Geology 10: 255–267. https://www.biodiversitylibrary.org/page/2324287.
- ↑ Pearson, J. T. (1841). "Catalogue of the birds in the museum of the Asiatic Society". Journal of the Asiatic Society of Bengal 10 (2): 628–660. https://www.biodiversitylibrary.org/page/39758119.
- Pearson, J. T. (1839). "Observations on the "Report on the museum of the Asiatic Society, by Dr. Wm. Jameson," published in the Journal for March, 1839". Journal of the Asiatic Society of Bengal 8: 419–429. https://www.biodiversitylibrary.org/page/40036514. - ↑ Jameson, William (1839). "Report on the Museum of the Asiatic Society". Journal of the Asiatic Society of Bengal 8: 241–244. https://www.biodiversitylibrary.org/page/40036322.
- ↑ The Quarterly Oriental Magazine, Review, and Register, part 76, volume 7. 1827.
- ↑ Crawford, D.G. (1930). Roll of the Indian Medical Service 1615-1930. Volume I..Crawford, D.G. (1930). Roll of the Indian Medical Service 1615-1930. Volume I. London: W. Thacker & Co. p. 91.