தட்டெக்காடு பறவைகள் சரணாலயம்

தட்டெக்காடு பறவைகள் சரணாலயம் (Thattekad Bird Sanctuary), என்பது கேரளத்தின், எர்ணாகுளம் மாவட்டதில் அமைந்துள்ள ஒரு பறவைகள் சரணாலம் ஆகும். இந்த சரணாலயமானது 25 கிமீ ² பரப்பளவை உள்ளடக்கியதாக உள்ளது. இந்த சரணாலயமானது கோதமங்கலத்தில் இருந்து சுமார் 12 கி.மீ தொலைவில் அமைந்துள்ளது. இதுவே கேரளத்தின் முதல் பறவைகள் சரணாலயம் ஆகும். நன்கு அறியப்பட்ட பறவையியலாளர்களில் ஒருவரான சலீம் அலி, இந்த சரணாலயத்தை தீபகற்ப இந்தியாவின் பறவை வளம் கொண்ட பகுதி என்று வர்ணித்தார் . தட்டெக்காடு என்றால் தட்டையான காடு என்று பொருளாகும். இப்பகுதி கேரளத்தின் மிக நீளமான ஆறான பெரியாறு ஆற்றின் கிளைகளுக்கு இடையில் அமைந்துள்ள ஒரு பசுமையான தாழ்நிலக் காடு ஆகும்.

தட்டெக்காடு பறவைகள் சரணாலயம் തട്ടേക്കാട് പക്ഷി സങ്കേതം
டாகடர். சலீம் அலி பறவைகள் சரணாலயம்
தட்டெகாட்டில் ஒரு மலபார் சாம்பல் இருவாச்சி
அமைவிடம்	இந்தியா, கேரளம், எர்ணாகுளம் மாவட்டம், கோதமங்கலம் வட்டம்
அருகாமை நகரம்	கொச்சி
ஆள்கூறுகள்	10°08′N 76°41′E
பரப்பளவு	25.16sq.km.
நிறுவப்பட்டது	1983

இனங்கள்

தட்டெக்காடு பறவைகள் சரணாலயத்தில் நிறைய மற்றும் மாறுபட்ட பறவைகள் உள்ளன. இங்கு காட்டுப் பறவைகளும், நீர் பறவைகளும் என பல வகையான பறவைகள் வருகின்றன; அவற்றில் குறிப்பிடத்தக்கவை பின்வருவனவற்றையும் உள்ளடக்கியுள்ளது:

குளிர்காலத்தில் சரணாலயத்திற்கு வருகை தரும் இந்திய தோட்டக்கள்ளன், கிட்டத்தட்ட ஆறு மாதங்கள் இங்கு செலவிடுகிறது.

• செந்தலைப் பூங்குருவி
• பெரிய அலகு இலை-போர்ப்ளர்
• நீண்டவால் பக்கி
• இந்தியக் குயில்
• பாம்புத் தாரா
• நீர்க்காகம்
• மீசை ஆலா
• வண்ண ஸ்கோப்ஸ் ஆந்தை
• இலங்கை தவளைவாயன்
• சாம்பல் நிறமுள்ள பச்சை புறா
• மஞ்சள் புருவ சின்னான்

இந்த சரணாலயம் பல்வேறு வகையான குயில்களின் வாழ்விடமாகும், மேலும் "குக்கு பாரடைஸ்" என்று பிரபலமாக அழைக்கப்படும் சரணாலயத்தின் ஒரு பகுதி இவற்றிற்கானது, அவற்றில்:

• ட்ரோங்கோ குயில், இது ட்ரோங்கோ என எளிதில் தவறாகக் கருதப்படலாம்,
• இந்திய பருந்து குயில், இது மிக சத்தமாக குரல் கொடுக்கும்,
• பெரிய பருந்து குயில், இது மற்ற வகை குயில்களுடன் ஒப்பிடும்போது மிகப் பெரியதாகத் தோன்றுகிறது. மேலும் இது அடர் சாம்பல் மற்றும் பெரிதும் கோடுகள் கொண்ட தொண்டையால் அடையாளம் காணப்படுகிறது.

தட்டெக்காடு பறவைகள் சரணாலயத்திலிருந்து இடமலயாறு காடு சுமார் 15 கி.மீ. தொலைவில் அமைந்துள்ளது. இது இடமலையாறு ஆற்றுப் பகுதியில் அமைந்துள்ள ஒரு பசுமையான காடு ஆகும். இந்த காட்டில் மலை பருந்து கழுகுகள் காணப்படுகின்றன. இந்த காட்டில் உள்ள மற்ற பறவைகளில் இருண்ட-முனை சிலம்பன், பழுப்பு-கன்னமான ஃபுல்வெட்டா, பழுப்பு முள்வால் உழவாரன் மற்றும் வெள்ளை-கரடுமுரடான ஊசி, மற்றும் மரகதப் புறாக்கள் போன்றவை ஆகும்.

படக்காட்சியகம்

• 
  தட்டெக்காடு பறவைகள் சரணாலயத்தில் ஒரு இலங்கை தவளைவாயன்.
• 
  பப்பிட்டா பறவை தடத்திலிருந்து பெரியாறின் காட்சி
• 
  தட்டெக்காடு பறவைகள் சரணாலயத்தில் ஒரு இயற்கை காட்சி
• 
  தட்டெக்காடு பறவைகள் சரணாலயத்தில் ஒரு இயற்கை காட்சி
• 
  தட்டெக்காடு நீர்தேக்கம்
• 
  தட்டெக்காடு பறவைகள் சரணாலயப் பாதை