தாமிர மரங்கொத்தி
| தாமிர மரங்கொத்தி | |
|---|---|
.JPG)
| |
| உயிரியல் வகைப்பாடு | |
| உலகம்: | |
| திணை: | |
| பிரிவு: | |
| வகுப்பு: | |
| வரிசை: | பிசிபார்மிசு
|
| குடும்பம்: | |
| பேரினம்: | பிளைதிபிகசு
|
| இனம்: | பி. பைர்கோதிசு
|
| இருசொற் பெயரீடு | |
| பிளைதிபிகசு பைர்கோதிசு (கோட்ஜ்சன், 1837) | |
தாமிர மரங்கொத்தி (பிளைதிபிகசு பைர்கோதிசு) என்பது பிசிடே குடும்பத்தைச் சேர்ந்த ஒரு பறவை சிற்றினமாகும்.
இது வங்களாதேசம், பூட்டான், கம்போடியா, சீனா, ஆங்காங், இந்தியா, லாவோஸ், மலேசியா, மியான்மர், நேபாளம், தாய்லாந்து மற்றும் வியட்நாமில் காணப்படுகிறது. இதன் இயற்கையான வாழிடம் மிதவெப்பமண்டல அல்லது வெப்பமண்டல ஈரமான தாழ் நிலக் காடுகள் மற்றும் மிதவெப்ப அல்லது வெப்பமண்டலம் ஈரமான மலைக் காடுகள் ஆகும்.
உணவு
தொகுதாமிர மரங்கொத்தி உணவாக எறும்புகள், கரையான்கள் மற்றும் மரத்தைத் துளைக்கும் வண்டுகள் போன்ற பல்வேறு பூச்சிகள் உள்ளன, மேலும் இவை எப்போதாவது பெர்ரிகளை உட்கொள்ளும். இவற்றின் மேய்ச்சலை மேற்பரப்பு தரை மட்டத்தில் 3 முதல் 4 மீட்டர் வரையில் காணப்படும் மரத் தண்டுகள், அழுகும் தாவர பொருட்கள், மரக்கட்டைகள் மற்றும் மரக்கன்றுகள், கொடிகள் மற்றும் மூங்கில் ஆகும்.[2] இவை மற்ற மரங்கொத்திகளுடன் உணவு உண்பதில்லை.[2]
விளக்கம்
தொகுதாமிர மரங்கொத்தி நடுத்தர அளவிலான பறவை ஆகும். இதன் உடல் நீளம் 26.5 முதல் 30 செ.மீ. வரை ஆகும்.[2] இதன் எடை 126 முதல் 170 கிராம் வரை ஆகும். ஆண் மரங்கொத்திகள் தலையில் பழுப்பு நிற கிரீடத்துடனும், குறுகிய முகடு மற்றும் கோடுகள் கொண்ட கழுத்து மற்றும் வெளிர் பழுப்பு நெற்றி கொண்டிருக்கும். பெண் மரங்கொத்திகள் ஆண்களை விடக் குறுகிய அலகினையும் வெளிர் தலையினையும் கொண்டுள்ளது.[2]
அழைப்பு
தொகுதாமிர மரங்கொத்தியின் ஓசை நீண்ட, உலர்ந்த சத்தங்களாக உள்ளன. இவை பிற பறவைகளுடன் தொடர்பு கொள்ளப் பயன்படுத்துகின்றன.[2] இதன் ஓசை நீண்ட தூரத்திற்குக் கேட்க முடியும்.[2]
பரவல்
தொகுதாமிர மரங்கொத்திகள் பொதுவாகப் பசுமை மற்றும் கலப்பு இலையுதிர் காடுகளில் வாழ்கின்றன.[2] இவை அடர்த்தியான வளர்ச்சியுடன் தடிமனான மரங்கள் நிறைந்த பள்ளத்தாக்குகளில் காணப்படுகின்றன.[2] தாமிர மரங்கொத்திகள் பல்வேறு உயரங்களில் காணப்படுகின்றன, இவை 50 மீட்டர் வரை குறைவாகவும், 2750 மீட்டர் வரை உயரமாகவும் உள்ள பகுதிகளில் காணப்படும்.[2] இவை வங்களாதேசம், பூட்டான், கம்போடியா, சீனா, இந்தியா, லாவோஸ், மலேசியா, மியான்மர், நேபாளம், தாய்லாந்து மற்றும் வியட்நாம் உள்ளிட்ட தெற்காசிய நாடுகளில் காணப்படுகிறது.[2]
இனப்பெருக்கம்
தொகுதாமிர மரங்கொத்தி தன் துணையை அழைக்கும்போது முகட்டினை உயர்த்தி அழைக்கின்றது. இறக்கையினை அசைத்துக் காட்சிப்படுத்தும்.[2] ஆண் பெண் என இரு பறவைகளும் குறைந்த அளவில் (1-4 மீ) இறந்த மரத்தில் துளை கூடமைக்கின்றது.[2] பெற்றோர்கள் அடைகாத்தல் குழந்தைக்கு உணவு ஊட்டத்தைப் பகிர்ந்து கொள்கின்றன.[2]
துணையினங்கள்
தொகுதாமிர மரங்கொத்தியில் 5 துணையினங்கள் உள்ளன.[3] இவை பி. பி. பைரோடிசு, பி. பி சினென்சிசு, பி, அன்னமென்சிசு, பி. பி. கைனன்னசு, பி. பி. கேமெரோனி.[3]
பாதுகாப்பு நிலை
தொகுதாமிர மரங்கொத்திகள் உலகளவில் அச்சுறுத்தப்படவில்லை. ஆனால் இவை பொதுவாக அசாதாரணமானவை.[4] வாழ்விட இழப்பு காரணமாக இவற்றின் எண்ணிக்கை தற்போது குறைந்து வருகிறது. ஆனால் இதன் எண்ணிக்கை பாதிக்கப்படக்கூடிய வரம்பை அணுகும் என்று எதிர்பார்க்கப்படவில்லை.[4] இந்த அளவுகோலின் படி, இவை அழிவு மற்றும் ஆபத்தின் "குறைந்த அக்கறை" பிரிவின் கீழ் வகைப்படுத்தப்பட்டுள்ளன.[4] உலகளாவிய எண்ணிக்கைத் தற்போது தெரியவில்லை. ஆனால் சீனாவில் தாமிர மரங்கொத்திகளின் எண்ணிக்கை, இவற்றின் முதன்மை வாழ்விடங்களில் 10,000-100,000 இனப்பெருக்க இணைகளாக மதிப்பிடப்பட்டுள்ளது.[4]
மேற்கோள்கள்
தொகு- ↑ BirdLife International (2018). "Blythipicus pyrrhotis". IUCN Red List of Threatened Species 2018: e.T22681546A130042642. doi:10.2305/IUCN.UK.2018-2.RLTS.T22681546A130042642.en. https://www.iucnredlist.org/species/22681546/130042642. பார்த்த நாள்: 13 November 2021.
- ↑ 2.00 2.01 2.02 2.03 2.04 2.05 2.06 2.07 2.08 2.09 2.10 2.11 2.12 Winkler, Hans; Christie, David (2020). "Bay Woodpecker (Blythipicus pyrrhotis), version 1.0" (in en). Birds of the World. doi:10.2173/bow.baywoo1.01. https://birdsoftheworld.org/bow/species/baywoo1/cur/introduction.
- ↑ 3.0 3.1 "Bay Woodpecker - BirdForum Opus". BirdForum (in பிரிட்டிஷ் ஆங்கிலம்). பார்க்கப்பட்ட நாள் 2022-10-25.
- ↑ 4.0 4.1 4.2 4.3 "Bay Woodpecker (Blythipicus pyrrhotis) - BirdLife species factsheet". datazone.birdlife.org. பார்க்கப்பட்ட நாள் 2022-10-25.