திருவிசைநல்லூர்

திருவிசைநல்லூர் (Thiruvisanallur) தமிழ்நாட்டின் தஞ்சாவூர் மாவட்டத்திலுள்ள கும்பகோணத்திற்குக் கிழக்கே நான்கு மைல் தூரத்தில் உள்ளது. திருவிடைமருதூர்-வேப்பத்தூர் சாலையில் சென்றால் கோயிலை அடையலாம். திருவியலூர், திருவிசலூர், திருவிசநல்லூர் என்ற பல பெயர்களில் இவ்வூர் அழைக்கப்பெறுகிறது. திருவிசைலூர் என்ற பெயரில் தஞ்சாவூர் மாவட்டத்தில் பல ஊர்கள் காணப்படுவதால் இவ்வூரை பண்டாரவாடை திருவிசைநல்லூர் என்றும் அழைக்கின்றனர். சிவபெருமானுக்கு அர்ப்பணிக்கப்பட்ட இந்து ஆலயமான யோகநந்தீசுவரர் கோயிலுக்கு இந்த கிராமம் பெயர் பெற்றது. அருகிலேயே அமைந்துள்ள திருந்துதேவன்குடி கற்கடேசுவரர் கோயிலும் மிக முக்கியமானது.

வரலாறு

இவ்வூரின் வரலாற்றை இடைக்கால சோழர்கள் கிராமத்தை வேம்பூர் அல்லது சோலமர்தந்த சதுர்வேதிமங்கலம் என்று நிறுவிய காலத்தை அறியலாம். முதலாம் இராஜ ராஜ சோழன் காலத்தைச் சேர்ந்த கல்வெட்டுகள் இங்கு உள்ளன.

தஞ்சாவூர் மராத்திய மன்னர் முதலாம் சாகுஜி திருவிசநல்லூரை நாற்பத்தி ஆறு பிராமணர்களுக்கு 1695 ஆம் ஆண்டில் ஒரு தானமாக வழங்கினார். இதைத் தொடர்ந்து, கிராமத்தின் பெயர் ஷாகாஜிராஜபுரம் என்று மாற்றப்பட்டது. போதேந்திர சரஸ்வதி சுவாமிகள் மற்றும் சதாசிவ பிரமேந்திரர் சுவாமிகளின் சமகாலத்தில் வாழ்ந்த சிறந்த சிவபக்தரான ஸ்ரீதர வெங்கடேச அய்யாவாள் என்பவர் திருவிசைநல்லூரில் குடியேறி ஸ்ரீதர அய்யவாள் மடத்தை நிறுவினார்.

சிவயோகிநாதர் கோயில்

இங்கு அமைந்துள்ள சிவயோகிநாதர் கோயில் பழமையானது. மேலும், எட்டு சிவ யோகிகள் இலிங்கத்துடன் இணைந்த இடத்தில் கட்டப்பட்டதாக நம்பப்படுகிறது. இந்த சன்னதி நான்கு பைரவர்களில் ஒருவரான சதுர் கால பைரவருக்கு அர்ப்பணிக்கப்பட்டுள்ளது. இந்தக் கோயில் திருஞான சம்பந்தரால் தேவாரம் பாடல் பெற்ற சிவத்தலமாகும். இத்தலத்து இறைவன் சிவயோகிநாதர், புராதனேசுவரர், வில்வாரண்யேசுவரர் என அழைக்கப்படுகிறார். இத்தலத்து இறைவி சௌந்தரநாயகி, சாந்தநாயகி என அழைக்கப்படுகிறார். இத்தலத்தின் தலவிருட்சமாக வில்வம் மரமும், தீர்த்தமாக எட்டு தீர்த்தங்களும் அமைந்துள்ளன. தேவாரப் பாடல் பெற்ற தலங்களில் சோழ நாடு காவிரி வடகரைத் தலங்களில் அமைந்துள்ள 43வது சிவத்தலமாகும். இத்தலம் தஞ்சாவூர் மாவட்டத்தில் அமைந்துள்ளது. மகான் ஸ்ரீதர ஐயாவாள், உய்யவந்த தேவநாயனார் ஆகியோர் அவதரித்த தலமாகும்.