தெகாபோ ஏரி

தெகாபோ ஏரி நியூசிலாந்து நாட்டின் தெற்குத் தீவில் உள்ள மக்கன்சீ படுகையின் வடக்கு முனையில், மக்கென்சீ மாவட்டத்தில் அமைந்துள்ள ஏரி. ஏரிக்கரையில் அமைந்திருக்கும் நல்ல சமாரியன் தேவாலயமும் கோடையில் வளரும் லூபின் மலர்களும் தனித்துவமான அழகை உடையவை.

தெகாபோ ஏரி
தெகாபோ ஏரி
தெகாபோ ஏரியின் அமைவிடம்
அமைவிடம்	மக்கன்சீ மாவட்டம், கேன்டர்பரி பகுதி, தெற்குத் தீவு, நியூசிலாந்து
ஆள்கூறுகள்	43°53′S 170°31′E
முதன்மை வரத்து	காட்லி ஆறு (வடக்கு), மெக்காலே ஆறு (வடக்கு), மிஸ்டேக் ஆறு (மேற்கு), காஸ் ஆறு (மேற்கு)
முதன்மை வெளியேற்றம்	தெகாபோ ஆறு
வடிநிலப் பரப்பு	1,463 km2 (565 sq mi)
வடிநில நாடுகள்	நியூசிலாந்து
அதிகபட்ச நீளம்	27 km (17 mi)
அதிகபட்ச அகலம்	6 km (3.7 mi) (உயர்), 3.5 கிலோமீட்டர்கள் (2.2 mi) (சராசரி)
மேற்பரப்பளவு	87 km2 (34 sq mi) (கோடைக்காலம்), 82 km2 (32 sq mi) (குளிர்காலம்),
சராசரி ஆழம்	69 m (226 அடி)
அதிகபட்ச ஆழம்	120 m (390 அடி)
நீர்க் கனவளவு	6 km3 (4.9×10^6 acre⋅ft)
கடல்மட்டத்திலிருந்து உயரம்	710 m (2,330 அடி)
குடியேற்றங்கள்	தெகாபோ ஏரி (நகரம்)
மேற்கோள்கள்

நியூசிலாந்தின் மிக அழகிய களை என வர்ணிக்கப்படும் ரசல் லூபின்ஸ் (Russell Lupins) 1930 களில் மக்கென்சீ மாவட்டக் குடியேறிகளால் நியூசிலாந்துக்கு அறிமுகப்படுத்தப்பட்டு, இன்று தென்தீவெங்கணும் பரந்து வளரும் செடியினமாக உருவெடுத்துள்ளது.

கோடைக்காலத்தில் பூத்துக் குலுங்கும் இக்களையின் வனப்பு, வருடாந்தம் எண்ணிலடங்காச் சுற்றுலாப் பயணிகளை தெகாபோ ஏரிக்கரைக்கு  ஈர்க்கின்றது. எனினும், தாயகத்து இயற்கைச் சமநிலைக்குக் குந்தகம் விளைவிக்கும் இச்செடியின் பரம்பலைக் கட்டுப்படுத்தும் நடவடிக்கைகளை, பேணுகைத் திணைக்களம் (Department of Conservation) மேற்கொண்டு வருகின்றது.

1950களில் தீவினை மேலும் எழிலூட்டுங்கால்,  மக்கென்சீ மாவட்டச் சாலையோரங்களிலும், தரிசுநிலங்களிலும் லூபின் விதைகளைத் தூவிய கொன்னீ ஸ்கொட் என்ற பெண் இன்றும் லூபின் பெண்மணி என நினைவுகூரப்படுகிறார். (Connie Scott - The Lupin Lady)