தோல் சாகர்

தோல் சாகர் ( கர்வாலி ; உண்மையில் "மத்தள இசைக்கடல்") என்பது உத்தரகாண்டின் கர்வால் பகுதியின் நாட்டுப்புற இசைக்கருவிகளான தோலும் தமாரமும் இசைப்பதை பற்றிய ஒரு பண்டைய இந்திய ஆய்வுக் கட்டுரையாகும். இது முழுவதுமே அச்சிடப்பட்ட வடிவத்தில் இல்லை, ஏனெனில் பெரும்பாலும் இது வாய்வழியாக ( தாள வசனங்கள் மற்றும் குரல் எழுத்துக்கள் மூலம்) அல்லது பாரம்பரிய மத்தளமிசைக்கும் குடும்பங்களுக்குள் அனுபவபூர்வமாக அனுப்பப்பட்டது. எனவே இது புராண தோற்றம் கொண்டதாக நம்பப்படுகிறது மற்றும் அதன் இருப்பு உள்ளூர் அறிஞர்கள் மற்றும் பயிற்சியாளர்களால் மட்டுமே உறுதிப்படுத்தப்பட்டுள்ளது. வரலாற்று அறிஞர்களால், அல்லது ஆராய்ச்சியாளர்களால் இன்னமும் உறுதிப்படுத்தப்படவில்லை.

தோலியின் உருவம்.

இந்த ஆய்வு கட்டுரையில் சமஸ்கிருதம் அல்லது கர்வாலியில் உள்ள ஸ்லோகங்களும், கிறிஸ்தவ படுத்தப்பட்ட மத விழாக்கள், திருமண விழாக்கள், மத விழாக்கள், ஷாமனிய சடங்குகள், பாண்டவர் லீலா போன்ற சடங்கு நாடகங்கள், மரண சடங்குகள் போன்ற நிகழ்வுகளுக்கான குறிப்பிட்ட தாள முறைகளும் அடங்கியுள்ளன. தோல் சாகரின் கலைஞர்கள்  பாரம்பரியமாக அவுஜி, பாஜ்கி, தாஸ் அல்லது தோலி போன்ற குறிப்பிட்ட இசை சாதிக் குழுக்களைச் சேர்ந்தவர்கள் ஆவார்கள். மத்தளமிசைக்கும்  குடும்பங்களில் உள்ள இளைஞர்களிடையே நகர்ப்புற இடம்பெயர்வு, கிராமங்களில் வளர்ந்து வரும் பித்தளை இசைக்குழுக்கள் மற்றும் டிஜேக்கள், அல்லது மத்தளக்காரர்கள் தங்கள் குறிப்பிட்ட "தாழ்ந்த- சாதி " என்று வரலாற்று ரீதியாக பிணைக்கப்பட்ட ஒரு நடைமுறையில் இருந்து தங்களை விலக்கிக் கொள்ள விரும்புவதால், எழுதப்படாத தோல் சாகர் பற்றிய பண்டைய அறிவு தொலைந்து போகும் அச்சுறுத்தலை எதிர்கொள்கிறது. பல பாரம்பரிய மத்தளக்காரர்கள் தங்கள் இசை பயிற்சியை கைவிட்டுள்ளனர் அல்லது பாரம்பரியமான அந்த வேலையிலிருந்து தங்களை தாங்களே வெளியேற்றி கொண்டனர் .

நூல் பட்டியல்

• Alter, Andrew (2014). Mountainous Sound Spaces: Listening to History and Music in the Uttarakhand Himalayas.