நடோங்கோ மற்றும் மாதம்பாவின் நசிங்கா
இராணி நசிங்கா (Queen Nzingha) (1583-1663) இன்று அங்கோலா என்று அழைக்கப்படும் மபுண்டு மக்களின் நடோங்கோ மற்றும் மாதம்பா இராச்சியங்களின் 17 ஆம் நூற்றாண்டின் இராணியாவாவார். [1] நடோங்கோவின் ஆளும் குடும்பத்தில் பிறந்த நசிங்கா, போர்த்துகீசியர்களுக்கான தூதராக இருந்த காலத்தில் ஏற்பட்ட அரசியல் நெருக்கடிகளைத் தணிப்பதில் தனது திறமையைக் காட்டினார். பின்னர் தனது சகோதரரின் மரணத்திற்குப் பிறகு அதிகாரத்தை ஏற்றுக்கொண்டார். ஆப்பிரிக்க அடிமை வர்த்தகத்தில் விரைவான வளர்ச்சியின் காலத்தில் இவர் ஆட்சி செய்தார். இவரது ஆட்சி 37 ஆண்டுகள் நீடித்தது.
| இராணி நசிங்கா | |
|---|---|
| பிறப்பு | 1583, அங்கோலா |
| இறப்பு | திசம்பர் 17, 1663 (அகவை 79–80) |
அடிமை வர்த்தகத்தை கட்டுப்படுத்தும் முயற்சிகளில், தென் மேற்கு ஆபிரிக்காவை நோக்கி தங்கள் முயற்சிகளை மையமாகக் கொண்டிருந்த போர்த்துகீசியர்களுக்கு எதிராக [1] தனது ராச்சியங்களின் சுதந்திரம் மற்றும் அந்தஸ்திற்காக நசிங்கா போராடினார். [2] இன்று, அங்கோலாவில் இவரது உளவுத்துறை, அரசியல் மற்றும் இராஜதந்திர ஞானம் மற்றும் இவரது அற்புதமான இராணுவ உத்திகளுக்காக இவர் நினைவுகூரப்படுகிறார். லுவாண்டாவில் உள்ள ஒரு பெரிய தெருவுக்கு இவரது பெயரிடப்பட்டது. மேலும், 2002 ஆம் ஆண்டில் லுவாண்டாவில் உள்ள லார்கோ டோ கினாக்ஸிக்ஸி நகரில் இவரது சிலை ஒன்று 27 வது ஆண்டு சுதந்திரத்தின நிறைவைக் கொண்டாடுவதற்காக அப்போதைய குடியரசுத்தலைவர் சாண்டோஸ் அவர்களால் அர்ப்பணிக்கப்பட்டது.
ஆரம்ப கால வாழ்க்கை
தொகுநசிங்கா 1583 ஆம் ஆண்டில் மத்திய மேற்கு நடோங்கோவின் அரச குடும்பத்தில் பிறந்தார். அவர் நடோங்கா மன்னர் கிலுவன்ஜியின் மகளாவார். இவரது தாயார் இவரது தந்தையின் அடிமை மனைவிகளில் ஒருவராவார். [3] நசிங்காவுக்கு முகும்பு, அல்லது 'லேடி பார்பரா' மற்றும் கிபுஞ்சி, அல்லது 'லேடி கிரேஸ்' என்ற இரண்டு சகோதரிகள் இருந்தனர். இவருக்கு மபாண்டி கிலுவான்ஜி என்ற ஒரு சகோதரர் இருந்தார். இவரது தந்தை இறந்த பிறகு நசிங்கா அரியணையை ஏற்றுக்கொண்டனர்.
புராணத்தின் படி, நசிங்கா பிறக்கும்போது தொப்புள் கொடி கழுத்தில் மூடப்பட்டிருந்ததால் இவருக்கு நசிங்கா என்று பெயர் சூட்டப்பட்டது. இந்த குணாதிசயம் கொண்ட நபர் ஒரு சக்திவாய்ந்த மற்றும் பெருமைமிக்க நபராக வளருவார் என்பதற்கான அறிகுறியாக இது கூறப்படுகிறது. [4] பிற்கால வாழ்க்கையில் இவர் நினைவுகூர்ந்த தகவல்களின்படி, இவருடைய தந்தையால் இவர்ள் பெரிதும் விரும்பப்பட்டார். அவர் தன் ராச்சியத்தை ஆளும்போது இவரையும் அருகில் வைத்துக் கொண்டார். தன்னுடன் இவரைப் போருக்கு அழைத்துச் சென்றார். நசிங்கா தனது தந்தையுடன் முக்கிய போர்க் கூட்டங்கள் மற்றும் பிற நிர்வாக விவகாரங்களில் கலந்து கொண்டார். இவர் தனது தந்தையுடன் போருக்குச் செல்ல ஒரு போர்வீரராகப் பயிற்சி பெற்றார். போர்த்துகீசிய மிஷனரிகளைப் பார்வையிடுவதன் மூலம் போர்த்துகீசிய மொழியில் படிக்கவும் எழுதவும் கற்றுக் கொண்டார். [5] அட்லாண்டிக் அடிமை வர்த்தகம் மற்றும் பிராந்தியத்தில் போர்த்துகீசியர்களால் அதிகாரத்தை பலப்படுத்துதல் ஆகியவை வேகமாக வளர்ந்து கொண்டிருந்த ஒரு காலகட்டத்தில் இவர் வளர்ந்தார், மேலும் இவரது குடும்பத்தின் இராச்சியத்திலும் அதைச் சுற்றியுள்ள இராச்சியங்களிலும் இது உருவானது.
ஆளுமை
தொகு
இன்று, அங்கோலாவில் அங்கோலாவின் தாய், பேச்சுவார்த்தைகளின் போராளி, மற்றும் அங்கோலா மக்களின் பாதுகாவலர் என இவர் நினைவுகூரப்படுகிறார். இவரது அரசியல் மற்றும் இராஜதந்திர புத்திசாலித்தனம் மற்றும் இவரது அற்புதமான இராணுவ உத்திகளுக்காக ஆப்பிரிக்கா முழுவதும் ஒரு குறிப்பிடத்தக்க தலைவர் மற்றும் பெண்ணாக இவர் இன்னும் கௌரவிக்கப்படுகிறார். [1] மேலும் இவர் ஒடுக்குமுறைக்கு எதிரான போராட்டத்தின் அடையாளமாகக் கருதப்படுகிறார். நசிங்கா தனது மாநிலத்தின் மீதான அனைத்து தாக்குதல்களிலிருந்தும் தப்பிப்பிழைத்து, விசுவாசமான ஆதரவாளர்களின் வலுவான தளத்தை கட்டியெழுப்பினார். . உள்நாட்டுப் போரின்போது அங்கோலா விடுதலைக்கான மக்கள் இயக்கத்தின் அடையாளமாக நசிங்கா ஏற்றுக்கொள்ளப்பட்டார். [4]
குறிப்புகள்
தொகு- ↑ 1.0 1.1 1.2 Elliott, Mary; Hughes, Jazmine (August 19, 2019). "A Brief History of Slavery That You Didn't Learn in School". த நியூயார்க் டைம்ஸ். Archived from the original on 20 August 2019. பார்க்கப்பட்ட நாள் 20 August 2019.
- ↑ Snethen, J (16 June 2009). "Queen Nzinga (1583-1663)". BlackPast. Archived from the original on 15 October 2019.
- ↑ Miller, Joseph C (1975). "Nzinga of Matamba in a New Perspective.". The Journal of African History 16 (2): 201–216. doi:10.1017/S0021853700001122. https://archive.org/details/sim_journal-of-african-history_1975_16_2/page/201.
- ↑ 4.0 4.1 Burness, Donald (1977). "Nzinga Mbandi' and Angolan Independence.". Luso-Brazilian Review 14 (2): 225–229. https://archive.org/details/sim_luso-brazilian-review_winter-1977_14_2/page/225.
- ↑ Williams, Hettie V. (2010).
வெளி இணைப்புகள்
தொகு
- Bio-Comic strip at Wikimedia Commons, français (fr) et al.
- Article on Nzinga from Instituto Palmeiras [1]
- Ana Nzinga: Queen of Ndongo at the Metropolitan Museum of Art
- Women Who Lead பரணிடப்பட்டது 2015-06-07 at the வந்தவழி இயந்திரம்
- Maybe Nzinga is not so innocent