நைல் ஆற்றின் புரைகள்

நைல் ஆற்றின் புரைகள் (Cataracts of the Nile) என்பது சூடான் நாட்டின் கார்ட்டூம் மற்றும் தெற்கு எகிப்தின் அஸ்வான் இடையே நைல் நதி பாயும் போது 6 இடங்களில் ஆழமற்ற பகுதிகளில் பாறைகள் மற்றும் கற்களிடையே மெதுவாகப் பாய்கின்ற காரணத்தினால் இதனை நைல் ஆற்றின் புரைகள் என்பர்.^[1]^[2] இப்பகுதியில் நைல் ஆற்றின் நீர் சிறிய கற்பாறைகள் மற்றும் கற்களால் நதி படுகையில் இருந்து வெளியேறுகிறது. இதனால் நைல் ஆற்றின் நடுவே பல பாறைத் தீவுகள் உண்டாகிறது. இதனால் இந்த வெள்ளை நைல் ஆற்றின் நீரோட்டம் மெதுவாகச் செல்வதுடன், நைல் ஆறும் ஆழமற்றும் உள்ளது.

நைல் ஆற்றின் 6 புரைகள்

வடக்கிலிருந்து தெற்கே:

எகிப்தில்

தெற்கு எகிப்தில் நைல் ஆற்றின் முதல் புரை அஸ்வான் பகுதியை கடந்து செல்கிறது. (24°05′N 32°53′E / 24.08°N 32.88°E / 24.08; 32.88 (First Cataract)). இவிடத்தில் நைல் நதியின் குறுக்கே அஸ்வான் அணை கட்டப்பட்டுள்ளது.

சூடானில்

இரண்டாவதும், பெரியதுமான நைல் ஆற்றின் புரை சூடான் நாட்டின் நூபியா பகுதியில் (21°29′N 30°58′E / 21.48°N 30.97°E / 21.48; 30.97 (Great Cataract)) அமைந்துள்ளது. தற்போது இப்புரை நாசர் ஏரியில் அமிழ்ந்துள்ளது. ^[3]
மூன்றாவது புரை சூடான் நாட்டின் நூபியாவின் தோம்போஸ் எனுமிடத்தில் (19°46′N 30°22′E / 19.76°N 30.37°E / 19.76; 30.37 (Third Cataract)) அமைந்துள்ளது.
நான்காவது புரை தார் அல்-மனசிர் பாலைவனத்தில் (18°55′N 32°22′E / 18.91°N 32.36°E / 18.91; 32.36 (Fourth Cataract)) உள்ளது. 2008-ஆம் ஆண்டு முதல் இப்பகுதி மெரோவி அணையில் அமிழ்ந்துள்ளது.
ஐந்தாவது புரை நைல் ஆறும், அத்பாரா ஆறும் கூடுமிடத்தில் (17°41′N 33°58′E / 17.68°N 33.97°E / 17.68; 33.97 (Fifth Cataract)) அமைந்துள்ளது.
ஆறாவது புரை நைல் ஆறு (16°17′N 32°40′E / 16.29°N 32.67°E / 16.29; 32.67 (Sixth Cataract)) சபாலுகா மற்றும் புளுடோன் பகுதிகளை கடந்து செல்கிறது.