பகிர்வுரிமை

பகிர்வுரிமம் (Share-alike) என்பது ஒரு காப்புரிமைக் கலைச்சொல். இது பெரும்பாலும் படைப்பாக்கப் பொதுமங்கள் திட்டத்தால் பயன்படுத்தப்படுகிறது. இவ்வுரிமத்தின் கீழ் வெளியாகும் ஆக்கங்களின் படிகளையோ மாற்றங்களையோ பகிரும்போது முதன்மை ஆக்கம் பகிரப்பட்ட அதே உரிமம் அல்லது அதை ஒத்த உரிமத்தின் கீழ் வெளியிட வேண்டும். அளிப்புரிமை தரும் உரிமங்கள் யாவும் பகிர்வுரிமை அளிக்கும் கட்டற்ற மென்பொருள் அல்லது கட்டற்ற ஆக்கங்கள் ஆகும்.

படைப்பாக்கப் பொதுமங்களின் பகிர்வுரிமைச் சின்னம், அளிப்புரிமைச் சின்னத்தின் ஒரு வகை

தற்பொழுது, இரண்டு படைப்பாக்கப் பொதும உரிமங்கள் பகிர்வுரிமை அளிக்கின்றன:

1. படைப்பாக்கப் பொதுமம் ஆக்குநர்சுட்டு-பகிர்வுரிமை (இது ஒரு அளிப்புரிமை கொண்ட கட்டற்ற ஆக்க உரிமம்)
2. படைப்பாக்கப் பொதுமம் ஆக்குநர்சுட்டு-வணிகம்தவிர்-பகிர்வுரிமை (இது ஒரு தனியுடைமை உரிமம்)

இச்சொல் காப்புரிமைச் சட்டம் தொடர்பாக மட்டுமின்றி காப்புரிமம் தொடர்பான உரையாடல்களிலும் இடம்பெறுகிறது.

சூன் 2009 இல், விக்கிப்பீடியர் சமூகமும் விக்கிமீடியா அறக்கட்டளையின் அறங்காவலர் குழுவும் விக்கிப்பீடியா மற்றும் அதன் உறவுத் திட்டங்களுக்கான முதன்மை ஆக்க உரிமமாக படைப்பாகப் பொதுமம் ஆக்குநர்சுட்டு-பகிர்வுரிமை உரிமத்தை அறிவித்தனர். இம்முடிவு கட்டற்ற பண்பாட்டுக்கும் தொலைநோக்கு கொண்ட தலைமைக்கும் கிடைத்த வெற்றி என்று படைப்பாக்கப் பொதுமங்கள் நிறுவனம் பாராட்டியது.