பயனர்:K.sureka devi/மணல்தொட்டி

இரித்திகா தத்து (Ritika Dutt) என்பவர் கனடா தொழில்முனைவோர் ஆவார். இவர் சட்டப்பூர்வ செயற்கை நுண்ணறிவு நிறுவனமான போட்லர் AIஇன் தலைமை நிர்வாக அதிகாரி மற்றும் இணை நிறுவனர் ஆவார்.

ஆரம்பகால வாழ்க்கை மற்றும் கல்வி

தத்து இந்தியாவில் பிறந்தார். இவரது குழந்தைப் பருவத்தை ஹாங்காங்கிலும் பருவ வயதினை சிங்கப்பூரிலும் கழித்தார். 2009ஆம் ஆண்டில், இவர் மெக்கில் பல்கலைக்கழகத்தில் சேர கனடாவின் மான்ட்ரியல் நகருக்குச் சென்று 2013 ஆம் ஆண்டில் பொருளாதாரம் மற்றும் அரசியல் அறிவியலில் இளங்கலைப் பட்டம் பெற்றார்.

ஆரம்ப கால வாழ்க்கையில்

மெக்கிலிலிருந்து பட்டம் பெற்ற பிறகு, ஒய் காம்பினேட்டர் என்ற புதுமுகத் தொழில் நிறுவனத்தில் சந்தைப்படுத்தல் துறைக்குத் தலைமை தாங்கினார். பின்னர் தொழில்முனைவோர் தொழில்நுட்ப மையமான மாண்ட்ரீலின் கூகிள் நோட்மேன் அவுசின் உள் செயல்பாடுகளை எடுத்துக் கொண்டார். இங்கு புதுமையான முயற்சிகள் மற்றும் முன்முயற்சிகளை ஆதரித்து ஊக்குவிப்பதன் மூலம் உள்ளூர் புதுமைத் தொழில் விரும்பும் சமூகத்தை வளர்த்தார்.

பொருளாதாரம் மற்றும் புதுமை புனைதலில் தனது பின்னணியைப் பயன்படுத்தி, தத்து பின்னர் 2017ஆம் ஆண்டில் போட்லர் ஏஐ நிறுவனத்தின் இணை நிறுவனரானார்.செயற்கை நுண்ணறிவு மூலம் சட்ட அமைப்புகளை அணுகும் முறைகளில் மேம்பாட்டை ஏற்படுத்தினார்.

போட்லர் AI

2017 ஆம் ஆண்டு திசம்பரில், தனது தனிப்பட்ட அனுபவங்களால் நடவடிக்கை எடுக்க தூண்டப்பட்ட தத்து, பாலியல் துன்புறுத்தல்களிலிருந்து தப்பிப்பிழைப்பவர்களுக்கு அவர்களின் உரிமைகள் மீறப்பட்டுள்ளதா என்பதை தீர்மானிக்க உதவும் ஒரு இலவச கருவியைத் தொடங்க போட்லர் AIஐ வழிநடத்தினார். தீர்ப்புக்கு அஞ்சாமல், தகவல் மற்றும் கல்வி மூலம் சராசரி மனிதனை அதிகாரம் செய்வதற்கான ஒரு பக்கச்சார்பற்ற வளமாக அமைவது இந்தக் கருவியின் உருவாக்கத்தின் நோக்கமாக இருந்தது.