பர்கூர் பாலமுருகன் கோயில்

பர்கூர் பாலமுருகன் கோயில் தமிழ்நாட்டில் கிருஷ்ணகிரி மாவட்டம், பர்கூர் என்னும் ஊரில் அமைந்துள்ள முருகன் கோயிலாகும்.

அருள்மிகு பாலமுருகன் கோவில்
அமைவிடம்
நாடு:	இந்தியா
மாநிலம்:	தமிழ்நாடு
மாவட்டம்:	கிருஷ்ணகிரி
அமைவிடம்:	ஜெகதேவி சாலை, பர்கூர், கிருஷ்ணகிரி வட்டம்
சட்டமன்றத் தொகுதி:	பர்கூர்
மக்களவைத் தொகுதி:	கிருஷ்ணகிரி
கோயில் தகவல்
மூலவர்:	பாலமுருகன்
தாயார்:	வள்ளிதெய்வாணை
சிறப்புத் திருவிழாக்கள்:	ஆடிக்கிருத்திகை, 7 நாட்கள்
வரலாறு
கட்டிய நாள்:	பத்தொன்பதாம் நூற்றாண்டு

வரலாறு

இக்கோயில் பத்தொன்பதாம் நூற்றாண்டைச் சேர்ந்தது. இக்கோயிலுக்குத் தலவரலாறு உண்டு.

கோயில் அமைப்பு

இக்கோயில் சிறிய குன்றின்மீது அமைந்துள்ளது. இக்கோயிலை அடைய ஏறக்குறைய 60 படிகள் ஏறிச் செல்லவேண்டும். இக்கோயிலில் பாலமுருகன், வள்ளிதெய்வாணை சன்னதிகளும், விநாயகர், சிவன், நவகிரகங்கள் உபசன்னதிகளும் உள்ளன. கோயிலின் வெளியே இடும்பன் சந்நிதி அமைந்துள்ளது. இக்கோயில் தொகுப்புக் கோயில் என்ற வகைப்பாட்டில் இந்து அறநிலையத்துறையின் கட்டுப்பாட்டில் உள்ளது. பரம்பரை அல்லாத அறங்காவலர் அமைப்பால் நிர்வகிக்கப்படுகிறது.

பூசைகள்

இக்கோயிலில் காமிகாகம முறைப்படி ஒருகாலப் பூசை நடக்கின்றது. ஆடி மாதம் ஆடிக்கிருத்திகை, 7 நாட்கள் முக்கிய திருவிழாவாக நடைபெறுகிறது.

அமைவிடம்

இக்கோயில் கிருஷ்ணகிரி- சென்னை நெடுஞ்சாலையில் 20 கி.மீ தொலைவில் பருகூர் அமைந்துள்ளது. பருகூர் ஜெகதேவி செல்லும் சாலையில் 10 கி.மீ தொலைவில் இக்கோயில் அமைந்துள்ளது.