பழத் தோட்டம்

பழத் தோட்டம் (orchard) என்பது உணவு விளைச்சலுக்காக திட்டமிட்டு நடப்படும் மரங்கள் அல்லது செடிகளைக் குறிக்கும். பழத் தோட்டங்கள் பழ மரங்களாகவோ வித்து மரங்களாகவோ வணிக முறையில் நடப்படுகின்றன. பழத் தோட்டங்கள் பெருந்தோட்டங்களுக்கு இடையிலும் அமையலாம். அந்நிலையில் இவை உணவு தருவதோடு தோட்டத்துக்கு வனப்பையும் அளிக்கின்றன.^[1] சில வணிகம் சாராத பழத் தோட்டத்தில் பழ மரங்களுக்குப் பதிலாக கொடிமுந்திரிச் செடிகள் வளர்க்கப்படுகின்றன. பெருபாலான மிதவெப்ப வட்டாரங்களில் இவை மேய்ந்த புல்வெளிப் பகுதிகளிலோ வெறும்மண் பகுதிகளிலோ கம்பிவேலி வலைகளுக்கு நடுவே நடப்படுகின்றன.

பெரும்பாலான பழத்தோட்டங்களில் ஒருவகை பழமரங்களே நடப்படுகின்றன. காட்டு மரநடவுகளில் உயிரியற்பன்மைக்கு முதன்மை இடம் தரப்படுகிறது. எனவே காடுகளில் பழமரங்களுக்கு ஊடாக இடையிடையே பிற மரங்களும் நடப்படுகின்றன. காடுகளில் மரபியற் பன்மை வாய்ந்த பழமரங்களுக்கு முதலிடம் தருதல் பூச்சிகளையும் நோய்களையும் தங்குதிரத்தை உருவாக்குகிறது.^[2].

நீர்நிலைகள் காலநிலையைச் சீராக வைப்பதால் பழத்தோட்டங்கள் நீர்நிலைகளுக்கு அருகிலேயே அமைக்கப்படுகின்றன. நீர்நிலைகள் பூப்புக் காலத்தையும் பனிக்காலம் வரை நீடிக்க உதவுகின்றன.

நடவுமுறை தொகு

பழத் தோட்ட நடவுமுறை என்பது தோட்டத்தில் மரங்களை நடும் வைப்புமுறையாகும். பழத் தோட்ட நடவுமுறைகளில் பல்வேறு முறைகள், அதாவது மரங்களை நடும் வைப்புமுறைகள் உள்ளன:

சதுர நடவுமுறை
செவ்வக நடவுமுறை
ஐங்கோண நடவுமுறை
முக்கோண நடவுமுறை
அறுகோண நடவுமுறை
படியடுக்கு அல்லது சம உயர படியடுக்கு நடவுமுறை

பழவகைகளுக்கு ஏற்ப இந்நடவுமுறைகள் மாறலாம்.

வட்டாரவாரியாக பழத்தோட்டங்கள் தொகு

ஐக்கிய அமெரிக்காவின் பெரும்பாலான பழத் தோட்டங்கள் ஆப்பிள், ஆரஞ்சுப் பழத் தோட்டங்களே. இங்கு கிச்சிலி, எலுமிச்சை வகைப் பழத் தோட்டங்கள் காடுகள் எனவே அழைக்கப்படுகின்றன. மிகப் பரவலான ஆப்பிள் பழத் தோட்டங்கள் வாழ்சிங்டன் மாநிலத்தி லேயே அமைகின்றன. சற்ரே குறைவான ஆனால் கணிசமானனஆப்பிள் பழத் தோட்டங்கள் நியூயார்க் மேட்டுநிலங்களில் உள்ளன. மிக விரிவான ஆரஞ்சுப் பழத் தோட்டங்கள் கலிபோர்னியா மாநிலத்தில் புளோரிடாவில் உள்ளன. இங்கு இவை காடுகள் என்றே அழைக்கப்படுகின்றன. வட அமெரிக்கக் கிழக்கே பல பழத் தோட்டங்கள் கடற்கரையோரமாகவே அமைந்துள்ளன. குறிப்பாக, அவை மிச்சிகான் ஏரியிலும் எரீ ஏரியிலும் ஒன்டாரியோ ஏரியிலும் அமைகின்றன.

கனடாவில், ஒன்டாரியோ ஏரிக்குத் தென்பகுதியில் ஆப்பிளோடு பிற பழத் தோட்டங்களும் பரவலாக அமைந்துள்ளன. இந்தப் பகுதியே கனடா பழ வட்டாரம் என அழைக்கப்படுகிறது. இங்கே பேரளவு பழ வணிகச் சந்தையும் உள்ளது. இங்கு அறுவடைக் காலத்தில் "உங்கதை நீங்களே தேர்ந்தெடுங்கள்" செயல்பாடுகளும் ஊக்குவிக்கப்படுகின்றன.

முர்சியா ஐரோப்பாவில் உள்ள மாபெரும் பழத் தோட்டம் ஆகும். இங்கு கிச்சிலி, எலுமிச்சை வகை பழங்கள் விளைகின்றன. நியூசிலாந்து, சீனா, அர்ஜென்டீனா, சிலி ஆகிய நாடுகளில் மிகப் பரந்த ஆப்பிள் பழத் தோட்டங்கள் உள்ளன.

வொர்செசுடெர்சயரில் அமைந்த தென்பரி வெல்சு பழத் தோட்ட நகரம் என அழைக்கப்படுகிறது. ஏனெனில், இது 19 ஆம் நூற்றாண்டு முதலே பழத் தோட்டங்களால் சூழ்ந்துள்ளது. இன்றும் இந்த மரபு ஆண்டுதோறும் இங்கு ஆப்பிள் விழாவாகக் கொண்டாடப் படுகிறது.^[3]

நடுவண் ஐரோப்பா தொகு

Streuobstwiese (pl. Streuobstwiesen) எனும் செருமானிய்ச் சொல் புதரிடையே ஆங்காங்கே நட்ட அல்லது வயலில் நட்ட பழமரத் தொகுதியினைக் குறிக்கும்.^[4] Streuobstwiese எனும் இந்தப் புதர்ப் பழத்தோட்டம்,^[5] மேற்கு ஐரோப்பாவில் நிலவும் மிதவெப்ப மண்டலத்தில் அல்லது கடற்கரையோரத்தில் அமைந்த ஒரு மரபான நிலக்கிடப்பியல் அமைவாகும். 19 ஆம் நூற்றாண்டிலும் 20 ஆம் நூற்றாண்டின் தொடக்க காலத்திலும், புதர்ப் பழத் தோட்டங்கள் கல்பழம் விளைவிக்கும் ஊரகக் குமுகாயப் பழத் தோட்டங்களாக இருந்தன. ஆனால், அண்மையில், சூழலியலாளர்கள் அரசிடம் வெற்றிகரமாக வாதாடி, அவ்வாழிடங்களுக்காகவும், உயிரியற்பன்மைக்காகவும் இயற்கை நில அமைப்புக்காகவும் நிதி ஒதுக்கீட்டைப் பெற்று பழைய புதர்ப் பழத் தோட்ட நிலக்கிடப்பைப் பேணிவருகின்றனர். மரபான பழத் தோட்டங்களும் புதர்ப் பழத் தோட்டங்களும் தோட்டச் சூழல் விலங்குகளுக்கான நல்லதொரு வாழிடமாக உள்ளன. எடுத்துகாட்டாக, கொண்டலாத்தி எனும் ஐரோப்பாவில் வாழும் பழமரப் பறவை பழமரப் பொந்துகளில் கூடுகட்டுவதால் கூடுக்ட்டும் மாற்றிடங்கள் அமையாவிட்டால் அவை அச்சுறுத்தப்பட்ட விலங்குகளாகி விட வாய்ப்புள்ளது.^[6]

பல வட்டாரப் பழத் தோட்டங்கள்
இசுரவேல் மேல் கலிலீயில் உள்ள எலுமிச்சைப் பழத் தோட்டம்.
1920 களில் நடப்பட்ட ஒரு குமுகாய ஆப்பிள் பழத் தோட்டம், வெசுட்டுகிளிப் எசெக்சு, இங்கிலாந்து
Streuobstwiese எனும் மரபான ஊரகக் குமுகாயப் பழத் தோட்டம். இன்று இது வாழிடத் தரத்துக்கும் உயிரியற்பன்மைக்கும் பாராட்டு பெற்றுவருகிறது.
வாழ்சிங்டன் ஆசுவெல்லில் உள்ள ஆப்பிள் பழத் தோட்டம். இதைச் சூழ பழம் பறி சமூக அறைகள் அமைந்துள்ளன.
ஒன்டாரியோ, இலீமிங்டனில் எரீ ஏரிக்கரையில் உள்ள உவர்ப்புச் செறிப் பழத் தோட்டம்
கனடா, ஒட்டாவாவில் உள்ள பழைய ஆப்பிள் பழத் தோட்டம்