குழந்தைக்குப் பெயர் வைத்தல்
குழந்தை பிறந்து குறிப்பிட்ட நாட்களுக்குள் அந்தக் குழந்தைக்குப் பெயர் வைத்தல் (Naming ceremony) என்னும் வழக்கம் பல சமூகவ்களில் இருந்து வருகிறது. இந்து சமயத்திலுள்ள சில சாதியினர் தங்கள் குல தெய்வப் பெயரை முதலில் குழந்தைக்கு வைக்கின்றனர். சில சாதியினர் தங்கள் குழந்தைகளில் ஆண் குழந்தையாக இருந்தால் தங்கள் தந்தை பெயர், பெண் குழந்தையாக இருந்தால் தங்கள் தாயின் பெயர் போன்று தங்கள் மூதாதையினரின் பெயரை வைக்கின்ற வழக்கத்தைக் கடைப்பிடிக்கின்றனர். நட்சத்திரங்களுக்கு ஏற்ற எழுத்துக கொணட பெயாகளையும் சுட்டுவது வழக்கம் உள்ளது. சில குடும்பத்தில் தமிழ் பற்றுதலின் காரணமாக தமிழ்ப் பெயர் வைக்கும் வழக்கமும் உள்ளது. சிலர் தாங்கள் சார்ந்துள்ள அரசியல் கட்சித் தலைவர்கள் அல்லது தாங்கள் விரும்பும் திரைப்படத் துறையினர் பெயர்களை வைக்கின்றனர். தற்போது நாகரீகமாகப் பெயர் வைக்க வேண்டும் என்கிற எண்ணம் மேலோங்கியுள்ளது. இதனால், தற்போது எந்தப் பொருளுமில்லாமல் புதியதாக பெயர்கள் உருவாக்கப்பட்டு வைக்கப்படுகின்றன. இந்தப் பெயர் வைக்கும் நிகழ்வு சமயம், சாதி, இடம் மற்றும் விருப்பம் போன்ற சில பிரிவுகளின் கீழ் வேறுபடுகிறது.
எத்தியோப்பியாவில் “அபாபெச்“ (மலர்) என்று பெண்களுக்குப் பெயரிடுகிறார்கள். பர்மியர்கள் குழந்தை பிறந்த சில மணிநேரத்திற்குள், தங்கள் குடும்ப ஜோதிடரைக் கொண்டு பெயர் சூட்டுவர். வங்காளிகள் இரண்டு பெயர்களைத் தேர்வு இரண்டு நெய்விளக்கின் அடியில் வைத்து, எது அதிக நேரம் எரிகிறதோ அந்த விளக்கின் அடியில் உள்ள பெயரைச் சூட்டிவிடுவர் . மலேயக்கார்கள் ஏழு துணிகளை ஒன்றின் கீழ் ஒன்றாக அடுக்கி, பிறந்த குழந்தையை அதில்படுக்க வைத்து, ஒவ்வொருநாள் ஒவ்வொரு துணியாக எடுத்து ஏழாவது நாள் மொட்டையடித்து பெயர் சூட்டிவிடுவர். “கானா“ நாட்டில் குழந்தை பிறந்த எட்டாவது நாள், பொழுது புலருமுன்னே பெயர் சூட்டி விடுவர். அமெரிக்கச் சிவப்பிந்தியாகள் குழந்தை பிறந்த்தும், குழந்தையின் தந்தை எந்தப் பொருளைப் பார்கின்றாரோ அந்தப் பொருளின் பெயரைச் சூட்டிவிடுவர். ஆப்பரிக்க பழங்குடிகள் பல பெயர்களை வரிசையாக எழுதிக் குழந்தையின் முன் படிப்பார்கள். எந்தப் பெயரைப் படிக்கும்பொழுது குழந்தைப் படிக்கும்போது அழவோ சிரிக்கவோ செய்கிறதோ அந்தப் பெயரைச் சூட்டிவிடுவர்.[1]
இவற்றையும் பார்க்க
தொகுமேற்கோள்கள்
தொகு- ↑ அறிவுப் பேழை கவிஞா். நஞ்சுண்டன் முதற்பதிப்பு ஜுலை 1999
|
இக்குறுங்கட்டுரையைத் தொகுத்து, விரிவாக எழுதி, நீங்களும் இதன் வளர்ச்சிக்கு உதவுங்கள். |