பெர்கெந்தியான் தீவு
பெர்கெந்தியான் தீவு (மலாய்: Pulau Perhentian; ஆங்கிலம்: Perhentian Islands) என்பது மலேசியா, திராங்கானு மாநிலத்தின், பெசுட் மாவட்டத்தில், தென்சீனக் கடல் கடல்பகுதியில் அமைந்து உள்ள ஒரு தீவு.
| உள்ளூர் பெயர்: Perhentian Islands Kepulauan Perhentian كڤولاوان ڤرهنتين | |
|---|---|
 | |
  பெர்கெந்தியான் தீவு | |
| புவியியல் | |
| அமைவிடம் | தென்சீனக் கடல் |
| ஆள்கூறுகள் | 5°55′N 102°44′E / 5.917°N 102.733°E |
| தீவுக்கூட்டம் | பெர்கெந்தியான் தீவுகள் |
| மொத்தத் தீவுகள் | 5 |
| முக்கிய தீவுகள் | பெர்கெந்தியான் பெசார் (Perhentian Besar) பெர்கெந்தியான் கெச்சில் (Perhentian Kecil) |
| பரப்பளவு | 15.35 km2 (5.93 sq mi) |
| உயர்ந்த ஏற்றம் | 100 m (300 ft) |
| நிர்வாகம் | |
| மக்கள் | |
| மக்கள்தொகை | 2000 |
இந்தத் தீவைச் சுற்றிலும் சில தீவுகள் இருப்பதால் பெர்கெந்தியான் தீவுகள் அல்லது பெர்கெந்தியான் தீவுக்கூட்டம் என்று அழைப்பதும் உண்டு. அவற்றுள் இரண்டு முக்கிய தீவுகள் உள்ளன.[1]
பொது
தொகுபெர்கெந்தியான் கெச்சில் தீவுக்கு அப்பால் சுசு டாரா (Virgin Milk), செரெங்கே (Serengeh) மற்றும் ராவா (Rawa) ஆகிய சிறிய தீவுகள் உள்ளன. இந்தத் தீவுகளில் மக்கள் வசிக்கவில்லை.
பெர்கெந்தியான் தீவுகள் திராங்கானு மாநிலத்தில் இருந்தாலும், இந்தத் தீவுகளில் வாழும் மக்கள் கிளாந்தான்-பட்டாணி மலாய் மொழியைப் பேசுகிறார்கள். இருப்பினும் ஆங்கில மொழியும் பரவலாக பேசப் படுகிறது.
வரலாறு
தொகுமலாய் மொழியில் "பெர்கெந்தியான்" என்றால் "நிறுத்தும் இடம்" என்று பொருள். முன்பு காலத்தில் பாங்காக் மற்றும் மலேசியா இடையே வணிகர்களுக்கான வழிப் புள்ளியாக இந்தத் தீவுகள் விளங்கி உள்ளன.[2]
பல நூற்றாண்டுகளாக மீனவர்கள் இந்தத் தீவுகளில் வசித்து வருகின்றனர். இருப்பினும் இப்போது சுற்றுலாத் துறைதான் முக்கியப் பொருளாதார நடவடிக்கையாக விளங்குகின்றது.
ஐந்து தீவுகள்
தொகுபெர்கெந்தியான் தீவுக் கூட்டத்தில், பெர்கெந்தியான் பெசார் மற்றும் பெர்கெந்தியான் கெச்சில் ஆகிய இரண்டு முக்கிய தீவுகளைத் தவிர, மேலும் ஐந்து தீவுகள் உள்ளன. அந்த ஐந்து தீவுகளிலும் மக்கள் வசிக்கவில்லை.
1970-களில் வியட்நாமிய அகதிகள் எனும் படகு மக்கள் வந்து இறங்கிய தீவுகளில் பெர்கெந்தியான் தீவுக் கூட்டமும் ஒன்றாகும்.
பொருளாதாரம்
தொகுஇயற்கைசார் சுற்றுலா, இந்தத் தீவுகளுக்கு பொருளாதார வளத்தை வழங்குகிறது. இரண்டு தீவுகளிலும் வெள்ளை பவள மணல் கடற்கரைகள் மற்றும் தெளிவான கடல்நீர்ப் பகுதிகள் உள்ளன.
பிரபலமான நீரடி நீந்தல் (Scuba Diving; Snorkelling) போன்ற கேளிக்கை நடவடிக்கைகளுக்கு சிறந்த இடமாக உள்ளது. தீவைச் சுற்றி சுற்றுலாப் பயணிகளுக்காக பல ஓய்வு விடுதிகள் உள்ளன.[3]
இயற்கை
தொகுபெரும்பாலான கடற்கரைப் பகுதிகள் ஆழமற்றவை. அதனால் திருக்கை மீன்கள், கணவாய் மீன்கள் மற்றும் கிளிமூக்கு மீன்கள் (Parrot Fish) நீந்திச் செல்வதைத் தெளிவாகப் பார்க்கலாம்.
பெர்கெந்தியான் தீவுகள் பல்வேறு வகையான இராட்சச உடும்புகள், விச சிலந்திகள், மரப் பல்லிகளுக்கு தாயகமாக உள்ளன. பவளப்பாறை நீர்நிலைகளில் கடல் ஆமைகள், கோமாளி மீன்கள் (Clown Fish), கணவாய் மீன்கள், நீல புள்ளித் திருக்கைகள் (Blue Spotted Rays) மற்றும் கருப்பு முனைச் சுறாக்கள் (Black Tipped Sharks) போன்றவை மிகச் சுதந்திரமாக வாழ்கின்றன.
பெர்கெந்தியான் தீவுகள் காட்சியகம்
தொகு
மேற்கோள்கள்
தொகு- ↑ "There are two small islands that form the Perhentian Islands. The names are Perhentian Besar, the larger of the two and popular among couples and families with children, and Perhentian Kecil, the smaller island and very popular among budget travelers". www.wonderfulmalaysia.com. பார்க்கப்பட்ட நாள் 15 June 2022.
- ↑ "The word "perhentian" in Bahasa Malaysia means "stopping point," Though the islands were supported by fishing income early in their history, they are now part of Pulau Redang National Marine Park in the Terengganu region, and fishing is strictly prohibited". Legal Nomads. பார்க்கப்பட்ட நாள் 15 June 2022.
- ↑ "Perhentians are unusual in that their monsoon season is opposite to most of the rest of Southeast Asia. The rains hit the island hard from November until around February, which is high season in most of Thailand's tropical islands". southeastasiabackpacker.com. 26 December 2011. பார்க்கப்பட்ட நாள் 15 June 2022.
வெளி இணைப்புகள்
தொகு
விக்கிச்செலவில் செலவு வழிகாட்டி: பெர்கெந்தியான் தீவு- Tourism Malaysia - Pulau Perhentian
