பேச்சு:திரிதடையம்
 |  |
|
திரிதடையம் என்னும் கட்டுரை தமிழ் விக்கிப்பீடியாவின் மேம்பாடு கருதி உருவாக்கப்பட்ட தொடர்பங்களிப்பாளர் போட்டி மூலம் விரிவாக்கப்பட்டது ஆகும். |
திரிதடையம் என்று தமிழில் சொல்லாக்கம் செய்த காரண பின்புலத்தை அறிய ஆவல். நன்றி. --Natkeeran 14:23, 7 ஜூலை 2006 (UTC)
- இக்கருவியில், குறிப்பலைகளை குறைந்த தடையம் உள்ள சுற்றில் இருந்து (உமிழ்முனை-நடுமுனை சுற்றில் இருந்து), மிகுந்த தடையுள்ள சுற்றில் (பெறுமுனை அலது திரட்டு முனை உள்ள சுற்றில்) செலுத்தி குறிப்பலைகளை மிகைப்படுத்தும் கருவி. ஆங்கிலத்திலும் trans-resistor= transistor என்று இதனால் தான் பெயர் பெற்றது. --C.R.Selvakumar 14:43, 7 ஜூலை 2006 (UTC)செல்வா
நன்றி. அதாவது தடையை மீறி என்று பொருள்படுமா!--Natkeeran 15:42, 7 ஜூலை 2006 (UTC)
- ஒரு திரிதடையத்தில்(transistor) இரண்டு இருமுனையங்கள் (diodes) உள்ளன. அவற்றுள் உமிழி-நடு (அடிமனை)(emitter-base) சேர்ந்த இருமுனையத்திற்கு நேர்முறை (நேரோட்ட முறை, முன்னோட்ட முறை, Forward bias) மின்னழுத்தம் தரப்படுகின்றது, இது குறைந்த தடையம் உள்ள சுற்று (முன்னோட்டத்தால்). ஆனால் அடுத்த இருமுனையமாகிய திரட்டி-நடு (collector-base)வானது எதிர்முறை (எதிரோட்ட முறை, பின்னோட முறை, Reverse bias), மின்னழுத்தம் பெற்றது. எதிர்முறை மின்னழுத்தம் கொண்ட இருமுனையம், அதிகமாக கடத்தாது. அது அதிக தடையம் உடைய நிலை. எனினும், வியப்பான செய்தி என்னவென்றால், எதிர்முறையில் அழுத்தம் பெற்ற இருமுனையம் சிறுபான்மை மின்னிகளை (minority charge carriers) சிறப்பாகக் கடத்தும். பொதுவாக சிறுபான்மை மின்னிகள் மிக மிகக் குறைவாகவே இருப்பதால், கடத்துமை மிக மிகக் குறைவு. ஆனால் திரிதடையத்தில் அருகே உள்ள உமிழி-நடு சேர்ந்த இருமுனையயமானது நடுப்பகுதியில் ஏராளமாக அப்பகுதியின் சிறுபான்மை மின்னிகளை புகுத்துகின்றது (இது தன்னுடைய நேர்முறை அழுத்தத்தால் நிகழ்கின்றது). எனவே திரட்டி-நடு சேர்ந்த இருமுனையம் எதிர்முறை அழுத்தம் கொண்டிருந்தபோதும், எளிதாக அதிக அளவில் நடுப்பகுதியில் வந்து விழும் சிறுபான்மை மின்னிகளைக் கடத்துகின்றது. இப்படி எதிர்முறை அழுத்தம் கொண்டிருக்கும் இருமுனையம் வழி நிறைய கடத்தும் திறம் பெற்றிருப்பதாலேயே, திரிதடையம் மிகப்பயனுடைய கருவியாக இயங்குகின்றது. ஆற்றல்-பட்டைப் படம் வரைந்து விளக்கினால் இன்னும் தெளிவாக விளங்கும். இதனையே குறுங்கட்டுரையாகவும் இணைக்கலாம். எனவே தடையை மீறி என்பது இங்கே எதிர்முறை அழுத்தம் கொண்ட இருமுனையம் வழியே பெரிய அளவில் மின்னோட்டம் செலுத்தவல்லது என்னும் பொருளில் சரியே (ஆனால் சிறுபான்மை மின்னிகளுக்கு, எதிர்முறை அழுத்தம் தடையேதும் தருவத்தில்லை. தடையெல்லாம் பெரும்பானமை மின்னிக்குத்தான்.) --C.R.Selvakumar 17:27, 7 ஜூலை 2006 (UTC)செல்வா
சொல்லுறுப்புக்கள் தொகு
திரிதடையம் என்ற சொல் வினைத்தொகையா? இத்தகவலையும், மேலே தரப்பட்டுள்ள விளக்கத்தையும் கட்டுரையில் சேர்க்கலாமே! -- Sundar \பேச்சு 12:43, 10 ஜூலை 2006 (UTC)
- உறுதியாகச் சொல்வதற்கு இல்லை. ஏனெனில், திரிகின்ற தடையம், திரியும் தடையம் என வினைகளைத் தொக்கி நின்றாலும், இக்கருவி குறிப்பலைகளை இவ்வாறு தடையம் வேறுபடும் சுற்றுகளிலே நகர்த்தி மிகைப்படுத்தவல்ல கருவி என்பதே பொருள்.மின்னியல் பற்றிய கட்டுரைகள் ஏராளமாக எழுதவும் திருத்தவும் வேண்டிய நிலையில் உள்ளன.--C.R.Selvakumar 13:21, 10 ஜூலை 2006 (UTC)செல்வா
முற்றிலும் மாற்றி அமைக்கப்பட்டுள்ளது தொகு
இக்கட்டுரை முற்றிலும் மாற்றி அமைக்கப்பட்டுள்ளது. பின்னர் இன்னும் விரிவாகவும், விளக்கப் படங்களுடனும், சமன்பாடுகளுடனும் எழுதப்படும். நெடுநாட்களாக செய்யவேண்டும் என்று எண்ணியிருந்தது இன்றேனும் ஒரு சிறிதேனும் நிறைவேறியது. ஏதும் மாற்றுக்கருத்துகள் இருந்தால் தெரிவிக்கவும்.--செல்வா 17:22, 23 டிசம்பர் 2008 (UTC)
தலைப்பு மாற்றம் தொகு
மூவாயி என்று இக்கட்டுரையின் தலைப்பை மாற்றினால் என்ன? திரிதடையம் என்ற வட சொல்லைத் தவிர்க்க முடியும். மூவாயி என்பதே இலங்கையிலும் பயன்படுத்தப்பட்டு வருகிறது. --மதனாஹரன் (பேச்சு) 04:47, 20 ஏப்ரல் 2012 (UTC)
பார்த்தேன். அப்படியும் திரி என்ற வட சொற்பயன்பாடு பொருத்தமாகத் தென்படவில்லை. --மதனாஹரன் (பேச்சு) 05:32, 20 ஏப்ரல் 2012 (UTC)
- நீங்கள் மூன்று எனப்பொருள்படும் வடசொல்லான திரியை நினைத்துக் கொண்டிருப்பது போலத் தெரிகிறது, மதன். இது திரிபு என்பதில் உள்ள தமிழ் வேர்ச்சொல். Transistor என்பதில் உள்ள trans என்ற முன்னொட்டு திரிபைக் குறிப்பது, பின்னால் வருவது தடையத்தைக் குறிப்பது. -- சுந்தர் \பேச்சு 05:45, 20 ஏப்ரல் 2012 (UTC)
விளக்கத்துக்கு நன்றி. தலைப்பை மாற்றுவதற்கான வேண்டுகோளை நீக்கி விட்டேன். --மதனாஹரன் (பேச்சு) 05:56, 20 ஏப்ரல் 2012 (UTC)
இலங்கை வழக்கில் மூவாயி என்றுள்ளதால் வழிமாற்றை ஏற்படுத்திக் கட்டுரையிலும் இணைத்துள்ளேன். --மதனாஹரன் (பேச்சு) 05:57, 20 ஏப்ரல் 2012 (UTC)