மதராசு பணம்

1815க்கு முன்னதாக சென்னை மாகாணத்தில் பயன்படுத்தப்பட்டு வந்த நாணயம் பணம் (fanam) ஆகும். இது இந்திய ரூபாயுடன் புழக்கத்தில் இருந்தது. பணம் சிறு வெள்ளி நாணயமாக இருந்தது; இது 80 செப்புக் காசுகளாக பிரிக்கப்பட்டிருந்தது. 42 பணம் மதிப்பிற்கு தங்க பகோடா நாணயமும் இருந்தது. இந்திய ரூபாயின் மதிப்பு 12 பணமாக இருந்தது. 1815க்குப் பிறகு ரூபாயின் நாணயங்களே பதிப்பிக்கப்பட்டன.

மாற்றுகை பட்டியல்

பகோடா	ரூபாய்	பணங்கள்	காசு
1	3½	42	3360
	1	12	960
		1	80

திருவிதாங்கூர் சமத்தானத்திலும் பணம் வெளியிடப்பட்டது. இது திரிவிதாங்கூர் ரூபாய்க்கு 1/7 மதிப்புடையதாக இருந்தது. டானிசிய இந்தியாவிலும் பனோ எனப்பட்ட நாணயம் வழக்கிலிருந்தது;இதன் மதிப்பு டானிய இந்திய ரூபாயின் 1/8 ஆக இருந்தது. பிரெஞ்சு இந்தியாவில் பனோன் எனப்பட்ட நாணயம் பிரெஞ்சு இந்திய ரூபாயின் 1/8 மதிப்பாக இருந்தது.