மதுரை வடக்கு வட்டம்

மதுரை (வடக்கு) வட்டம் , தமிழ்நாட்டின் மதுரை மாவட்டத்தில் உள்ள 11 வட்டங்களில் ஒன்றாகும். . மதுரை வடக்கு வட்டம் 1 அக்டோபர் 1967ல் நிறுவப்பட்டது. இவ்வருவாய் வட்டத்தில் 82 வருவாய் கிராமங்கள் உள்ளது. இவ்வட்டத்தில் மொத்தம் 16,926 ஹெக்டேர் நிலம் உள்ளது. அதில் நன்செய் நிலம் 8,125 ஹெக்டேராகவும்; புன்செய் நிலம் 4,106 ஹெக்டேராகவும் உள்ளது.

இவ்வட்டத்தில் மதுரை மேற்கு ஊராட்சி ஒன்றியம் மற்றும் பரவை - பேரூராட்சி உள்ளது. இவ்வட்டத்தில் 14 கல்லூரிகளும், உயர்நிலைப் பள்ளிகளும், மேனிலைப் பள்ளிகளும் உள்ளது. இவ்வட்டத்தில் ஒரு அரசு மருத்துவ மனையும்; 24 ஆரம்ப சுகாதார நிலையங்களும் உள்ளது.

உள்வட்டங்கள்

மதுரை வடக்கு வட்டத்தில் 5 உள்வட்டங்கள் எனும் பிர்காக்கள் உள்ளது. அவைகள்;

1. சாத்தமங்கலம்
2. சமயநல்லூர்
3. குலமங்கலம்
4. கூலப்பாண்டி
5. சத்திரப்பட்டி

இந்த ஐந்து உள்வட்டங்களில் 82 வருவாய் கிராமங்கள் உள்ளது.

மக்கள்தொகை பரம்பல்

1,25,017 குடும்பகள் கொண்ட மதுரை வடக்கு வட்டத்தின் 2011ம் ஆண்டின் மக்கள்தொகை கணக்கெடுப்பின்படி மொத்த மக்கள்தொகை 4,94,430 ஆகும். அதில் ஆண்கள் 2,48,631 ஆகவும்; பெண்கள் 2,45,799 ஆகவும் உள்ளனர். பாலின விகிதம் ஆயிரம் ஆண்களுக்கு 989 பெண்கள் வீதம் உள்ளனர். சராசரி எழுத்தறிவு 85.98% ஆகவுள்ளது. ஆறு வயதிற்குட்பட்ட குழந்தைகள் 52,614 ஆகவுள்ளனர். மக்கள்தொகையில் 62.4% மக்கள் நகர்புறங்களிலும்; 37.6% மக்கள் கிராமப்புறங்களிலும் வாழ்கின்றனர்.

மக்கள்தொகையில் பட்டியல் சாதியினரும் பட்டியல் பழங்குடியினரும் முறையே 83,890 மற்றும் 2,488 ஆகவுள்ளனர்.

மக்கள்தொகையில் இந்துக்கள் 4,40,924 (89.18%), இசுலாமியர் 28,889 (5.84%), கிறித்தவர்கள் 22,714 (4.59%) ஆகவும் உள்ளனர்.

வெளி இணைப்புகள்

• மதுரை மாவட்ட வருவாய் நிர்வாக அமைப்பு