முக்குளோரோநைத்திரசோமெத்தேன்

முக்குளோரோநைத்திரசோமெத்தேன் (Trichloronitrosomethane) CCl₃NO என்ற மூலக்கூற்று வாய்ப்பாட்டால் அடையாளப்படுத்தப்படுகிறது. நைத்திரசோ ஆல்கேனின் குளோரினேற்ற சேர்மமான இது ஆழ்ந்த நீலநிற நீர்மமாகவும் வலிமையான கண்ணீர் வரவழைக்கும் சேர்மமாகவும் காணப்படுகிறது.

முக்குளோரோநைத்திரசோமெத்தேன்
Trichloronitrosomethane

பெயர்கள்
வேறு பெயர்கள் தி.எல்-358
இனங்காட்டிகள்
சிஏஎசு எண்	3711-49-7
ChemSpider	69724
InChI InChI=1S/CCl3NO/c2-1(3,4)5-6 Key: WXWITNRAXGTELB-UHFFFAOYSA-N
யேமல் -3D படிமங்கள்	Image
பப்கெம்	77305
SMILES C(N=O)(Cl)(Cl)Cl
பண்புகள்
மூலக்கூறு வாய்பாடு	CCl3NO
வாய்ப்பாட்டு எடை	148.37 g·mol−1
தோற்றம்	ஆழ்ந்த நீலநிற நீர்மம்
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

தயாரிப்பு

பின்வரும் தயாரிப்பு முறைகளில் முக்குளோரோநைத்திரசோமெத்தேன் தயாரிக்கப்படுகிறது:

• முக்குளோரோமெத்தில்சல்பினிக் அமிலத்தை நைத்திரிக் அமிலத்துடன் சேர்த்து ஆக்சிசனேற்றம் செய்து தயாரிக்க இயலும்.

• சோடியம் முக்குளோரோமெத்தில் சல்பினேட்டுடன் சோடியம் நைத்திரைட்டும் சோடியம் நைத்திரேட்டு அல்லது கந்தக அமிலத்திலிட்ட பொட்டாசியம் நைத்திரேட்டு சேர்த்து வினைபுரியச் செய்து தயாரிக்கலாம்.

• முக்குளோரோ அசித்தைட்ரோ ஆக்சமிக் அமிலத்தை வெப்பச்சிதைவுக்கு உட்படுத்தியும் தயாரிக்கலாம்.

வேதியியல்

முக்குளோரோநைத்திரசோமெத்தேன் நிலைப்புத்தன்மையற்ற ஒரு சேர்மமாகும். நைத்திரோசில் குளோரைடு, நைத்திரசன் ஆக்சைடுகள் மற்றும் குளோரோபிக்ரின் சேர்மங்களாக முக்குளோரோநைத்திரசோமெத்தேன் மெல்ல மெல்ல சிதைவடைகிறது. .