லிபியாவின் இத்ரிசு

இத்ரிசு (Idris, அரபு மொழி: إدريس الأول‎), அல்லது முகம்மது இத்ரிசு பின் முகம்மது அல்-மஹ்தி அஸ்-செனூசி, Muhammad Idris bin Muhammad al-Mahdi as-Senussi, 12 மார்ச் 1889 – 25 மே 1983), என்பவர் லிபியாவின் முதலாவதும் ஒரேயொரு அரசருமாவார். இவர் 1951 முதல் 1969 வரை பதவியில் இருந்தார்.

இத்ரிசு Idris
லிபியாவின் அரசர்
ஆட்சிக்காலம்	24 டிசம்பர் 1951 – 1 செப்டம்பர் 1969 (17 ஆண்டுகள், 251 நாட்கள்)
பிறப்பு	12 மார்ச் 1889 ஜாபுப், லிபியா
இறப்பு	25 மே 1983(1983-05-25) (அகவை 94) கெய்ரோ, எகிப்து
புதைத்த இடம்	மெதினா, சவூதி அரேபியா
துணைவர்	பாத்திமா எல்-சரீஃப்
பெயர்கள் முகம்மது இத்ரிசு பின் முகம்மது அல்-மஹ்தி அஸ்-செனூசி
மரபு	செனூசி
தந்தை	முகம்மது அல்-மஹ்தி அஸ்-செனூசி
தாய்	ஆயிஷா அகமது அல்-சிர்ட்
மதம்	சுணி இசுலாம்

1969 செப்டம்பர் 1 இல் மருத்துவச் சோதனைக்காக துருக்கி சென்றிருந்த போது இவர் முஅம்மர் அல் கதாஃபியின் தலைமையில் இடம்பெற்ற இராணுவப் புரட்சியை அடுத்து பதவியில் இருந்து அகற்றப்பட்டார். அரச வம்சம் அழிக்கப்பட்டு லிபியா குடியரசாக அறிவிக்கப்பட்டது. துருக்கியில் இருந்து இத்ரிசும் அரசியும் கிரேக்கத்திற்கு கப்பல் மூலம் சென்று எகிப்தில் அரசியல் தஞ்சம் பெற்றனர். 1969 புரட்சியின் பின்னர் லிபிய பக்கள் நீதிமன்றத்தில் இத்ரிசு மீதான மீதான விசாரணைகள் அவர் இல்லாத நிலையில் விசாரிக்கப்பட்டு, 1971 ஆண்டு நவம்பரில் அவருக்கு மரணதண்டனை அறிவிக்கப்பட்டது. இத்ரிசு தனது 94 ஆம் வயதில் கெய்ரோவில் உள்ள சுல்தான் அரண்மனையில் காலமானார். இவரது உடல் சவூதி அரேபியாவில் மெதினாவில் அடக்கம் செய்யப்பட்டது.