வசந்த் அண்ட் கோ

வசந்த் அண்ட் கோ
	வசந்த் அண்ட் கோ, புரசைவாக்கம், சென்னை, தமிழ்நாடு
வகை	கூட்டு நிறுவனம்
நிறுவுகை	1978
நிறுவனர்(கள்)	எச். வசந்தகுமார்
சேவை வழங்கும் பகுதி	தமிழ்நாடு, புதுச்சேரி, பெங்களூரு
தொழில்துறை	சில்லறை விற்பனை
சேவைகள்	வீட்டு உபயோகப் பொருட்கள், மின்னணு உபகரணங்கள், கைப்பேசிகள், மடிக்கணினிகள்
பணியாளர்	1,000

வசந்த் அண்ட் கோ என்பது இந்தியாவில், தமிழ்நாட்டின் சென்னையைத் தலைமையகமாகக் கொண்ட, 'இந்திய சில்லறை விற்பனை சங்கிலித் தொடர் விற்பனை நிலையங்களில்' ஒன்றாகும்.^[1] வீட்டு உபயோகப் பொருட்கள், மின்னணு உபகரணங்கள், கைப்பேசிகள், மடிக்கணினிகள் ஆகியவற்றை விற்பனை செய்யும் நிறுவனமாக 'வசந்த் அண்ட் கோ' திகழ்கிறது.

சென்னையில் அமைவிடம்

கடல் மட்டத்திலிருந்து சுமார் 31.36 மீ. உயரத்தில், (13°05′10″N 80°14′59″E / 13.0861°N 80.2496°E / 13.0861; 80.2496) என்ற புவியியல் ஆள்கூறுகள் கொண்டு, சென்னையின் புரசைவாக்கம் பகுதியில் வசந்த் அண்ட் கோ அமையப் பெற்றுள்ளது.

விபரங்கள்

1978 ஆம் ஆண்டு இந்நிறுவனம் சென்னையில் ஆரம்பிக்கப்பட்டது. இதன் நிறுவனர் காலஞ்சென்ற எச். வசந்தகுமார் ஆவார். சுமார் ஆயிரம் தொழிலாளர்களைக் கொண்ட இந்நிறுவனம் பல இடங்களில் கிளைகளைக் கொண்டுள்ளது.^[2]

2021 ஆம் ஆண்டு 44 வருடங்கள் பணியாற்றிய பெருமையைப் பெற்ற இந்நிறுவனத்தின் கிளைகள் தமிழ்நாடு, புதுச்சேரி மற்றும் பெங்களூரு ஆகிய இடங்களில் உள்ளன.^[3]

தற்போது ஆண்டுக்கு ஆயிரம் கோடி வருவாய் ஈட்டும் நிறுவனங்களில் ஒன்றாக இந்நிறுவனம் விளங்குகிறது.^[4]

120ஆவது கிளை

2024 ஆம் வருடம் செப்டம்பர் மாதம் வரையிலான காலக்கட்டத்தில் இந்நிறுவனம் 120 கிளைகளைக் கொண்டுள்ளது. 2024 ஆம் ஆண்டு செப்டம்பர் மாதம் 5 ஆம் நாள், இந்நிறுவனத்தின் 120 ஆவது கிளை திருத்தணியில் ஆரம்பிக்கப்பட்டது.