வன்கலவி எதிர்ப்பு இயக்கம்
வன்கலவி எதிர்ப்பு இயக்கம் (Anti-rape movement) ஒரு சமூக அரசியல் இயக்கம்[சான்று தேவை] இது பெண்களுக்கு எதிரான வன்முறை மற்றும் துன்புறுத்தல்களை எதிர்த்துப் போராடும் இயக்கத்தின் ஒரு பகுதியாகும். இந்த இயக்கம் பெண்களுக்கு எதிரான வன்முறைக்கான சமூக அணுகுமுறைகளை மாற்ற முயல்கிறது, அதாவது பாலியல் உரிமை மற்றும் பாதிக்கப்பட்டவர்களைக் குற்றம் சாட்டுவது, அத்துடன் பெண்களுக்கு எதிரான வன்முறைக்கான சுய குற்றம் போன்ற பெண்களின் அணுகுமுறைகள் போன்றவற்றை மாற்ற முயற்சி செய்கிறது. வன்கலவி சட்டங்கள் அல்லது சாட்சிகளின் சட்டங்களில் மாற்றங்களை ஊக்குவிக்க முயல்கிறது, இது கற்பழிப்பாளர்கள் தண்டனைகளைத் தவிர்க்க உதவுகிறது, எடுத்துக்காட்டாக, பாதிக்கப்பட்டவர்கள் தங்களுக்கு எதிரான தாக்குதல்களைப் புகாரளிப்பதில் தயக்கம் காட்டுகிறார்கள். இந்த இயக்கம் பல அதிகார வரம்புகளில் வெற்றிகரமாக இருந்தபோதிலும், சில அதிகார வரம்புகளில் தேவையான அளவில் மாற்றங்களைக் கொண்டுவரவில்லை. மேலும், இது தொடர்பான சட்டங்களில் ஏற்பட்ட மாற்றங்கள், வன்கலவியால் பாதிக்கப்பட்டிருப்பவர்கள் புகார் அளிக்கும் எண்னிக்கை ஆகியன அதிகரித்து இருந்தாலும் , நடைமுறையில் பெண்களுக்கு எதிரான வன்முறை ஏற்றுக்கொள்ள முடியாத அதிக அளவில் தொடர்ந்து நடைபெறுகிறது.
இந்த இயக்கம் 1960 களின் பிற்பகுதியிலும் 1970 களின் முற்பகுதியிலும், இரண்டாவது அலை பெண்ணியம் மற்றும் பெண்களின் அன்றாட வாழ்க்கையை சமூக ரீதியாகவும் அவர்கள் தொடர்பு கொள்ளும் சமூக நிறுவனங்களிடமிருந்தும் வன்கலவி பற்றிய புதிய கருத்துக்கள் எழுவதற்குக் காரணமாக அமைந்தன. இந்த மறு பரிசோதனை முன்னதாக, தங்கள் சொந்த பாலியல் ஆசைகளை கட்டுப்படுத்த இயலாத ஆண்களால் நடத்தப்பட்ட பாலியல் குற்றம் என்றே பார்க்கப்பட்டது.[1][2] கற்பழிப்புக்கான இந்த திருத்தப்பட்ட வரையறை பாதிக்கப்பட்டவரின் கண்ணோட்டத்தில் இருந்து வருவதாகும். வன்கலவிச் செயல் சமூக பாலினப் பாத்திரங்கள், ஆண்களைப் பெண்களுக்கு மேலே வைக்கும் அதிகார வரிசைமுறை பராமரிக்கப்படும் ஒரு வழி என்று வலியுறுத்தப்பட்டது. [2] வன்கலவி என்பது ஆண் அதிகாரத்தை உறுதிப்படுத்தப் பயன்படுத்தப்படும் வன்முறை வடிவமாக வரையறுக்கப்படுகிறது, இது பெண்கள் மற்றும் குழந்தைகள் மீதான சமூகக் கட்டுப்பாட்டின் ஒரு வடிவம். [3] "வன்கலவி எதிர்ப்பு" அல்லது "வன்கலவி தடுப்பு" இயக்கம் என்றறியப்பட்ட இந்த இயக்கம் [4] பாலியல் வன்முறை மற்றும் பெண்களுக்கு எதிரான வன்முறையை எதிர்ப்பதற்காக ஏற்படுத்தப்பட்டது.
வரலாறு தொகு
தோற்றம் தொகு
1960 களின் பிற்பகுதியில் தொடங்கி, பெண்களுக்கு எதிரான வன்முறை, இரண்டாவது அலை பெண்ணிய இயக்கத்தில் ஒரு முக்கிய கருத்தாக இருந்தது. பாலியல் வன்கொடுமை இயக்கத்தின் மூலம், பெண்கள் இயக்கத்தின் ஒரு பிரிவான, பாலியல் வன்முறையை கவனத்தில் கொள்ள வேண்டிய முக்கியமான சமூக பிரச்சனையாக பொதுமக்களுக்கு தெரியப்படுத்தப்பட்டது. [5] பாலியல் வன்முறை என்பது வன்கலவி மற்றும் பாலியல் வன்கொடுமை இரண்டையும் குறிக்கிறது. 1970 களில், பெண்ணியவாதிகள் நனவை உயர்த்தும் குழுக்களில் ஈடுபடத் தொடங்கினர், இதில் பெண்கள் பாலியல் வன்முறையில் பெற்ற தனிப்பட்ட அனுபவங்களை பரந்த பொதுமக்களுடன் பகிர்ந்து கொண்டனர். 1971 ஆம் ஆண்டில், நியூயார்க் தீவிர பெண்ணியவாதிகள் பாலியல் வன்கொடுமையை ஒரு சமூக பிரச்சனையாகக் குறிப்பிட்ட முதல் நிகழ்வுகளுக்கு நிதியுதவி அளித்தனர். [3] ஜனவரி 24, 1971 -இல், இந்த குழு சுமார் 300 பேர் நியூயார்க் செயின்ட் கிளமெண்ட் ன் எபிஸ்கோபால் தேவாலயத்தில் கலந்து முதல் ஸ்பீக் அவுட் (கருத்துக்களை பொது வெளியில் தெரிவிப்பது) நடந்தது . இது ஏப்ரல் 12, 1971 அன்று நடந்த வன்கலவி என்பதன் வெளிப்பாடாக அமைந்தது. [3] பெண்கள் தங்கள் சொந்த அனுபவங்களை பார்வையாளர்களுடன் பகிர்ந்து கொள்ளவும், இந்தப் பிரச்சினைக்கு எதிராக அவர்களது ஆதரவினைத் தெரிவிப்பதற்காகவும் இந்த உரையாடல் நிகழ்ச்சி ஏற்படுத்தபட்டது. இந்த நிகழ்வுகள் பாலியல் வன்முறை பற்றிய பொது விழிப்புணர்வை கவனத்திற்குரிய பிரச்சினையாக அதிகரிக்க உதவியது.
சான்றுகள் தொகு
- ↑ Fried, A. (1994). "It's hard to change what we want to change". Gender & Society 8 (4): 562. doi:10.1177/089124394008004006. https://archive.org/details/sim_gender-society_1994-12_8_4/page/562.
- ↑ 2.0 2.1 Donat, P.L.N., and D'Emilio, J. (1998). A feminist redefinition of rape and sexual assault: Historical foundations and change. In M.E. Odem and J. Clay-Warner (Eds.), Confronting Rape and Sexual Assault, (pp. 35-49). Lanham, MD: Rowman and Littlefield.
- ↑ 3.0 3.1 3.2 Matthews, N.A. (1994). Confronting rape: The feminist anti-rape movement and the state. London: Routledge.
- ↑ Rose, V.M. (1977). "Rape as a social problem: a byproduct of the feminist movement.". Social Problems 25 (1): 75–89. doi:10.1525/sp.1977.25.1.03a00080. https://archive.org/details/sim_social-problems_1977-10_25_1/page/75.
- ↑ "Summary of the history of rape crisis centers." Retrieved April 8, 2009, from the Office for Victims of Crime Training and Technical Assistance Center Web site, https://www.ovcttac.gov/downloads/SAACT/files/summ_of_history.pdf.