வாகதீச்வரி

வாகதீச்வரி கருநாடக இசையின் 34 வது மேளகர்த்தா இராகமாகும். அசம்பூர்ண மேள பத்ததியில் 34 வது இராகத்திற்கு போகாச்சாயாநாட என்று பெயர்.^[1]^[2]

இலக்கணம்

வாகதீச்வரி சுரங்கள் C யிலிருந்து தொடக்கம்

ஆரோகணம்:	ஸ ரி₃ க₃ ம₁ ப த₂ நி₂ ஸ்
அவரோகணம்:	ஸ் நி₂ த₂ ப ம₁ க₃ ரி₃ ஸ

ருது என்றழைக்கப்படும் 6 வது வட்டத்தில் (சக்கரத்தில்) 4 வது இராகம்.
இந்த இராகத்தில் ஷட்ஜம், ஷட்சுருதி ரிஷபம்(ரி₃), அந்தர காந்தாரம்(க₃), சுத்த மத்திமம்(ம₁), பஞ்சமம், சதுஸ்ருதி தைவதம்(த₂), கைசிகி நிஷாதம்(நி₂) ஆகிய சுரங்கள் வருகிறன.
சர்வஸ்வர கமக வரிக ரக்தி ராகம். எப்பொழுதும் பாடலாம்.

ஷட்சுருதி ரிஷபம் கம்பிதமாக இசைக்கப்பட வேண்டும்.
விவாதி மேளம் (பகை ஸ்வரங்களைக் கொண்ட மேளம்).
இதன் மத்திமத்தை பிரதி மத்திமமாக மாற்றினால் இராகம் நாசிகாபூஷணி (70) ஆகும்.
வாகதீச்வரி மேளத்தின் மத்திமத்தை கிரக பேதம் செய்தால் நாகாநந்தினி (30) மேளமும், தைவதத்தை கிரக பேதம் செய்தால் பவப்பிரியா (44) மேளமும் தோன்றுகிறன (மூர்ச்சனாகாரக மேளம்).

வகை	உருப்படி	இயற்றியவர்	தாளம்
கிருதி	பரமாதமுடு	தியாகராஜர்	ஆதி
கிருதி	நாதானு சந்தான	கோடீஸ்வர ஐயர்	ஆதி
கிருதி	வாகதீஸ்வரி	சுத்தானந்த பாரதியார்	ஜம்பை

வாகதீச்வரியின் ஜன்ய இராகங்கள் இவை.

↑ Ragas in Carnatic music by Dr. S. Bhagyalekshmy, Pub. 1990, CBH Publications
↑ Raganidhi by P. Subba Rao, Pub. 1964, The Music Academy of Madras