வினீதா குப்தா
வினீதா குப்தா (Vineeta Gupta) ஓர் அமெரிக்க மனித உரிமை ஆர்வலர் மற்றும் பரோபகாரர் ஆவார்.[1][2][3] இவர் எச்ஐவி/எய்ட்ஸ் நிறுத்து, இந்தியா முன்முயற்சியின் நிறுவனர் மற்றும் இயக்குநர் ஆவார்.[4][5][6]
கல்வி தொகு
குப்தா இந்தியாவில் பிறந்தார். இங்கு இவர் மருத்துவம் மற்றும் சட்டத்துறைகளில் பட்டம் பெற்றார்.[7] பின்னர், இவர் நோட்ரெ டேம் பல்கலைக்கழகத்தில் பயின்றார். இங்கு இவர் பன்னாட்டு மனித உரிமைகள் சட்டத்தில் முதுகலைப் பட்டம் பெற்றார்.[8][9]
பணி தொகு
குப்தா சேரிகளில் பணிபுரியும் அரசு மருத்துவ அதிகாரியாகத் தனது வாழ்க்கையைத் தொடங்கினார்.[10] இவரது தொழில் வாழ்க்கையில், இவர் 1990களில் பஞ்சாபில் மருத்துவ சேவை வகுப்பு அதிகாரியாக பணியாற்றினார். மக்கள் சிவில் உரிமைகளுக்கான கழகம் பணியாற்றினார். இங்கு இவர் ஊழலுக்கு எதிரான நிலைப்பாட்டை எடுக்க முயன்றார்.[3][10][11] வினீதா குப்தா & பஞ்சாப் மாநிலம் என்ற வழக்கில், பஞ்சாபில் நடுவண் ஒற்று முகமை அலுவலகங்கள், விசாரணை மையங்கள் மற்றும் காவல் நிலையங்களில் சித்திரவதைக் கருவிகளைப் பயன்படுத்துவதற்கு எதிராக வாதிட்டு வெற்றி பெற்றார்.[12] 2001ஆம் ஆண்டு பஞ்சாபில் ஒரு மருத்துவமனையை மூடுவதற்கு எதிர்ப்பு தெரிவித்ததற்காக இவர் சட்டவிரோதமாகத் தடுத்து வைக்கப்பட்டார்.[13] பன்னாட்டு மன்னிப்பு அவை மனித உரிமைகள் அறிக்கை, பஞ்சாப் அரசாங்கம் குப்தாவை அநீதிக்குச் சவால் விடுத்ததற்காகத் துன்புறுத்தியதை ஆவணப்படுத்தியது.[13]
இந்தியாவில் எச்.ஐ.வி/ எய்ட்ஸ், காசநோய் மற்றும் மலேரியாவால் ஏற்படும் சவால்களைச் சமாளிக்க குப்தா, எச்ஐவி/எய்ட்சை நிறுத்து இந்தியா முன்முயற்சியை நிறுவினார்.[8][9][14] இந்த அமைப்பினை நிறுவுவதற்கு முன்பு, இவர் இன்சாப் பன்னாட்டு அமைப்பின் பொதுச் செயலாளராக இருந்தார்.[9]
2020 முதல் 2022 வரை, குப்தா ஆக்சன் குளோபல் ஹெல்த் அட்வகேசியின் செயலக இயக்குநராகப் பணியாற்றினார்.[8][14][15] இதில் சேர்வதற்கு முன்பு, இவர் குளோபல் ஹெல்த் அட்வகேசி இன்குபேட்டரில் இயக்குநராக இருந்தார்.[9]
2022-இல், குப்தா பொதுச் சுகாதார சட்டத்திற்கான வலையமைப்பின் நிர்வாக இயக்குநராகச் சேர்ந்தார்.[9]
குப்தா, பாலின உணர்திறன் மீது ஒரு குறிப்பிட்ட முக்கியத்துவத்துடன், அணுகக்கூடிய சுகாதார அமைப்புகளை, மலிவு விலையில் பொதுவான மருந்துகளை உருவாக்க உதவினார். பொது மருந்துகளுக்கான அணுகலைக் கட்டுப்படுத்தக்கூடிய இந்தியக் காப்புரிமைச் சட்டத்தில் திருத்தங்களை எதிர்க்கும் பணிக்காகவும் அவர் அறியப்படுகிறார்.[7][16]
மேற்கோள்கள் தொகு
- ↑ "Vineeta Gupta". C-SPAN.
- ↑ "Unhealthy policies from the world bank: An interview with Vineeta Gupta". Multinational Monitor.
- ↑ 3.0 3.1 Stycos, Steven (21 September 2001). "The Providence Phoenix This Just In". Providence Phoenix.
- ↑ "HIV infections: India flayed for scant action". ஹிந்துஸ்தான் டைம்ஸ். June 2, 2006.
- ↑ Ismail, M. Asif (December 13, 2006). "PEPFAR policy hinders treatment in generic terms". Center for Public Integrity.
- ↑ "The forgotten face". Frontline. June 29, 2006.
- ↑ 7.0 7.1 Kaung, Kyi May. "Vineeta Gupta profile".
- ↑ 8.0 8.1 8.2 "Vineeta Gupta, '04 LL.M. | The Law School | University of Notre Dame". November 19, 2020.
- ↑ 9.0 9.1 9.2 9.3 9.4 "Vineeta Gupta Archives".
- ↑ 10.0 10.1 Roy, Sandip (March 28, 2007). "AIDS in India, NRIsin the U.S. Building Bridges". India Currents.
- ↑ "The Danish Immigration Service: Report on fact-finding mission to Punjab, India" (PDF).
- ↑ "VINEETA GUPTA VS. STATE OF PUNJAB".
- ↑ 13.0 13.1 "UNHCR Web Archive".
- ↑ 14.0 14.1 "Working towards vaccine equity to leave no one behind". Gavi, the Vaccine Alliance.
- ↑ Pai, Madhukar. "Double Agents In Global Health". Forbes (in ஆங்கிலம்). பார்க்கப்பட்ட நாள் 2024-02-14.
- ↑ "World beat". January 16, 2005 – via தி டைம்ஸ் ஆஃப் இந்தியா.