வேதாங்கங்கள்
வேதாங்கங்கள், வேதத்தின் ஆறு உறுப்புகள் என்று சொல்லப்படுகின்றன. வேத ஒலிகளையும் அக்ஷரங்களையும் புரிந்து கொண்டு சரியான முறையில் பயன்படுத்த வேதாங்கங்கள் மிக முக்கியமாய் இருக்கின்றன. வேதங்களைக் கற்பிப்பதில் வேதாங்கங்களுக்கு முதன்மை இடம் அளிக்கப்படுகிறது.
வேதாங்கங்கள் எண்ணிக்கையில் ஆறு வகைப்படும்.
- சீக்ஷா – உச்சரிப்பு முறைகளை விளக்குவது
- வியாகரணம் – இலக்கணம்
- சந்தஸ் – செய்யுள் இலக்கணம்
- நிருக்தம் - சொல் இலக்கணம்
- ஜோதிடம் – வானசாஸ்திரம்
- கல்பம் – செயல்முறை, கிரியைகளுக்கேற்ற தந்திரம், வேள்வி விளக்கம், வேள்விச்சாலை அமைக்க வேண்டிய க்ஷேத்திரக் கணிதம் ஆகியவை அடங்கியது
இவை ஒவ்வொன்றும் ஒரு உறுப்பாக, வேதங்களின் ஒரு அங்கமாகக் கருதப்படுவதால் இவையனைத்தும் வேதாங்கங்கள் அல்லது ஆறு சாத்திரங்கள் என்பர்.